ການອ່ານປື້ມ

(GMT+08:00) 2009-11-19 11:20:00 cri

ວັນນີ:ສະບາຍດີທ່ານຜູ່ຟັງທີ່ຮັກແພງ,ລາຍການຫ້ອງດົນຕີ 93 ໄດ້ມາພົບກັບທ່ານອີກແລ້ວຕາມນັດ.
ຫນຸ່ມໃຫຍ່:ແຕ່ລະມື້,ຫນຸ່ມໃຫຍ່ອາລົມດີກັບວັນນີກໍ່ລໍຄອຍທ່ານຢູ່ແຫ່ງນີ້ fm 93mhz ,ເພື່ອເປີດເພງມ່ວນໆແລະລົມເລື່ອງລາວຕ່າງໆທີ່ເປັນປະໂຫຍດແລະຂໍ້ຄິດເລັກໆນ້ອຍໆສູ່ຟັງ.

ວັນນີ:ນີ້ຫນຸ່ມໃຫຍ່,ສອງສາມມື້ກ່ອນ,ວັນນີໄດ້ເຫັນຮູບກາກຕຸ້ນເລື່ອງຫນຶ່ງ,ເຂົາເຈົ້າແຕ້ມແນວນີ້ຄື,ຢູ່ໃນເຮືອນຂອງຄົນຜູ່ຫນຶ່ງໄດ້ຕັ້ງຕູ້ໃສ່ປື້ມ ໃຫຍ່ໆຕູ້ຫນຶ່ງເກືອບມີປື້ມເຕັມ,ເຈົ້າຂອງເຮືອນກໍ່ເອົາໄມ້ບັນທັດມາແທກແລ້ວບອກເມຍວ່າ,ໄປຊື້ປື້ມທີ່ຫນາ 3 ຊັງຕີເມັດປື້ມຫນຶ່ງມາໃສ່ໃຫ້ມັນເຕັມຕູ້ໄປ.

ຫນຸ່ມໃຫຍ່:ອ່າວ,ເຮັດແນວນີ້ບໍ່ແມ່ນຄົນມັກອ່ານປື້ມຕິ໋,ວັນນີ,ບໍ່ແມ່ນເຮັດເພື່ອອ້າງຜູ່ອື່ນຊື່ບໍ່?
ວັນນີ:ຄືຊິແມ່ນເນາະ!ການອ່ານປື້ມກໍ່ແມ່ນເລື່ອງທີ່ພວກເຮົາຈະລົມກັນໃນມື້ນີ້.ກ່ອນຈະລົມກ່ຽວກັບການອ່ານປື້ມ,ວັນນີກໍ່ຈະເປີດເພງທຳອິດຈາກລາຍການສູ່ຟັງກ່ອນ,ຄືເພງ ປື້ມມົນກົນ
ຫນຸ່ມໃຫຍ່:ທີ່ທ່ານພວມຟັງຢູ່ນີ້ແມ່ນລາຍການຫ້ອງດົນຕີ 93.ມື້ນີ້ ຫນຸ່ມໃຫຍ່ກັບວັນນີຈະລົມເລື່ອງກ່ຽວກັບການອ່ານປື້ມ.

ວັນນີ:ເວົ້າເຖິງການອ່ານປື້ມນີ້,ວັນນີມັກອ່ານປື້ມ ຫລາຍ.ປື້ມ ນີ້ແມ່ນພິມອອກສຳລັບໃຫ້ເດັກນ້ອຍອ່ານ,ໃຫຍ່ຊ່ຳກັບຝາມືນີ້ລະ,ມີຮູບແຕ້ມ,ແລະມີຫນັງສືອະທິບາຍແບບງ່າຍໆໃສ່.ວັນນີມັກອ່ານຫລາຍ.

ຫນຸ່ມໃຫຍ່:ຊັ້ນວັນນີຕ້ອງມີປື້ມ ສຽວເຢີນຊູ່ ບໍ່ຫນ້ອຍຕິ໋ຊັ້ນ.

