ຕາມຂ່າວCRI:ວັນທີ23ພະຈິກນີ້,ຄະນະແພດປິ່ນປົວຕາຈີນໃນກິດຈະກຳ"ສົ່ງແສງສະຫວ່າງໄປລາວ"ເລີ່ມຢ້ຽມຢາມລາວດ້ວຍໄມຕີຈິດມິດຕະພາບເປັນເວລາ5ວັນ.ໃນໄລຍະຢ້ຽມຢາມ,ຄະນະແພດປົວຕາຈີນທີ່ມາຈາກໂຮງໝໍທົງເຢິນ ປັກກິ່ງ,ຊຶ່ງເປັນໂຮງໝໍປົວຕາເກັ່ງທີ່ສຸດຂອງຈີນໄດ້ຈັດກິດຈະກຳ"ສົ່ງແສງສະຫວ່າງໄປນະຄອນຫຼວງວຽງຈັນຢ່າງສຳເລັດຜົນ,ໂດຍໄດ້ທຳການຜ່າຕັດໃຫ້ຜູ່ເປັນພະຍາດແກ່ນຕາຂຸ້ນຂອງລາວເກືອບຮ້ອຍຄົນໂດຍບໍ່ເກັບຄ່າ,ຊຶ່ງໄດ້ສະແດງໃຫ້ເຫັນຄຸນສົມບັດອັນສູງສົ່ງແລະສີມືການຜ່າຕັດອັນຍອດຢ້ຽມຂອງແພດຈີນ,ແລະໄດ້ຮັບຄວາມຍ້ອງຍໍສັນລະເສີນຈາກຝ່າຍຕ່າງໆຂອງລາວ.
ເມື່ອທຳການຜ່າຕັດແລ້ວ,ທ່ານວາງຈຸ່ນ,ແພດທີ່ເປັນຫົວໜ້າພະແນກຂອງໂຮງໝໍທົງເຢິນປັກກິ່ງ,ແພດຜ່າຕັດໃນກິດຈະກຳເທື່ອນີ້ບອກນັກຂ່າວວ່າ:"ອາການແກ່ນຕາຂຸ້ນຂອງຄົນເຈັບເຫຼົ່ານີ້ໜັກຫຼາຍ,ມີຫຼາຍຄົນບໍ່ພຽງແຕ່ແມ່ນຕາບອດເທົ່ານັ້ນ,ຍັງຕາບອດມາໄດ້ຫຼາຍປີແລ້ວ.ເທື່ອນີ້ພວກເຮົາມາລາວກໍ່ແມ່ນເພື່ອເຮັດໃຫ້ຜູ່ເປັນພະຍາດແກ່ນຕາຂຸ້ນເຫຼົ່ານີ້ສາມາດເບິ່ງເຫັນໄດ້ອີກ.ຫລັງຜ່າຕັດແລະພັກຟື້ນໄລຍະໜຶ່ງແລ້ວ,ເຂົາເຈົ້າກໍ່ຫາຍຈາກການເປັນພະຍາດແກ່ນຕາຂຸ້ນແລະສາມາດເບິ່ງເຫັນແຈ້ງດີ.ພວກເຮົາໄດ້ຜ່າຕັດແບບບາດແຜນ້ອຍທີ່ກ້າວໜ້າທີ່ສຸດຢູ່ຈີນໃຫ້ພວກເພີ່ນ,ຍັງໄດ້ໃຊ້ແກ້ວຕາທີ່ດີທີ່ສຸດໃຫ້ພວກເພີ່ນ,ສະນັ້ນຈຶ່ງໄດ້ຮັບຜົນດີຫຼາຍ."
1 2 
