ຜູ້ແທນສະພາປະຊາຊົນແຫ່ງຊາດແລະສະມາຊິກສະພາປຶກສາການເມືອງປະຊາຊົນແຫ່ງຊາດຈີນຈາກເຂດຮົງກົງສ່ວນໜຶ່ງໄດ້ເດີນທາງດ້ວຍລົດໄຟຄວາມໄວສູງເພື່ອເຂົ້າຮ່ວມກອງປະຊຸມສອງສະພາປີນີ້
ວັນທີ 1 ມີນານີ້, ຜູ້ແທນສະພາປະຊາຊົນແຫ່ງຊາດແລະສະມາຊິກສະພາປຶກສາການເມືອງປະຊາຊົນແຫ່ງຊາດຈີນຈາກເຂດບໍລິຫານພິເສດຮົງກົງຈີນເກືອບ 30 ທ່ານໄດ້ຂີ່ລົດໄຟຄວາມໄວສູງຖ້ຽວ G72 ຈາກນະຄອນເຊີ່ນເຈີ້ນເດີນທາງໄປສູ່ນະຄອນ ຫຼວງປັກກິ່ງ ເພື່ອເຂົ້າຮ່ວມກອງປະຊຸມສະພາປະຊາຊົນແຫ່ງຊາດຄັ້ງທີ 1 ຊຸດທີ 13 ແລະກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນຄັ້ງທີ 1 ຊຸດທີ 13 ທີ່ຈະໄຂຂຶ້ນໃນໄວໆນີ້.
ພວກທ່ານມີຄວາມເຫັນໂດຍທົ່ວໄປວ່າ, ລົດໄຟຄວາມໄວສູງ ບໍ່ພຽງແຕ່ສ້າງຄວາມສະດວກໃຫ້ແກ່ການສັນຈອນລະຫວ່າງຮົງກົງກັບແຜ່ນດິນໃຫຍ່ຈີນເທົ່ານັ້ນ, ຍັງຈະຊຸກຍູ້ການແລກປ່ຽນວັດທະນະທຳສັງຄົມລະຫວ່າງຮົງກົງກັບແຜ່ນດິນໃຫຍ່ຈີນແລະການພັດທະນາເສດຖະກິດຂອງຮົງກົງຢ່າງແຂງແຮງອີກດ້ວຍ, ບໍ່ວ່າໃນດ້ານສັງຄົມຫຼືດ້ານເສດຖະກິດ, ລ້ວນແຕ່ມີປະສິດທິຜົນໃຫຍ່ຫຼວງຕໍ່ຮົງກົງແລະແຜ່ນດິນໃຫຍ່ຈີນ.
1 2 3 4 5
