ຢູ່ໃນຫ້ອງໜັງສືຂອງທ່ານເລຂາທິການໃຫຍ່ສີຈິ້ນຜິງ, ໄດ້ມີຮູບຖ່າຍໃບໜຶ່ງ  ເຊິ່ງໄດ້ບັນທຶກ ໄວ້ກ່ຽວກັບ ທ່ານສີຈິ້ນຜິງຈັບມືກັບທ່ານນາງຊີຊິນ ແມ່ຂອງຕົນກຳລັງຍ່າງຫຼິ້ນຢູ່ໃນສວນສາທາລະນະ.
 

ການກະດັນຍູພໍ່ແມ່, ຖືສຳຄັນນຳຄວາມຮັກແພງໃນຄອບຄົວ ແມ່ນຄວາມເຊື່ອຖືອັນເລິກເຊິ່ງຂອງທ່ານສີຈິ້ນຜິງ ກ່ຽວກັບຄອບຄົວ. ພໍ່ແມ່ ຂອງທ່ານສີຈິ້ນຜິງແມ່ນນັກປະຕິວັດເກົ່າ ແລະສະມາຊິກພັກຜູ້ອາວູໂສ. ປີ 1962 ທ່ານຊີຈຸ້ງຊຸນ ພໍ່ຂອງທ່ານສີຈິ້ນຜິງຖືກໃສ່ຮ້າຍທາງດ້ານວຽກງານ, ແມ່ຈິ່ງພາສີຢວນຜິງທີ່ເປັນລູກຫຼ້າໄປເຮັດວຽກ ຢູ່ນິ​ຄົມກະເສດແຫ່ງໜຶ່ງທີ່ແຂວງເຫີໜານ, ເອື້ອຍຂອງທ່ານສີຈິ້ນຜິງສອງຄົນຖືກສົ່ງໄປອອກແຮງງານຢູ່ຄ້າຍທະ ຫານທີ່ຫ່າງໄກສອກຫຼີກ, ທ່ານສີຈິ້ນຜິງເອງກໍ່ໄດ້ເດີນທາງໄປອອກແຮງງານ​ຢູ່​ຊົນ​ນະ​ບົດທີ່ພາກເໜືອແຂວງສ້ານ ຊີ. ສະມາຊິກໃນຄອບຄົວດຽວກັນຈຳເປັນຕ້ອງແຕກແຍກກັນຢູ່ຄົນລະບ່ອນ, ຜູ້ເປັນແມ່ແນ່ນອນແມ່ນເປັນ ຫ່ວງນຳລູກທຸກຄົນຫຼາຍ, ແມ່ໄດ້ຫຍິບຖົງໃສ່ເຂັມຖົງໜຶ່ງຢູ່​ເທິງຖົງແມ່ໄດ້​ແສ່ວໂຕໜັງສືສີແດງ 3 ໂຕໄວ້ຄື: ດວງໃຈຂອງແມ່.

