ພະຍາດແກ່ນຕາຂຸ້ນແມ່ນພະຍາດຕາທີ່ພົບເຫັນເລື່ອຍໆຢູ່ປະເທດທີ່ມີແສງແດດແຮງ ຄື:ປະເທດລາວເປັນຕົ້ນ.ອາການໜັກໜ່ວງທີ່ສຸດຈະພາໃຫ້ຕາບອດ.ຄະນະແພດປິ່ນປົວຕາມາລາວເທື່ອນີ້,ແມ່ນທຳການຜ່າຕັດໂດຍບໍ່ເກັບຄ່າ,ໄດ້ນຳເອົາແສງສະຫວ່າງຫາຍໄປດົນແລ້ວນັ້ນສົ່ງຄືນໃຫ້ຄົນລາວຜູ່ເປັນພະຍາດນີ້,ເຮັດໃຫ້ຜູ່ເປັນພະຍາດຮູ້ສຶກເຖິງມິດຕະ ພາບຂອງປະຊາຊົນຈີນຢ່າງເລິກເຊິ່ງ.
ແພດໝໍຖ່າຍຮູບກັບຄົນເຈັບທີ່ໄດ້ຮັບການຜ່າຕັດ
ນາງສາວໄກສອນທີ່ມາຈາກແຂວງວຽງຈັນ,ອາຍຸພຽງແຕ່14ປີ,ແມ່ນຄົນລາວທີ່ອາຍຸນ້ອຍກວ່າໝູ່ທີ່ໄດ້ຮັບການຜ່າຕັດເທື່ອນີ້.ນາງເປັນພະຍາດແກ່ນຕາຂຸ້ນຫຼາຍປີແລ້ວ,ຍ້ອນວ່າໃນເວລາ7ປີມີແມງໄມ້ບິນເຂົ້າຕາເບື້ອງຊ້າຍ,ແຕ່ບໍ່ໄດ້ຮັບການປິ່ນປົວຍ້ອນຄອບຄົວທຸກຍາກ.ເທື່ອນີ້ນາງໄກສອນໄດ້ຮັບການຜ່າຕັດໂດຍບໍ່ຕ້ອງເສຍເງິນແລະດຽວນີ້ໄດ້ເຫັນແສງສະຫວ່າງຄືນໃໝ່.
ພໍ່ເຖົ້າທິດຈັນລາທີ່ມາຈາກເມືອງນາຊາຍທອງຂອງນະຄອນວຽງຈັນປີນີ້ອາຍຸ81ປີແລ້ວ,ໄດ້ຮັບການຜ່າຕັດໃນເທື່ອນີ້.
ກິດຈະກຳ"ສົ່ງແສງສະຫວ່າງໄປຕ່າງປະເທດ"ລິເລີ່ມໂດຍສະມາຄົມມິດຕະພາບກັບຕ່າງປະເທດຂອງປະຊາຊົນຈີນເມື່ອປີ2008.ມາຮອດປະຈຸບັນນີ້,ໄດ້ຜ່າຕັດໃຫ້ຜູ່ເປັນພະຍາດແກ່ນຕາຂຸ້ນຂອງຫຼາຍປະເທດເກືອບ2ພັນຄົນ,ເປັນຕົ້ນແມ່ນ: ສປປເກົາຫຼີ,ກຳປູເຈຍ,ມົງໂກນ,ຫວຽດນາມ,ມາລາວີ,ຊິມບາເວ,ໂມຊຳບິກແລະຊຳບີ,ຊຶ່ງໄດ້ຮັບຄວາມຊົມຊອບຢ່າງຟົດຟື້ນຈາກປະຊາຊົນປະເທດເຫຼົ່ານີ້.
1 2 
