ເລຂາຄະນະພັກແຫຼ່ງທ່ອງທ່ຽວພູຊານຊິງໃຫ້ສຳພາດຕໍ່ນັກຂ່າວ
ຕອນບ່າຍວັນທີ 8 ພຶດສະພານີ້, ຄະນະນັກຂ່າວຕ່າງປະເທດໄດ້ເຂົ້າຊົມພູຊານຊິງ ທີ່ເປັນພູສາສະໜາເຕົາທີ່ມີຊື່ສຽງຂອງຈີນ. ກ່ອນທີ່ຄະນະນັກຂ່າວເດີນທາງອອກຈາກພູຊານຊິງ, ຕອນເຊົ້າວັນທີ 9 ພຶດສະພານີ້, ທ່ານຈູລີ ເລຂາຄະນະພັກແຫຼ່ງທ່ອງທ່ຽວພູຊານຊິງໄດ້ໃຫ້ສຳພາດຕໍ່ນັກຂ່າວ.
ເພີ່ມຄວາມແຮງໃນການໂຄສະນາຢູ່ຕ່າງປະເທດ ເພື່ອດຶງດູດນັກທ່ອງທ່ຽວຕ່າງປະເທດເຂົ້າມາທ່ຽວພູຊານຊິງ
ໃນເວລາໃຫ້ສຳພາດຕໍ່ນັກຂ່າວກ່ຽວກັບການດຶງດູດນັກທ່ອງທ່ຽວຕ່າງປະເທດ, ກ່ອນອື່ນໝົດ, ທ່ານຈູລີໄດ້ຕີລາຄາສູງຕໍ່ການມາເກັບກຳຂ່າວຂອງຄະນະນັກຂ່າວຕ່າງປະເທດເທື່ອນີ້ ໂດຍກ່າວວ່າ, ໃນອະນາຄົດ, ພູຊານຊິງຍັງຈະຈັດກິດຈະກຳແບບນີ້ຕໍ່ໄປ ແລະ ເປີດກວ້າງຂະໜາດຂອງກິດຈະກຳ ເພື່ອດຶງດູດສື່ມວນຊົນຕ່າງປະເທດເຂົ້າມາເກັບກຳຂ່າວ ເພື່ອໂຄສະນາພູຊານຊິງ. ໂດຍຜ່ານຈາກສື່ຕ່າງປະເທດ, ໃຫ້ຄົນຕ່າງປະເທດຮັບຮູ້ພູຊານຊິງຫຼາຍກວ່າເກົ່າ.