ນະຄອນຫຼວງປັກກິ່ງສະໜອງພາຫະນະໃຫ້ລາວເພື່ອຮັບໃຊ້ກອງປະຊຸມເຈົ້າຄອງຕົວເມືອງອາຊຽນຄັ້ງທີ 4 ປີ 2016

ທ່ານກ່ວນຮວາປິງຢືນຢັນວ່າ ນັບແຕ່ນະຄອນຫຼວງປັກກິ່ງແລະນະຄອນຫຼວງວຽງຈັນແຮກສ່ຽວກັນເປັນຕົ້ນມາ, ສອງຝ່າຍໄດ້ແລກປ່ຽນການໄປມາຫາສູ່ກັນລະຫວ່າງການນຳຂັ້ນສູງ, ການຮ່ວມມືຕົວຈິງແລະດ້ານອື່ນໆແລະໄດ້ມີຄວາມຄືບໜ້າໃໝ່ເລື້ອຍໆ, ການແລກປ່ຽນລະຫວ່າງທ້ອງຖິ່ນຂອງສອງປະເທດໄດ້ຂະຫຍາຍຕົວກ້າວສູ່ລວງເລິກຢ່າງບໍ່ຢຸດຢັ້ງ. ປີນີ້, ລາວເປັນປະທານໝູນວຽນ ອາຊຽນ ແລະໄດ້ຈັດກອງປະຊຸມການຮ່ວມມືອາຊີຕາເວັນອອກພ້ອມດ້ວຍກອງປະຊຸມທີ່ກ່ຽວຂ້ອງຕ່າງໆປະສົບຜົນສຳເລັດຢ່າງຈົບງາມ ເຊິ່ງໄດ້ປະກອບສ່ວນສຳຄັນເຂົ້າໃນການຊຸກຍູ້ການຮ່ວມມືແລະການພັດທະນາຂອງພາກພື້ນ. ພວກຂ້າພະເຈົ້າຍິນດີຮ່ວມກັບລາວສຸມທຸກຄວາມພະຍາຍາມສືບຕໍ່ປະຕິບັດຕາມການຊີ້ນຳຕາມຈິດໃຈ "ເພື່ອນບ້ານທີ່ດີ, ໝູ່ເພື່ອນທີ່ດີ, ສະຫາຍທີ່ດີ ແລະຄູ່ຮ່ວມມືທີ່ດີ"ເພື່ອຊຸກຍູ້ການພັດທະນາສາຍພົວພັນຄູ່ຮ່ວມມືຍຸດທະສາດຮອບດ້ານແລະລົງເລິກມິດຕະພາບທີ່ເປັນມູນເຊື້ອລະຫວ່າງສອງປະເທດ.
1 2