ວັນນີ:ອື່,ແມ່ນແລ້ວ, ຍາມນ້ອຍມີຫລາຍຢູ່,ແຕ່ເສຍດາຍຫລາຍເມື່ອໄດ້ຍ້າຍເຮືອນຫລາຍເທື່ອແລ້ວ,ສ່ວນຫລາຍກໍ່ເສຍໄປ.ໃນປື້ມ ທີ່ວັນນີມີຢູ່ນັ້ນ,ວັນນີມັກເລື່ອງ ປາໃນເຕັ້ນຂ້າມປະຕູມັງກອນ. ປື້ມນີ້ມີຮູບແຕ້ມສີທີ່ມີຫນ້ອຍໃນແຕ່ກ່ອນ,ໄດ້ເລົ່າເລື່ອງກ່ຽວກັບປາໃນໂຕນ້ອຍໆໂຕຫນຶ່ງຢູ່ກັບແມ່ເຖົ້າ,ແມ່ເຖົ້າບອກປາໃນນ້ອຍວ່າ,ຢູ່ບ່ອນທີ່ໄກແສນໄກນັ້ນມີເຂື່ອນສູງແຫ່ງຫນຶ່ງ, ເມື່ອເຕັ້ນຂ້າມເຂື່ອນແຫ່ງນີ້ແລ້ວກໍ່ສາມາດໄປຮອດນ້ຳທີ່ສວຍງາມແລະກວາງຂວາງກວ່າບ່ອນທີ່ເຂົາເຈົ້າຢ່ນີ້ຫລາຍເທົ່າູ.ເມື່ອໄດ້ຟັງຄວາມແມ່ເຖົ້າແລ້ວ, ປາໃນນ້ອຍໆກໍ່ຝຶກແອບຢ່າງດຸຫມັ່ນ,ໄດ້ຜ່ານຜ່າຄວາມຫຍຸ້ງຍາກຕ່າງໆນາໆ,ໃນທີ່ສຸດກໍ່ເຕັ້ນຂ້າມເຂື່ອນນ້ຳສູງໄດ້.ເລື່ອງນີ້ປະທັບໃຈວັນນີຫລາຍ,ບໍ່ວ່າແມ່ນໃນເວລາດຳລົງຊີວິດຫລືເຮັດວຽກ,ເມື່ອປະສົບກັບຄວາມຫຍຸ້ງຍາກ,ວັນນີກໍ່ມັກຈະຄິດເຫັນປາໃນນ້ອຍໆໃນເລຶ່ອງນີ້,ແລະກໍ່ຈະມີຄວາມອົດທົນແລະມີກຳລັງໃຈຂຶ້ນຕື່ມ.

ຫນຸ່ມໃຫຍ່:ເຈົ້າແມ່ນແລ້ວ,ຫນຸ່ມໃຫຍ່ກໍ່ຮູ້ວ່າຄົນຈີນມັກເວົ້າວ່າ ຄ່າວຈ້ວນໂຢວອີ້ ຫມາຍຄວາມວ່າອ່ານປື້ມມີປະໂຫຍດຫລາຍ.

ວັນນີ:ເອີ,ເບິ່ງຫນຸ່ມໃຫຍ່ແລ້ວຮູ້ສຶກວ່າຮູ້ກ່ຽວກັບຈີນນັບມື້ນັບຫລາຍຂຶ້ນເນາະ.

ຫນຸ່ມໃຫຍ່:ໄປຢູ່ປະເທດໃດ,ກໍ່ຄວນພະຍາຍາມຊອກຮູ້ປະເທດນັ້ນໃຫ້ຫລາຍແດ່!ຫນຸ່ມໃຫຍ່ກໍ່ຍັງຮູ້ວ່າ ເສີນອີ້ ຫນຶ່ງໃນ 10 ຈອມພົນຂອງຈີນຍ້ອນຟາງແຕ່ການອ່ານປື້ມ,ກົ້ມຫນ້າບໍ່ເງີຍຈັກເທື່ອຈົນດຶ່ມນ້ຳມຶກໂດຍບໍ່ຮູ້ສຶກຕົວພຸ້ນຕົວະ!

