ວັນທີ 28 ມິຖຸນານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ຈັດກອງປະຊຸມຊົ່ວຄາວເພື່ອຫາລືສະຖານະການອູແກຣນ. ຜູ້ຕາງໜ້າຖາວອນຈີນຮຽກຮ້ອງໃຫ້
ຝ່າຍຕ່າງໆທຳຄວາມພະຍາຍາມເພື່ອແກ້ໄຂວິກິດການໃນສະເພາະໜ້າຕື່ມອີກ ແລະ ກ່າວວ່າ, ກຸ່ມນາໂຕກໍ່ບັນຫາຂຶ້ນເລື້ອຍໆຢູ່ໃນທົ່ວໂລກຢ່າງບໍ່ຢຸດຢັ້ງ, ບົດລະຄອນສົງຄາມເຢັນທີ່ຫຼ້າສະໄໝມາເປັນເວລາດົນນານນັ້ນ ເດັດດ່ຽວຈະບໍ່ສາມາດສະແດງໄດ້ຢູ່ອາຊີ-ປາຊິຟິກອີກ.
ໃນເວລາກ່າວຄຳປາໄສ, ທ່ານຈັ່ງຈູ່ນ ຜູ້ຕາງໜ້າຖາວອນຈີນປະຈຳອົງກອນສະຫະປະຊາຊາດກ່າວວ່າ, ການປະທະກັນດ້ານການທະຫານຢູ່ອູແກຣນໄດ້ແກ່ຍາ່ວເວລາມາຫຼາຍກວ່າ 4 ເດືອນແລ້ວ, ສິ່ງທີ່ໜ້າເສຍດາຍ ແລະ ເປັນຫ່ວງນັ້ນແມ່ນ, ການປະທະກັນຍັງຄົງສືບຕໍ່ດຳເນີນຢູ່, ສະຖານະການດ້ານມະນຸດສະທຳແມ່ນຂ້ຽວຂາດທີ່ສຸດ, ຜົນກະທົບຕາມມາພາຍຫຼັງໃນດ້ານຕ່າງໆພວມເຮັດໃຫ້ເກີດສິ່ງທ້າທາຍໃນທົ່ວໂລກຢ່າງດຸເດືອດ.
ທ່ານຈັ່ງຈູ່ນກ່າວຕື່ມວ່າ, ການຫັນເສດຖະກິດໂລກເປັນອາວຸດ ແລະ ບັງຄັບໃຫ້ປະເທດອື່ນໆເລືອກກຸ່ມ ຈະເຮັດໃຫ້ປະຊາຄົມໂລກຖືກແບ່ງແຍກ ແລະ ເຮັດໃຫ້ໂລກວຸ້ນວາຍກວ່າເກົ່າ.