ຫລັກຫມາຍທາງອັນໃຫມ່ແຫ່ງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສປປ ລາວກັບ ສປ ຈີນ
ຢູ່ຕາມບໍລິເວນໂຮງແຮມທີ່ພັກຂອງທ່ານຈູມມາລີໄຊຍະສອນໄດ້ປະດັບດ້ວຍທຸງຊາດຈີນແລະທຸງຊາດລາວ
ແຕ່ວັນທີ 26 –30 ກັນຍາ 2013, ທ່ານຈູມມະລີ ໄຊຍະສອນເລຂາທິການ ໃຫຍ່ສູນກາງພັກ ປະຊາຊົນປະຕິວັດລາວ ປະທານປະເທດລາວໄດ້ໄປຢ້ຽມ ຢາມສັນຖະວະໄມຕີຢູ່ຈີນຢ່າງເປັນທາງການ. ມື້ດຽວກັນ, ທ່ານຊີຈິ້ນຜິງ ເລຂາ ທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ຈັດພິທີຕ້ອນ ຮັບທ່ານຈູມມະລີ ໄຊຍະສອນ, ແລະໄດ້ພົບປະເຈລະຈາກັບທ່ານຢູ່ທີ່ຫໍສະ ພາປະຊາຊົນແຫ່ງຊາດຈີນທີ່ນະຄອນຫລວງປັກກິ່ງ.ຜູ່ນຳສູງສຸດຂອງສອງ ພັກສອງລັດຖະບານຈີນລາວໄດ້ລົງເລິກແລກປ່ຽນຄວາມເຫັນກ່ຽວກັບບັນຫາ ຕ່າງໆເຊັ່ນ:ການພົວພັນລະຫວ່າງສອງພັກສອງລັດ,ການກໍ່ສ້າງພັກ,ກໍ່ຄືບັນຫາພາກພື້ນແລະສາກົນທີ່ສົນໃຈຮ່ວມກັນ.
ວັນທີ 29 ກັນຍານີ້ ຢູ່ທີ່ນະຄອນຄຸນມິງຂອງແຂວງຢຸນນານຈີນ, ທ່ານ ຈູມມະລີ ໄຊຍະສອນໄດ້ໃຫ້ສຳພາດຕໍ່ ນັກຂ່າວ cri ກ່ຽວກັບບັນຫາການ ສ້າງສາປະເທດ,ການ ພົວພັນລະຫວ່າງລາວຈີນແລະບັນຫາກ່ຽວກັບການພົວ ພັນລະຫວ່າງອາຊຽນກັບຈີນ.
ກ່ອນອື່ນ,ທ່ານຈູມມະລີໄຊຍະສອນໄດ້ແນະນຳຜົນ ງານທີ່ພັກແລະ ລັດຖະບານໄດ້ຮັບໃນການນຳພາປະເທດສ້າງສາພັດທະນາເສດຖະກິດສັງຄົມຫລັງຈາກໄດ້ໄຂກອງປະຊຸມໃຫຍ່ຄັ້ງທີ 9 ຂອງພັກປະຊາຊົນປະຕິວັດລາວ ເມື່ອເດືອນມີນາ 2011 ເປັນຕົ້ນມາ.ທ່ານຈູມມະລີ ໄຊຍະສອນເວົ້າວ່າ:
"ກອງປະຊຸມໃຫຍ່ຂອງພັກປະຊາຊົນປະຕິວັດລາວຄັ້ງທີ 9 ໄດ້ໄຂ ຂຶ້ນໃນເດືອນມີນາ 2011 ທີ່ຜ່ານມາ, ມາເຖິງປະຈຸບັນກໍ່ເປັນເວລາ 2 ປີ ກວ່າແລ້ວ.