ຫວ່າງມໍ່ໆມານີ້, ບໍລິສັດເຄື່ອງຈັກໄຟຟ້າມິດຊູບິຊິຍີ່ປຸ່ນໄດ້ຍອມຮັບແລ້ວວ່າ: ໝໍ້ແບ່ງໄຟທີ່ຜະລິດໂດຍບໍລິສັດຕົນ ມີບັນຫາເຮັດຂໍ້ມູນປອມກ່ຽວກັບການກວດກາຄຸນນະພາບ.
ຍ້ອນໄດ້ຮັບຜົນກະທົບຈາກເລື່ອງນີ້, ໃນວັນທີ 6 ພຶດສະພານີ້, ອົງການຮັບຮອງນານາຊາດໄດ້ຢຸດຕິການນຳໃຊ້ໃບຢັ້ງຢືນຄຸນນະພາບ 2 ລາຍການຂອງໂຮງງານທີ່ກ່ຽວຂ້ອງຂອງບໍລິສັດເຄື່ອງຈັກໄຟຟ້າມິດຊູບິຊິຍີ່ປຸ່ນເປັນການຊົ່ວຄາວ ຄື: ໃບຢັ້ງຢືນຄຸນນະພາບຕາມລະບົບຄຸ້ມຄອງຄຸນນະພາບສາກົນ ISO9001 ແລະໃບຢັ້ງຢືນຄຸນນະພາບຕາມມາດຕະຖານຂະແໜງການທາງລົດໄຟສາກົນ. ສິ່ງທີ່ໜ້າສົນໃຈກໍຄື: ມີໂຮງງານ 6 ແຫ່ງຂອງບໍລິສັດເຄື່ອງຈັກໄຟຟ້າມິດຊູບິຊິຍີ່ປຸ່ນ ໄດ້ຖືກຍົກເລີກ ຫຼືຢຸດຕິການນຳໃຊ້ໃບຢັ້ງຢືນຄຸນນະພາບສາກົນເປັນການຊົ່ວຄາວ ຍ້ອນການເຮັດຂໍ້ມູນປອມກ່ຽວກັບການກວດກາຄຸນນະພາບ.
ໝໍ້ແບ່ງໄຟ 3.400 ໜ່ວຍທີ່ກ່ຽວຂ້ອງກັບເລື່ອງໃນຄັ້ງນີ້ ໄດ້ຖືກຈຳໜ່າຍໄປທັງພາຍໃນຍີ່ປຸ່ນ ແລະຕ່າງປະເທດ, ໃນນັ້ນ, ລວມທັງບໍລິສັດທາງລົດໄຟຂອງຍີ່ປຸ່ນ ແລະໂຮງງານໄຟຟ້ານິວເຄລຍທີ່ກຳລັງດຳເນີນງານຢູ່.