ວັນທີ 5 ທັນວານີ້, ທ່ານຫວາງຢີ້ ກຳມະການກົມການເມືອງສູນກາງພັກຄອມມູນິດຈີນ ລັດຖະມົນຕີກະຊວງການຕ່າງປະເທດຈີນ ໄດ້ສົນທະນາກັບທ່ານ ເດວິດ ກາເມຣອນ ລັດຖະມົນຕີກະຊວງການຕ່າງປະເທດ ແລະ ການພັດທະນາອັງກິດຜ່ານທາງໂທລະສັບຕາມການນັດໝາຍ.

ທ່ານຫວາງຢີ້ກ່າວວ່າ: ຈີນ ແລະ ອັງກິດຕ່າງກໍເປັນປະເທດມົນຕີຖາວອນຂອງສະພາຄວາມໝັ້ນຄົງອົງການ ສປຊ ແລະ ຕ່າງກໍມີຄວາມຮັບຜິດຊອບທີ່ສຳຄັນຕໍ່ການຮັກສາສັນຕິພາບ ແລະ ສະຖຽນລະພາບຂອງສາກົນ. ຫວັງວ່າອັງກິດຈະສ້າງຄວາມຮັບຮູ້ທີ່ຖືກຕ້ອງກ່ຽວກັບຈີນ, ກຳນົດທິດທາງລວມຂອງການພັດທະນາການພົວພັນຈີນ-ອັງກິດໃຫ້ດີ.

ທ່ານກາເມຣອນກ່າວວ່າ: ການຕິດຕໍ່ພົວພັນ ແລະ ການຮ່ວມມືລະຫວ່າງຈີນກັບອັງກິດແມ່ນສອດຄ່ອງກັບຜົນປະໂຫຍດຂອງສອງຝ່າຍ. ອັງກິດສຸມກຳລັງເຂົ້າໃນການພັດທະນາການພົວພັນກັບຈີນ, ຍິນດີຮັກສາການໄປມາຫາສູ່ກັນກັບຈີນ. ອັງກິດຊົມເຊີຍຈີນສະໜັບສະໜູນລັດທິຫຼາຍຝ່າຍ ແລະ ຫວັງວ່າຈີນຈະເສີມຂະຫຍາຍບົດບາດຫຼາຍກວ່າເກົ່າໃນດ້ານບັນຫາພາກພື້ນ ແລະ ສາກົນ.

ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບວິກິດການອູແກຣນ ແລະ ບັນຫາເຄັ່ງຮ້ອນອື່ນໆ.