ຖົມ​ໃສ່​ເຂັມ​ທີ່​​ແມ່​ຂອງ​ທ່ານ​ສີ​ຈິ້ນ​ຜິງ​ໄດ້​ຫຍິບ​ໃຫ້

ໃນງານສະເຫຼີມສະຫຼອງບຸນກຸດຈີນປີ 2015 ທ່ານສີຈິ້ນຜິງໄດ້ອ່ານກະວີເລື່ອງ ລູກຜູ້ອອກເດີນ ທາງໄກ ທີ່ແຕ່ງດ້ວຍເມິ້ງ​ຈ່ຽວ ນັກກະວີລາດຊະວົງຖາງຂອງຈີນຄື: ແມ່ຈັບເອົາເຂັມແລະເສັ້ນ​ດ້າຍ ເພື່ອຫຍິບເຄື່ອງ ນຸ່ງໃຫ້ລູກຜູ້ທີ່ຈະເດີນທາງໄປໄກ, ແມ່ຫຍິບຢ່າງລະອຽດປານີດ ຂໍແຕ່ວ່າລູກຈົ່ງກັບມາໂດຍໄວ. ທ່ານກ່າວວ່າ, ບົດກະວີບົດນີ້ໄດ້ສະແດງໃຫ້ເຫັນເຖິງຄວາມຮັກ ແພງໃນຄອບຄົວຂອງປະຊາຊົນຈີນຢ່າງເລິກເຊິ່ງ.ໃນວັນເວລາທີ່​ອອກ​ແຮງ​ງານ​ແລະ​ດຳ​ລົງ​ຊີ​ວິດຢູ່​ບ້ານຫຼຽງ​ເຈ່ຍ​ເຫີ ພາກເໜືອແຂວງສ້ານຊີ, ທ່ານສີຈິ້ນຜິງບໍ່ໄດ້ເຮັດໃຫ້ແມ່ຜິດ ຫວັງ, ທ່ານໄດ້ຮຽນຮູ້ຫຼາຍສິ່ງຫຼາຍຢ່າງເຊັ່ນ ການປູກຝັງ, ການຂົນສົ່ງຖ່ານຫິນ, ການສ້າງ​ຄັນ​ຄູ ແລະຫາບຝຸ່ນ​ຄອກ, ທ່ານໄດ້ທົນຕໍ່ຄວາມທຸກຍາກທຸກຢ່າງ.7 ປີທີ່ດຳລົງຊີວິດຢູ່ຊົນນະບົດ, ເຮັດໃຫ້ທ່ານໄດ້ຜູກພັນມິດຕະ ພາບ ແລະຄວາມຮັກແພງກັບພີ່ນ້ອງຊາວບ້ານຢູ່ຊົນນະບົດແຂວງສ້ານຊີ. ປີ 1975 ທ່ານສີຈິ້ນຜິງໄດ້ຮັບການ ສະເໜີໄປຮຽນຢູ່ມະຫາວິທະຍາໄລຊິງຫວາ, ໃນມື້ທີ່ຈາກໄປ, ປະຊາຊົນຢູ່ບ້ານຊົນນະບົດແຫ່ງນັ້ນພາກັນມາ ສົ່ງທ່ານ. ເມື່ອລາຈາກບ້ານຫຼຽງ​ເຈ່ຍ​ເຫີໄປ, ທ່ານສີຈິ້ນຜິງໄດ້ເອົາຖົງໃສ່ເຂັມທີ່​ແມ່ຫຍິບນັ້ນມອບໃຫ້ເພື່ອນບ້ານ ຈ່າງເວີ້ຍຜາງ ເພື່ອ​ໄວ້ເປັນທີ່ລະນຶກ, ດັ່ງທີ່ທ່ານໄດ້ເວົ້າວ່າ: ເຖິງວ່າ ຂ້າ​ພະ​ເຈົ້າໄດ້ລາຈາກໄປ, ແຕ່ຈິດໃຈຂອງ​ຂ້າ​ພະ​ເຈົ້າຍັງຢູ່ແຫ່ງນີ້ຄືເກົ່າ.
 

“ຄອບຄົບທັງໝົດຄວນຖືສຳຄັນນຳການສິດ ສອນແລະການປະພຶດ, ສອນຄວາມຮູ້, ສ້າງຄຸນສົມບັດ, ຊ່ວຍພວກ ເດັກໆຢ່ວງບາດກ້າວທຳອິດແຫ່ງຊີວິດອອກໄປເປັນຢ່າງດີ.ທ່ານສີຈິ້ນຜິງມີຄວາມຮູ້ສຶກ ຢ່າງເລິກເຊິ່ງຕໍ່ຄວາມສຳ ຄັນຂອງການສິດສອນທາງຄອບຄົວ, ເຊິ່ງຄວາມຮັບຜິດຊອບຕໍ່ປະເທດຊາດຂອງທ່ານກໍ່ແມ່ນຄ່ອຍໆ ຈໍ່ຕົວຂຶ້ນ ຈາກການສິດສອນທາງຄອບຄົວມາແຕ່ນ້ອຍ.