ວັນທີ 11 ມີນານີ້, ຍົນໂດຍສານໂບອີງ787-9 ຂອງບໍລິສັດການບິນລາຕາມລຳໜຶ່ງທີ່ບິນຈາກຊິດນີຂອງອົດສະຕຣາລີໄປອົກແລນຂອງນູແວນເຊລັງໄດ້ເກີດບັນຫາຂັດຂ້ອງດ້ານເຕັກນິກ,ຈຳຕ້ອງລົງຈອດກະທັນຫັນ,ເຮັດໃຫ້ຜູ້ໂດຍສານຕຳໃສ່ເພດານຍົນ,ສົ່ງຜົນເຮັດໃຫ້ມີຜູ້ບາດເຈັບຢ່າງໜ້ອຍ 50 ຄົນ.ນອກນີ້,ມີພະນັກງານຈຸບິນບາດເຈັບເຊັ່ນກັນ.

      ບຸກຄົນທີ່ກ່ຽວຂ້ອງກ່າວວ່າ: ມີຜູ້ບາດເຈັບ 50 ຄົນໄດ້ຮັບການປິ່ນປົວຢູ່ກັບທີ່,ໃນນັ້ນສ່ວນໃຫຍ່ໄດ້ຮັບບາດເຈັບເລັກໜ້ອຍ, ມີ 13 ຄົນຖືກສົ່ງໄປປິ່ນປົວຢູ່ໂຮງໝໍ. ແລະມີ 1 ຄົນບາດເຈັບສາຫັດ.

      ປັດຈຸບັນ, ບໍລິສັດໂບອີງແລະບໍລິສັດການບິນລາຕາມຍັງບໍ່ໄດ້ລາຍງານກ່ຽວກັບເລື່ອງນີ້.