ໃນການແຂ່ງຂັນເຕະບານໂລກອາຟຼີກາໃຕ້, ນອກຈາກທິມແອັສປາຍມີຊື່ສຽງໂດ່ງດັງຂຶ້ນແລ້ວ,ຍັງມີປາມຶກໃຫຍ່ທີ່ຊື່ວ່າພໍຣ,ທີ່ເປັນດາຣາດັງຂອງຫໍສັດທະເລໂອເບີຮາວເຊິນຂອງເຢຍລະມັນອີກ.ໃນການທຳນາຍການແຂ່ງຂັນເຕະບານໂລກຄັ້ງນີ້,ປາມຶກພໍຣໄດ້ທຳນາຍຜົນການແຂ່ງຂັນທັງ 8 ນັດຖືກຫມົດ,ເຊິ່ງລວມທັງຄູ່ທີ່ເຢຍລະມັນເສຍໃຫ້ແຊກບີ, ,ແລະການແຂ່ງຂັນຊິງຊະນະເລີດລະຫວ່າງທິມແອັສປາຍກັບທິມໂຮນລັງ. ຜູ່ຮັບຜິດຊອບຂອງຫໍສັດທະເລໂອເບີຮາວເຊິນໃຫ້ສຳພາດຕໍ່ນັກຂ່າວໃນຫວ່າງກ່ອນນີ້ບໍ່ດົນ ວ່າ, ນັກທ່ອງທ່ຽວ 90% ມັກຖາມວ່າພໍຣຢູ່ໃສ?ນາງບອກວ່າ:ພວກເຮົາບໍ່ສາມາດຮູ້ໄດ້ວ່າພໍຣໄດ້ດຶງດູດໃຈນັກທ່ອງທ່ຽວທີ່ເກີນຄາດນັ້ນຫລາຍປານໃດ, ອາດຈະໃຊ້ເວລາອີກຫລາຍອາທິດກະແສນິຍົມເຕະບານໂລກຜ່ານໄປແລ້ວ,ພວກເຮົາຈິ່ງຈະຮູ້ວ່າພໍຣໄດ້ດຶງດູດຜູ່ໄປທ່ຽວຫລາຍປານໃດ.ເຖິງວ່າການໃຫ້ປາມຶກພໍຣທຳນາຍວ່າທິມໃດຈະຊະນະໃນການແຂ່ງຂັນແມ່ນການໂຄສະນາທີ່ວາງແຜນໄວ້ແລ້ວລ່ວງຫນ້າກໍ່ຕາມ,ແຕ່ພວກເຮົາກໍ່ບໍ່ເຄີຍຄິດເລີຍວ່າ, ພໍຣຈະມີຊື່ສຽງໂດ່ງດັງປານນີ້, ຈົນເຮັດໃຫ້ພວກເຮົາໄດ້ຕ້ອນຮັບການສຳພາດຮ້ອຍກວ່າເທື່ອຈາກນັກຂ່າວທົ່ວໂລກ.
ແຕ່ເລື່ອງທີ່ຫນ້າເສຍດາຍນັ້ນແມ່ນ, ຊີວິດຂອງປາມຶກແມ່ນຍື່ນແຕ່ 3 ປີທໍ່ນັ້ນ, ການແຂ່ງຂັນເຕະບານໂລກທີ່ເບຼຊິນໃນປີ 2014, ແນນອນພໍຣແມ່ນຈະບໍ່ມີໂອກາດໄດ້ທຳນາຍອີກແລ້ວ, ແມ່ນແຕ່ການແຂ່ງຂັນຊິງຂັນເອີລົບທີ່ຈະຈັດຂຶ້ນໃນສອງປີຂ້າງຫນ້ານີ້ມັນກໍ່ມີຄວາມຫວັງຫນ້ອຍທີ່ສຸດທີ່ໄດ້ຢູ່ທຳນາຍ.
ການແຂ່ງຂັນເຕະບານໂລກອາຟຼິກາໃຕ້ແມ່ນອີກງານຫນຶ່ງທີ່ລືມຍາກ.ທ່ານເຊັບ ບຼາເທີ,ປະທານສະຫະພັນເຕະບານໂລກຫລືຟີຟາກໍ່ຍ້ອງຍໍການແຂ່ງຂັນເທື່ອນີ້ວ່າແມ່ນການແຂ່ງຂັນເຕະບານທີ່ພິເສດອີກເທື່ອຫນຶ່ງ.ຕໍ່ເລື່ອງນີ້,ນາງເຊີຣີ ສມິສ,ແຟນບານອາຟຼີກາໃຕ້ຮູ້ສຶກພາກພູມໃຈຫລາຍ,ນາງບອກວ່າ:
ເກັ່ງຫລາຍ, ເກັ່ງທີ່ສຸດເລີຍ.ອາຟຼີກາທີ່ເປັນແຜ່ນດິນໃຫຍ່ແຫ່ງຫນຶ່ງ, ກໍ່ ສາມາດເຮັດທຸກສິ່ງທຸກຢ່າງໄດ້ຄືກັນເຊິ່ງລວມທັງການຈັດກິລາລະດັບໂລກ.
ທ່ານຜູ່ຟັງ, ການແຂ່ງຂັນເຕະບານໂລກອາຟຼິກາໃຕ້ 2010 ໄດ້ສິ້ນສຸດລົງແລ້ວ, ພວກເຮົາມາຄອງຄອຍການແຂ່ງຂັນເທື່ອຫນ້າບົນສະຫນາມຫຍ້າຂອງເບຼຊິນຫລັງຈາກນີ້ 4 ປີຮ່ວມກັນ.
1 2 3
