ເດືອນກັນຍາ 2014,
ຢູ່ລັດກຸຊີລັດຂອງອິນເດຍ,
ທ່ານ ສີຈິ້ນຜິງ ແລະທ່ານນາງ ເພີງລີ້ຢວນ ຫຼິ້ນໂອ່ນຊາຢ່າງສະໜິດສະໜົມ.
ເດືອນພະຈິກ 2014,
ຢູ່ໃນເດີ່ນພະນັກຜູ້ສຳເລັດລາຊະການທີ່ນະຄອນກັນເບລາອົສຕຼາລີ,
ທ່ານນາງ ເພີງລີ້ຢວນ ໄດ້ອຸ້ມໝີຄົວລ້າທີ່ໃຫຍ່ 10 ເດືອນໂຕໜຶ່ງ.
ທ່ານ ສີຈິ້ນຜິງ ທີ່ຢູ່ຄຽງຂ້າງໄດ້ບອກຢ່າງອ່ອນໂຍນວ່າ:
"ບໍ່ໃຫ້ລູບຫົວມັນເດີ້."
ເວລາລົມພັດມາ, ຄິດເຖິງເຈົ້າດ້ວຍຄວາມຫ່ວງໃຍ,
ເວລາພະຈັນຕົກດິນ, ຄິດເຖິງເຈົ້າໂດຍມອງເບິ່ງດວງດາວ,
ເວລາເມກໝອກປິວຜ່ານ, ຄິດເຖິງເຈົ້າດ້ວຍຄວາມອາໄລອາວອນ,
ເວລາຫິມະຕົກ, ເຫຼືອແຕ່ຄວາມຮັກອັນເຂັ້ມຂຸ້ນ ຂໍມອບແດ່ເຈົ້າ...
ທ່ານ ສີຈິ້ນຜິງ ທີ່ໃຫ້ຄວາມສຳຄັນຕໍ່ຄວາມສຸກທາງຄອບຄົວ ໄດ້ຖືການສ້າງຊີວິດການເປັນຢູ່ອັນດີງາມໃຫ້ຄອບຄົວນັບເປັນໝື່ນເປັນລ້ານນັ້ນ ເປັນເປົ້າໝາຍສູ້ຊົນຂອງຕົນເອງດ້ວຍຈິດໃຈທີ່ເຮັດວຽກເພື່ອປະຊາຊົນ. ທ່ານເຄີຍກ່າວວ່າ, "ປະເທດມັ່ງຄັ່ງເຂັ້ມແຂງ, ປະຊາຊາດຟື້ນຟູຄວາມຈະເລີນຮຸ່ງເຮືອງ, ປະຊາຊົນມີຄວາມຜາສຸກ, ໃນສຸດທ້າຍຕ້ອງສະແດງໃຫ້ເຫັນຢູ່ນຳຄວາມສົມບູນພູນສຸກຂອງທຸກໆຄອບຄົວ, ສະແດງໃຫ້ເຫັນຢູ່ນຳຊີວິການເປັນຢູ່ທີ່ໄດ້ຮັບການປັບປຸງດີຂຶ້ນເລື້ອຍໆຂອງປະຊາຊົນນັບເປັນຮ້ອຍລ້ານ." "ເມື່ອຄວາມຫວັງຂອງປະຊາຊົນທີ່ມີຕໍ່ຊີວິດອັນຜາສຸກຍັງບໍ່ທັນບັນລຸຜົນເປັນຈິງ, ພວກເຮົາກໍຕ້ອງສາມັກຄີແລະນຳພາປະຊາຊົນບາກບັ່ນສູ້ຊົນພ້ອມກັນຢ່າງບໍ່ລົດລະ." ທ່ານສີຈິ້ນຜິງເວົ້າແນວນີ້, ແລະກໍ່ໄດ້ເຮັດຄືແນວນີ້.
