ນອກນີ້, ພວກເຮົາຍັງໄດ້ແລກປ່ຽນບົດຮຽນດ້ານວິຊານການ, ວັດທະນະທໍາ ແລະ ຈັດກິດຈະກໍາເພື່ອມິດຕະພາບກັບຄະນະເສນາຮັກລາວຕື່ມອີກ.
ສໍາລັບຄະນະເສນາຮັກຈີນ ທີ່ມາຄັ້ງນີ້ ລ້ວນແຕ່ເປັນນັກວິຊາການຜູ້ຊົງຄຸນວຸດທິ, ມີປະສົບການຢ່າງຫຼວງຫຼາຍ, ມີຫຼາຍຄົນໄດ້ຜ່ານຜ່າພາລະໜ້າທີ່ອັນໃຫຍ່ຫຼວງມາແລ້ວເຊັ່ນ: ເຄີຍເຂົ້າຮ່ວມການຮັກສາສັນຕິພາບໃນສາກົນ, ເຂົ້າຮ່ວມຂະບວນການຕ້ານໄວຣັດອີໂບລາ, ຮ່ວມກູ້ໄພພິບັດແຜ່ນດິນໄຫວທີ່ປະເທດເນປານ ແລະ ແຜ່ນດິນໄຫວຢູ່ແຂວງເສສວນຂອງຈີນ. ຂະນະດຽວກັນ, ຄະນະແພດຈີນພວກເຮົາມາຈາກໂຮງໝໍໃຫຍ່ທະຫານຄຸນໝິງ ເຊິ່ງເປັນໂຮງໝໍທີ່ມີລະບົບຄົບຊຸດ, ອຸປະກອນທັນສະໄໝ, ບຸກຄະລາກອນທີ່ຊົງຄຸນວຸດທິ ແລະ ມີຄວາມພ້ອມທຸກດ້ານ.
ແນວໃດກໍດີ ສຳລັບຄັ້ງນີ້, ຈີນໄດ້ຄັດເລືອກເອົາແພດພະແນກກະດູກ, ພະແນກຫົວໃຈເສັ້ນເລືອດ, ແພດປິ່ນປົວດ້ວຍຕຳລາຢາພື້ນເມືອງຈີນ, ພະແນກຜົ້ງປາກ, ພະແນກຊຶມເຊື້ອ ແລະອື່ນໆ ລວມ 16 ພະແນກ ລວມຊ່ຽວຊານຂັ້ນສູງ ແລະ ພະນັກງານທີ່ຊຳນານ 25 ຄົນ.
