10 ອັນດັບສັດດຶກດຳບັນ ທີ່ຍັງບໍ່ສູນພັນໄປຈາກໂລກ
ສີ່: ໜູຄະຍຸ (Laotian rock rat) ເປັນໜູຊະນິດໜຶ່ງທີ່ອາໄສຢູ່ເທິງພູເຂົາຫິນປູນ ແລະຄາດວ່າສູນພັນໄປເມື່ອ 11 ລ້ານປີທີ່ແລ້ວ ແຕ່ນັກວິທະຍາສາດຄົ້ນພົບໂດຍບັງເອີນໃນຕະຫລາດສົດນ້ອຍໆ ແຫ່ງໜຶ່ງໃນປະເທດລາວ ເມື່ອປີ 2005 ລັກສະນະຂອງມັນຄ້າຍກັບໜູ ແລະກະຮອກປະສົມກັນມີຫາງທີ່ໜາ ແລະມີຂົນສີເທົາ.
ສາມ: ປາດຶກດຳບັນຊີລາແຄນ ເມື່ອເບິ່ງແບບຜິວເຜີນບໍ່ຕ່າງຈາກປາທົ່ວໄປ ແຕ່ລັກສະນະຂອງມັນມີຫາງຄ້າຍກະບອກທີ່ຍາວ ເປັນສັດທີ່ມີລັກສະນະເກືອບຈະບໍ່ປ່ຽນແປງເຖິງຈະຜ່ານໄປດົນຫລາຍຮ້ອຍລ້ານປີ ກຳເນີດເທື່ອທໍາອິດເທິງໂລກໃນຍຸກດີໂວນຽນເມື່ອ 400 ລ້ານປີກ່ອນ ມັນຈຶ່ງເປັນສັດທີ່ມີຊີວິດເທິງໂລກກ່ອນໄດໂນເສົາ ແລະສັດເລື້ອຍຄານ ມັນລອຍໄປຂ້າງໜ້າໄດ້ ຖອຍຫລັງໄດ້ ຫງາຍທ້ອງໄດ້ ແລະລອຍຕັ້ງສາກກັບໜ້ານ້ຳເປັນເວລາດົນກໍໄດ້ໂດຍໃຊ້ຄີພັດນ້ຳ ຊຶ່ງມະນຸດເຊື່ອວ່າມັນສູນພັນໄປແລ້ວ 65 ລ້ານປີ ເນື່ອງຈາກຖືກອຸກກາບາດຕໍາກັບໂລກ ແຕ່ມັນກໍສາມາດສືບສາຍພັນມາເຖິງປະຈຸບັນ ຊຶ່ງມີການພົບເທື່ອທໍາອິດເມື່ອປີ 1938 ທີ່ອາຝລິກກາໃຕ້ ໂດຍປະຈຸບັນມີປາຊະນິດນີ້ເຫລືອພຽງ 200-300 ໂຕເທົ່ານັ້ນ ແລະນັ້ນກໍສະແດງວ່າມັນເປັນສັດທີ່ກຳລັງຈະສູນພັນ.