ວັນນີ:ແມ່ນຫວະ,ຫນຸ່ມໃຫຍ່ເລົ່າໃຫ້ສູ່ຟັງດີໆເບິ່ງ.

ຫນຸ່ມໃຫຍ່:ເປັນແນວນີ້ຄື ໃນບຸນໄຫວ້ພະຈັນປີຫນຶ່ງ, ເສີນອີ້ກັບແມ່ໄປຢ້າມຍາດພີ່ນ້ອງ,ຢູ່ເຮືອນພີ່ນ້ອງ, ລາວເຫັນມີປື້ມທີ່ລາວຢາກອ່ານແຕ່ດົນແຕ່ຊ້ຳພັດບໍ່ມີເວລາອ່ານ,ກໍ່ເລີຍເອົາປື້ມມາອ່ານຢ່າງຕັ້ງອົກຕັ້ງໃຈ,ໃນເວລາກິນເຂົ້າ,ພີ່ນ້ອງກໍ່ເອີ້ນລາວຫລາຍເທື່ອ,ແຕ່ລາວຊ້ຳພັດບໍ່ໄດ້ຍິນຍ້ອນຟາງອ່ານ ປື້ມ.ພີ່ນ້ອງກໍ່ເລີຍເອົາຂະຫນົມຈານຫນຶ່ງແລະແຈ່ວຈານຫນຶ່ງໄປໄວ້ຢູ່ຕໍ່ຫນ້າລາວ,ໃຫ້ລາວທັງອ່ານປື້ມທັງກິນຂະຫນົມໄປພ້ອມ,ຍ້ອນບໍ່ໄດ້ສົນໃຈນຳການກິນ,ເສີນອີ້ກໍ່ຈັບເອົາຂະຫນົມຈ້ຳໃສ່ນ້ຳມຶກທີ່ວາງໄວ້ຢູ່ເທິງໂຕະມາກິນ,ຈົນ ແມ່ຍ່າງເຂົ້າມາຫ້ອງ,ຈິ່ງເຫັນວ່າສົບຂອງລາວໄດ້ເປັນສີນ້ຳມຶກ,ເມື່ອບອກລາວແລ້ວລາວຈິ່ງຮູ້ວ່າໂອຕົນເອງຈ້ຳບໍ່ຖືກຖ້ວຍແຈ່ວແລ້ວ.

ວັນນີ:ຕະຫລອດຊີວິດຂອງເສີນອີ້,ມັກອ່ານປຶ້ມຫລາຍ,ເພິ່ນກໍ່ໄດ້ຂຽນບົດແລະແຕ່ງກາບກອນຢ່າງຫລວງຫລາຍ,ເປັນຄົນທີ່ເກັ່ງທັງດ້ານການທະຫານທັງດ້ານວັນນະຄະດີ.ເອົາຕໍ່ໄປ ມາພັກຜ່ອນ,ຟັງເພງ ຮັກເຈົ້າແທ້ແລະເພງ ຄິ້ວ,ແລ້ວຈິ່ງລົມກັນຕໍ່.

ຫນຸ່ມໃຫຍ່:ຂະນະນີ້ ທ່ານພວມໃຫ້ກຽດຕິດຕາມຮັບຟັງລາຍການຫ້ອງດົນຕີ 93,ໃນລາຍການມື້ນີ້ ວັນນີກັບຫນຸ່ມໃຫຍ່ໄດ້ລົມເລື່ອງກ່ຽວກັບການອ່ານປື້ມ.

ວັນນີ:ບໍ່ຮູ້ວ່າຜູ່ຟັງທັງຫລາຍມີຄວາມຮູ້ສຶກຄືວັນນີບໍ່ວ່າ:ປື້ມທີ່ຢືມນຳຜູ່ອື່ນແລ້ວຈິ່ງອ່ານໄດ້ດີໄດ້ໄວ.

ຫນຸ່ມໃຫຍ່:ເປັນຫຍັງວັນນີຈິ່ງເວົ້າແນວນີ້?

1 2

ຂ່າວ-ບົດທີ່ກ່ຽວຂ້ອງ

ຄຳເຫັນ

ການ​ອ່ານ​ປື້​ມ

ການອ່ານປື້ມ