ໄປຄຽງຄູ່ກັບສຽງຫມາກຫວີບສຸດທ້າຍຂອງເຕະບານໂລກໄດ້ດັງຂຶ້ນ, ໂດຍມີການຍິງເຂົ້າປະຕູໃນນາທີທີ 116 ຂອງການແຂ່ງຂັນ, ແອັສປາຍໄດ້ຊະນະໂຮນລັງ 1 ປະຕູຕໍ່ 0,ນີ້ກໍ່ແມ່ນເທື່ອທຳອິດທີ່ແອັສປາຍຊິງໄດ້ແຊັມໂລກ.ການແຂ່ງຂັນເຕະບານໂລກຄັ້ງນີ້ແມ່ນຈັດຂຶ້ນຢູ່ທະວີບອາຟຼີກາຄັ້ງທຳອິດຕັ້ງແຕ່ເລີ່ມມີມາໄດ້ 80 ປີແລ້ວ, ສ່ວນທິມແອສປາຍທີ່ເຂົ້າສູ່ຮອບຊິງຊະນະເລີດເປັນຄັ້ງທຳອິດນັ້ນກໍ່ໄດ້ຂຽນປະຫວັດສາດຫນ້າໃຫມ່ຄື:ເປັນທິມທີ 8 ທີ່ໄດ້ເປັນແຊັມໃນງານເຕະບານໂລກ,ແມ່ນທິມຈາກເອີລົບທິມທຳອິດທີ່ໄດ້ຄອງຊະນະເລີດຢູ່ນອກທະວີບເອີລົບ,ແມ່ນທິມທຳອິດທີ່ເຄີຍເສຍໄຊໃນການແຂ່ງຂັນຮອບທຳອິດແຕ່ຊິງໄດ້ເປັນແຊັມໃນທີ່ສຸດ!
ໃນການແຂ່ງຂັນຂອງຄູ່ຊິງຊະນະເລີດ,ຍັງເກີດພາບທີ່ກະຕຸ້ນໃຈພາບຫນຶ່ງ, ນັ້ນກໍ່ຄື:ອານເດັຣດສ໊ ອີນີສຕາ, ນັກເຕະຂອງແອັສປາຍເມື່ອຍິງເຂົ້າ ປະຕູແລ້ວ,ກໍ່ແກ້ເສື້ອນອກອອກໃຫ້ເຫັນເສື້ອຍືດສີຂາວທີ່ຂຽນປະໂຫຍກທີ່ວ່າ:ດານເນວ ຈາກີ ກອນຊາເລັສ ຢູ່ກັບພວກເຮົາຕະຫລອດໄປ. ດານເນວ ແມ່ນອະດີດຫົວຫນ້າຂອງທິມ"ຄົນແອສປາຍ" (ທີມໜຶ່ງໃນສະໂມສອນເຕະບານແອສປາຍ)ທີ່ໄດ້ເສຍຊີວິດຍ້ອນເປັນພະຍາດຫົວໃຈໃນເດືອນສິງຫາ2009.
ທິມແອສປາຍທີ່ສາມັກຄີກັນແຫນ້ນແມ່ນສົມເປັນແຊັມ.ທ່ານວີເຊັນເຕ ເດວ ບົສກີ ຄູຝຶກທິມແອັສປາຍເວົ້າດ້ວຍຄວາມຕື່ນເຕັ້ນຫລັງການແຂ່ງຂັນວ່າ:
ຄືນນີ້ເຮັດໃຫ້ພວກເຮົາດີໃຈທີ່ສຸດ.ພວກເຮົາພະຍາຍາມມາໄດ້ 50 ວັນເພື່ອງານເຕະບານໂລກຄັ້ງນີ້,ບໍ່ໄດ້ເກີດມີສະພາບທີ່ບໍ່ດີຫຍັງເລີຍ, ບໍ່ມີການລາຍງານຂ່າວໄປໃນທາງລົບ,ນີ້ເຮັດໃຫ້ຂ້າພະເຈົ້າດີໃຈຫລາຍ.ພວກເຮົາບໍ່ພຽງແຕ່ເຄົາລົບການແຂ່ງຂັນທໍ່ນັ້ນ, ຍັງເຄົາລົບສີສັນຂອງພວກເຮົາເອງອີກ.
1 2 3 
