ຫວ່າງມໍ່ໆມານີ້，ທ່ານໂຈ　ໄບເດັນ　ປະທານາທິບໍດີອາເມຣິກາໄດ້ລົງນາມໃນຮ່າງກົດໝາຍວ່າດ້ວຍແຜ່ນຊິບແລະວິທະຍາສາດຢ່າງເປັນທາງການ．ຕໍ່ກັບເລື່ອງນີ້，ທ່ານວ່າງເວີນປິ່ນ　ໂຄສົກກະຊວງການຕ່າງປະເທດຈີນໄດ້ຊີ້ໃຫ້ເຫັນໃນເວລາຕອບຄຳຖາມຢູ່ກອງປະຊຸມຖະແຫຼງຂ່າວເມື່ອວັນທີ　10　ສິງຫານີ້ວ່າ：ປະເທດຈີນຍຶດໝັ້ນຖືເອົາການພັດທະນາຂອງປະເທດແລະຂອງຊາດໄວ້ຢູ່ຈຸດພື້ນຖານແຫ່ງກຳລັງຂອງຕົນ，ການຈຳກັດແລະການກົດດັນໃດໆລ້ວນແຕ່ບໍ່ສາມາດສະກັດກັ້ນການພັດທະນາດ້ານວິທະຍາສາດເຕັກໂນໂລຊີແລະບາດກ້າວ ເດີນແຫ່ງຄວາມກ້າວໜ້າດ້ານອຸດສາຫະກຳ．

ທ່ານວ່າງເວີ່ນປິ່ນກ່າວຕື່ມວ່າ：ຮ່າງກົດໝາຍດັ່ງກ່າວຂອງອາເມຣິກາອ້າງວ່າ “ມີຈຸດປະສົງເພື່ອຍົກລະດັບຄວາມສາມາດດ້ານການແຂ່ງຂັນຂອງວິທະຍາ ສາດເຕັກໂນໂລຊີແລະອຸດສາຫະກຳແຜ່ນຊິບຂອງອາເມຣິກາ”,ແຕ່ຊ້ຳພັດສະໜອງການເກື້ອກູນຈຳນວນມະຫາສານໃຫ້ກັບອຸດສາຫະກຳແຜ່ນຊິບໃນດິນແດນອາເມຣິກາ,ປະຕິບັດນະໂຍບາຍຄ້ຳຈູນອຸດສາຫະກຳແບບມີຄວາມແຕກຕ່າງກັນ, ລວມທັງມາດຕາຈຳນວນໜຶ່ງທີ່ຈຳກັດວິສາຫະກິດທີ່ກ່ຽວຂ້ອງດຳເນີນການລົງທຶນແລະການເຄື່ອນໄຫວເສດຖະກິດການຄ້າທີ່ເປັນປົກກະຕິຢູ່ຈີນແລະການຮ່ວມມືດ້ານວິທະຍາສາດເຕັກໂນໂລຊີທີ່ເປັນປົກກະຕິລະຫວ່າງຈີນ-ອາເມຣິກາເຊິ່ງຈະສ້າງຄວາມຫຍຸ້ງຍາກໃຫ້ກັບຕ່ອງໂສ້ການສະໜອງເຊມິຄອນດັກເຕີຂອງໂລກແລະສ້າງຄວາມວຸ້ນວາຍໃຫ້ກັບການຄ້າສາກົນ.ຝ່າຍຈີນສະແດງການຄັດຄ້ານຢ່າງເດັດດ່ຽວຕໍ່ກັບເລື່ອງນີ້.