ໃນກາງປີ 2013, ພວກຂ້າພະເຈົ້າໄດ້ຈັດກອງປະຊຸມຄົບຄະນະ ຄັ້ງທີ 6 ສະໄຫມທີ 9 ຂອງຄະນະບໍລິຫານງານສູນກາງພັກໂດຍໄດ້ຕີລາ ຄາການຊີ້ນຳນຳພາຂອງສູນກາງພັກຕໍ່ສະພາບການຈັດຕັ້ງປະຕິບັດມະຕິ ກອງປະຊຸມໃຫຍ່ຄັ້ງທີ 9 ຂອງພັກ, ແຜນພັດທະນາເສດຖະກິດ-ສັງຄົມແຫ່ງ ຊາດ 5 ປີຄັ້ງທີ 7 ເຄິ່ງສະໄຫມ(2011-2013) ເຊິ່ງໂດຍທົ່ວໄປແລ້ວ ຕະ ຫລອດໄລຍະ 2 ປີເຄິ່ງຜ່ານມາ, ສປປ ລາວ ສືບຕໍ່ມີສະຖຽນລະພາບທາງການ ເມືອງຢ່າງຫນັກແຫນ້ນ,ສັງຄົມຍັງມີຄວາມສະຫງົບປອດໄພ,ມີຄວາມເປັນລະບຽບຮຽບຮ້ອຍ, ເສດຖະກິດມີຄວາມຫມັ້ນທ່ຽງໂດຍພື້ນຖານ, ມີການຂະຫຍາຍ ຕົວດ້ວຍອັດຕາການເຕີບໂຕເພີ່ມຂຶ້ນ 8,2% ຕໍ່ປີ, ລວມຍອດມູນຄ່າ GDP ສະເລ່ຍຕໍ່ຫົວຄົນໃນປີ 2012-2013 ໄດ້ເພີ່ມຂຶ້ນເຖິງ 1500 ໂດລາ.ປະຈຸບັນ ພວກຂ້າພະເຈົ້າພວມສຸມໃສ່ການແກ້ໄຂຄວາມທຸກຍາກຂອງ ປະຊາຊົນ ໂດຍຕິດພັນກັບການປະຕິບັດມະຕິຂອງກົມການເມືອງສູນກາງ ພັກກ່ຽວກັບວຽກງານ 3 ສ້າງ:ສ້າງແຂວງໃຫ້ເປັນຫົວຫນ່ວຍຍຸດທະສາດ, ສ້າງເມືອງໃຫ້ເປັນຫົວຫນ່ວຍເຂັ້ມແຂງຮອບດ້ານ, ສ້າງບ້ານໃຫ້ເປັນຫົວ ຫນ່ວຍພັດທະນາ ໂດຍມີການເຮັດທົດລອງຢູ່ 51 ເມືອງ, 109 ບ້ານເປົ້າ ຫມາຍເພື່ອແກ້ໄຂຄວາມທຸກຍາກຂອງປະຊາຊົນ, ສູ້ຊົນໃຫ້ບັນລຸເປົ້າ ຫມາຍໃຫ້ຄອບຄົວທຸກຍາກທົ່ວປະເທດຍັງເຫລືອບໍ່ເກີນ 10% ໃນປີ 2015.ການເຄື່ອນໄຫວຕ່າງປະເທດໄດ້ຮັບການເປີດກວ້າງ, ເຫດການເດັ່ນແມ່ນ ການເປັນເຈົ້າພາບກອງປະຊຸມອາເຊັບ-7 ແລະ ອາເຊັມ-9 ໃນປີ 2012 ຜ່ານມາດ້ວຍຜົນສຳເລັດອັນຈົບງາມ.ສປປ ລາວໄດ້ສືບ ຕໍ່ພົວພັນທີ່ເປັນມູນເຊື້ອຍກັບບັນດາປະເທດເພື່ອນມິດຍຸດທະສາດຢ່າງຫນັກ ແຫນ້ນແລະເຂົ້າສູ່ລວງເລິກ,ຕັ້ງຫນ້າເຄື່ອນໄຫວໃນຂອບອາຊຽນ, ສອງຝ່າຍ ແລະຫລາຍ, ພິເສດ ສປປ ລາວ ໄດ້ຖືກຮັບເຂົ້າເປັນສະມາຊິກສົມບູນຂອງອົງ ການການຄ້າໂລກໃນປີ 2012. ທັງຫມົດໄດ້ສືບຕໍ່ເຊີດຊູ ແລະ ເສີມຂະຫຍາຍ ບົດບາດຂອງຕົນໃນເວທີພາກພື້ນ ແລະ ສາກົນ, ປະກອບສ່ວນອັນສຳຄັນເຂົ້າ ໃນການຍາດແຍ່ງການຮ່ວມມື ແລະເປີດກວ້າງເສດຖະກິດກັບຕ່າງປະເທດ. ປະຈຸບັນ, ພວກຂ້າພະເຈົ້າພວມຕັ້ງຫນ້າດຳເນີນການກະກຽມດ້ານຕ່າງໆ ເພື່ອກ້າວເຂົ້າສູ່ປະຊາຄົມເສດຖະກິດອາຊຽນໃນປີ 2015."
