ຕຳຫຼວດການາດາໄດ້ແຈ້ງໃຫ້ຮູ້ໃນວັນທີ　4　ກັນຍານີ້ວ່າ：ຢູ່ຫຼາຍສະຖານທີ່ຂອງແຂວງຊາສກາເຈວັນ　ທາງພາກກາງປະເທດການາດາໄດ້ເກີດເຫດການໃຊ້ມີດແທງຄົນໃນມື້ດຽວກັນ，ເຮັດໃຫ້ມີຜູ້ເສຍຊີວິດ　10　ຄົນ．ຝ່າຍຕຳຫຼວດພວມໄລ່ຈັບຜູ້ຕ້ອງສົງໄສກະທຳຄວາມຜິດສອງຄົນ．

ຝ່າຍຕຳຫຼວດການາດາໄດ້ກ່າວໃນກອງປະຊຸມຖະແຫຼງຂ່າວວ່າ：ນັບແຕ່ເວລາ　5　ໂມງ　40　ນາທີຕາມເວລາທ້ອງຖິ່ນ，ຕຳຫຼວດຢູ່ຫຼາຍແຫ່ງຂອງແຂວງຊາສກາເຈວັນ　ໄດ້ຮັບໂທລະສັບແຈ້ງເຫດກ່ຽວກັບເຫດການແທງຄົນ　ຢ່າງເປັນລຳດັບ．ຫຼັງຈາກນັ້ນ，ຕຳຫຼວດໄດ້ພົບເຫັນຜູ້ເສຍຊີວິດ　10　ຄົນຢູ່　13　ບ່ອນຂອງແຂວງດັ່ງກ່າວ，ຍັງມີຜູ້ບາດເຈັບຢ່າງໜ້ອຍ　15　ຄົນຖືກສົ່ງໄປໂຮງໝໍເພື່ອຮັບການປິ່ນປົວ．ຜ່ານການສືບສວນໃນເບື້ອງຕົ້ນສະແດງໃຫ້ເຫັນວ່າ：ມີຜູ້ຊາຍສອງຄົນປະຕິບັດການຫຼອນໂຈມຕີຕ່າງໆ，ຫຼັງຈາກນັ້ນໄດ້ຂັບລົດໜີອອກຈາກສະຖານທີ່ເກີດເຫດ．