ຫລັກຫມາຍທາງອັນໃຫມ່ແຫ່ງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສປປ ລາວກັບ ສປ ຈີນ
(GMT+08:00) 2013-09-30 13:26:32 cri
ເພື່ອສືບຕໍ່ເພີ່ມທະວີການຮ່ວມມືກໍ່ຄືການເປັນຄູ່ຮ່ວມຍຸດທະສາດ ອາຊຽນ-ຈີນ ໃຫ້ກ້າວຂຶ້ນສູ່ລະດັບສູງຂຶ້ນເລື້ອຍໆໃນຊຸມປີຕໍ່ຫນ້ານີ້, ທ່ານຈູມມະລີ ໄຊຍະສອນໄດ້ມີ 4 ຂໍ້ສະເຫນີກ່ຽວກັບການເພີ່ມທະວີການຮ່ວມມືກັນຄືດັ່ງນີ້:
1.ສືບຕໍ່ເພີ່ມທະວີການແລກປ່ຽນການຢ້ຽມຢາມສອງຝ່າຍ ແລະ ການໄປມາຫາສູ່ກັນຂອງປະຊາຊົນຂອງພວກເຮົາເຊິ່ງກໍ່ເປັນຫນຶ່ງໃນປັດໃຈທີ່ສຳຄັນໃນການສ້າງຄວາມເຂົ້າອົກເຂົ້າໃຈ ແລະຄວາມໄວ້ເນື້ອເຊື່ອໃຈເຊິ່ງກັນແລະກັນ.
2.ເພີ່ມທະວີການຮ່ວມມືດ້ານເສດຖະກິດ ອາຊຽນ-ຈີນ ໂດຍການກ້າວໄປເຖິງການລຶບລ້າງສິ່ງກີດຂວາງການຄ້າ ແລະ ການລົງທຶນທີ່ບໍ່ແມ່ນກຳແພງພາສີ ເພື່ອອຳນວຍຄວາມສະດວກໃຫ້ແກ່ການຈັດຕັ້ງປະຕິບັດເຂດການຄ້າເສລີ ອາຊຽນ-ຈີນ ໃຫ້ໄດ້ຮັບຫມາກຜົນຫລາຍຂຶ້ນເລື້ອຍໆ.
3.ເພີ່ມທະວີການຮ່ວມມືໃນການພັດທະນາດ້ານການເຊື່ອມຈອດໂດຍສະເພາະດ້ານໂຄງລ່າງພື້ນຖານເພື່ອເປັນສິ່ງອຳນວຍຄວາມສະດວກໃຫ້ແກ່ການສົ່ງເສີມການຄ້າ, ການລົງທຶນ, ການທ່ອງທ່ຽວ ແລະ ການໄປມາຫາສູ່ກັນຂອງປະຊາຊົນຂອງບັນດາປະເທດອາຊຽນແລະ ສປ ຈີນ. ອັນນີ້ກໍ່ຈະເປັນການປະກອບສ່ວນສຳຄັນເຂົ້າໃນການຮັດແຄບຄວາມແຕກໂຕນດ້ານການພັດທະນາພາຍໃນອາຊຽນ, ແລະ ຄວາມພະຍາຍາມຂອງອາຊຽນ ໃນການບັນລຸເປົ້າຫມາຍການສ້າງປະຊາຄົມອາຊຽນໃນປີ 2015.
4.ເພີ່ມທະວີການຮ່ວມມດ້ານການພັດທະນາຊັຍພະຍາກອນມະນຸດໃຫ້ແກ່ປະເທດສະມາຊິກໃຫມ່ອາຊຽນ ເພື່ອຮອງຮັບໃຫ້ແກ່ການສ້າງ ປະຊາຄົມອາຊຍນໃນປີ 2015.
ໃນຕອນທ້າຍຂອງການສຳພາດ, ທ່ານຈູມມະລີ ໄຊຍະສອນຍັງໄດ້ ມີການຕີລາຄາຕໍ່ແວັບໄຊຂອງພະແນກພາສາລາວ cri . ທ່ານບອກວ່າ ທ່ານໄດ້ເຂົ້າຕິດຕາມເບິ່ງຂ່າວໃນແວັບໄຊຂອງ cri ທຸກມື້,ທ່ານຫວັງວ່າ ແວັບໄຊຂອງ cri ຈະມີເນື້ອໃນອຸດົມສົມບູນຂຶ້ນຕື່ມ, ແລະໃຫ້ມີເນື້ອໃນລົງ ເລິກໄປກ່ຽວກັບຂ່າວທີ່ສຳຄັນຫລາຍຂຶ້ນ.ທ່ານຂໍອວຍພອນໃຫ້ແວບໄຊ ຂອງ cri ມີການພັດທະນາອັນໃຫມ່.
