ຫລັກຫມາຍທາງອັນໃຫມ່ແຫ່ງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສປປ ລາວກັບ ສປ ຈີນ
ພາຍຫຼັງການສຳພາດສິ້ນສຸດລົງແລ້ວ,ທ່ານຈູມມາລີ ໄຊຍະສອນໄດ້ສົນທະນາກັບນັກຂ່າວCRIຢ່າງເປັນກັນເອງ
ທ່ານຈູມມາລີ ໄຊຍະສອນຖ່າຍຮູບຮ່ວມກັບນັກຂ່າວCRIຄື ສາຍວັນນີແລະກຸຫຼາບ(ຜູ້ຢູ່ຂວາ)
ໃນການຢ້ຽມຢາມຢ່າງເປັນທາງການຢູ່ ສປ ຈີນ ເທື່ອນີ້, ທ່ານຈູມມະລີ ໄຊຍະສອນ ໄດ້ພົບປະເຈລະຈາກັບກັບທ່ານຊີຈິ້ນຜິງ, ເລຂາທິການໃຫຍ່ສູນ ກາງພັກກອມມູນິດຈີນ, ປະທານປະເທດຈີນ, ສອງຝ່າຍໄດ້ມີການປຶກສາຫາລື ກັນກ່ຽວກັບຫລາຍໆບັນຫາທີ່ກ່ຽວພັນເຖິງການພົວພັນລະຫວ່າງສອງຝ່າຍ, ການກໍ່ສ້າງພາຍໃນພັກກຳອຳນາດ,ແລະໄດ້ເປັນສັກຂີພິຍານໃນພິທີເຊັນສັນຍາຮ່ວມມື 10 ກວ່າສະບັບ. ກ່ຽວກັບການພົວພັນລະຫວ່າງ ສປປ ລາວກັບ ສປ ຈີນ, ທ່ານຈູມມະລີ ໄຊຍະສອນກ່າວວ່າ:
"ລາວ ແລະ ຈີນ ໄດ້ສ້າງຕັ້ງສາຍພົວພັນການທູດນຳກັນໃນວັນທີ 25 ເມສາ 1961, ນັບແຕ່ນັ້ນເປັນຕົ້ນມາດ ການພົວພັນຮ່ວມມືສອງຝ່າຍໄດ້ຮັບ ການຖະຫນຸຖະຫນອມບຳລຸງກໍ່ສ້າງ ແລະ ຂະຫຍາຍຕົວຢ່າງບໍ່ຢຸດຢັ້ງ ແລະ ມີ ຫມາກຜົນຕົວຈິງ. ພັກ, ລັດຖະບານ ແລະ ປະຊາຊົນຂອງສອງປະເທດມີ ຄວາມຜູກພັນ, ສະຫນິດສະຫນົມ,ໄວ້ເນື້ອເຊື່ອໃຈເຊິ່ງກັນແລະກັນຫລາຍຂຶ້ນ. ປີ 2009 ຜູ່ນຳສອງປະເທດໄດ້ຕົກລົງຍົກລະດັບການພົວພັນ ລາວ-ຈີນຂຶ້ນເປັນການພົວພັນແບບຄູ່ຮ່ວມມືຍຸດທະສາດຮອບດ້ານ, ອັນນີ້ໄດ້ ກາຍເປັນພື້ນຖານອັນໃຫມ່ແລະຫນັກແຫນ້ນສຳລັບການຂະຫຍາຍສາຍພົວພັນລະຫວ່າງລາວ-ຈີນ ໃນໄລຍະໃຫມ່ ບົນພື້ນຖານເປັນຄູ່ຮ່ວມມື 4 ດີ ຄື:ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີແລະຄູ່ຮ່ວມມືທີ່ດີ ຢ່າງແທ້ຈິງ.ໃນປີຜ່ານມາ, ສອງຝ່າຍໄດສືບຕໍ່ປຶກສາຫາລື ໄດ້ເຫັນດີເປັນເອກະພາບ ກັນທາງດ້ານເນື້ອໃນຂອງ ແຜນປະຕິບັດງານວ່າດ້ວຍການຜັນຂະຫຍາຍ ສາຍ ພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວ-ຈີນ ແລະໄດ້ພ້ອມກັນ ເປັນສັກຂີພິຍານໃນພິທີລົງນາມໃນຄັ້ງນີ້.
ແຜນປະຕິບັດງານດັ່ງກ່າວ, ແມ່ນເອກະສານພື້ນຖານທີ່ສຳຄັນໃນການ ເສີມຂະຫຍາຍສາຍພົວພັນ ລາວ-ຈີນ ໃນອະນາຄົດ, ເຊິ່ງໄດ້ກຳນົດມາດຕະ ການຂອງການຊຸກຍູ້ການຮ່ວມມືລະຫວ່າງສອງຝ່າຍຢ່າງຊັດເຈນ ແລະກວມ ເອົາທຸກໆຂົງເຂດຂອງການຮ່ວມມື ເປັນຕົ້ນແມ່ນ:ການຮ່ວມມືດ້ານການເມືອງ, ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ, ການຮ່ວມມືດ້ານເສດ ຖະກິດ-ການຄ້າ, ໂຄງລ່າງພື້ນຖານດ້ານຄົມມະນາຄົມ,ດ້ານກະສິກຳ, ດ້ານ ຊັບພະຍາກອນແຮ່ທາດ ແລະການປຸງແຕ່ງ, ດ້ານພະລັງງານ, ດ້ານການ ທ່ອງທ່ຽວ, ວັດທະນະທຳ-ສັງຄົມ, ພັດທະນາຊັບພະຍາກອນມະນຸດ,ດ້ານ ການຫລຸດຜ່ານຄວາມທຸກຍາດ, ການຮ່ວມມືໃນເວທີພາກພື້ນແລະສາກົນ ແລະ ດ້ານອື່ນໆ, ເຊິ່ງແຜນປະຕິບັດງານດັ່ງກ່າວບໍ່ພຽງແຕ່ສອດຄ່ອງກັບຜົນ ປະໂຫຍດພື້ນຖານຂອງທັງສອງປະເທດ ລາວ-ຈີນເທົ່ານັ້ນ,ແຕ່ຍັງມີຜົນດີຕໍ່ ສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຂອງພາກ ພື້ນອີກດ້ວຍ!"
