|
|
 |
| (GMT+08:00)
2004-09-20 15:05:23
|
 |
|
ສຳພາດທ່ານສົມສະຫວາດ.ເລັ່ງສະຫວັດ ຮອງນາຍົກລັດຖະມົນຕີ ສປປລາວກ່ຽວກັບສະພາບການກະກຽມກອງປະຊຸມສຸດຍອດອາຊຽນຄັ້ງທີ 10(ສຽງ)
cri
Author: sayvanny
ນັກຂ່າວ:ກອງປະຊຸມສຸດຍອດອາຊຽນຄັ້ງທີ 10 ກອງປະຊຸມ 10+3 ແລະ 10+1 ຈະຈັດຂຶ້ນຢູ່ລາວໃນໄວໆນີ້,ຂໍໃຫ້ທ່ານແນະນຳສະພາບການກະກຽມຂອງລັດຖະບານລາວ.
ທ່ານສົມສະຫວາດ:ກ່ຽວກັບກອງປະຊຸມສຸດຍອດອາຊຽນຄັ້ງທີ 10 ແລະກອງປະຊຸມສຸດຍອດ10+3 10+1 ແລະ10+2, 10+2 ນີ້ແມ່ນມີກັບອົສ ຕຼາລີແລະນີຊີແລນທ່ີຈະດຳເນີນຢູ່ປະເທດລາວໃນນະຄອນຫລວງວຽງຈັນໃນທ້າຍເດືອນ 11 ນີ້,ລາວເຮົາກໍ່ຮູ້ສຶກເປັນກຽດທ່ີໄດ້ເປັນເຈົ້າພາບ,ຖືວ່າເປັນເຫດການອັນຍິ່ງໃຫຍ່ສຳລັບປະເທດລາວທ່ີຈະໄດ້ຕ້ອນຮັບປະມຸກລັດແລະຫົວຫນ້າລັດຖະບານຂອງບັນດາປະເທດອາຊຽນແລະເພື່ອນມິດມາຮ່ວມ.
ຕາມພວກເຮົາໄດ້ຮັບຂໍ້ມູນນີ້,ນັບທັງຄະນະຜູ່ແທນທາງການ ນັກສືບຂ່າວແລະແຂກຕ່າງໆມີປະມານ 3 ພັນຄົນທ່ີມາໃນໂອກາດນັ້ນ.ຖືວ່າເປັນເຫດການໃຫຍ່,ແລະພວກເຮົາປະຈຸບັນກໍ່ມີການກະກຽມດ້ານຕ່າງໆ.ເວົ້າທາງດ້ານສິ່ງອຳນວຍຄວາມສະດວກ ເຊັ່ນຫໍປະຊຸມ ໂຮງແຮມ ພາຫະນະລົດລາງຫລືວ່າເຄື່ອງອຸປະກອນສື່ສານຕ່າງໆ,ພວກເຮົາກໍ່ໄດ້ກະກຽມເປັນຢ່າງດີ.ສະເພາະໂຮງແຮມນີ້,ກຳລັງສ້າງໂຮງແຮມ 5 ດາວຢູ່ດອນຈັນ ໂດຍການລົງທຶນຂອງບໍລິສັດມາເລເຊຍ,ແມ່ນບໍລິສັດກໍ່ສ້າງແຂວງຢຸນນານຂອງຈີນຊ່ອຍສ້າງ. ວັນທີ 24 ສິງຫາ ຂ້າພະເຈົ້າໄດ້ຕິດຕາມທ່ານນາຍົກບຸນຍັງ.ວໍລະຈິດໄປເບິ່ງໂຮງແຮມຫລັງນີ້, ຕາມການລາຍງານຂອງພວກເຮົາວ່າ,ໂຮງແຮມຫລັງນີ້ຈະສຳເລັດກ່ອນວັນທີ 25 ເດືອນ 10 ຖືວ່າຈະສຳເລັດກ່ອນຈະດຳເນີນກອງປະຊຸມຫນຶ່ງເດືອນ.ໂຮງແຮມນີ້ກໍ່ແມ່ນໂຮງແຮມທັນສະໄຫມດີ.ນອກຈາກໂຮງແຮມແລ້ວ, ພວກເຮົາຍັງໄດ້ສ້າງຄຸ້ມເຮືອນຢູ່ສະເພາະອີກສຳລັບປະມຸກລັດແລະຫົວຫນ້າລັດຖະບານຢູ່,ຄ້າຍຄືກັບຕ້ຽວຢູຖາຍຂອງຈີນນັ້ນແລະ.ອັນນີ້ກໍ່ຮຽບຮ້ອຍແລ້ວ.ຫ້ອງປະຊຸມກໍ່ມີໄວ້ແລ້ວ, ເຈົ້າຫນ້າທ່ີທ່ີກ່ຽວຂ້ອງຂອງປະເທດອາຊຽນກັບປະເທດຄູ່ຮ່ວມຂອງພວກເຮົານີ້ກໍ່ໄປເບິ່ງແລ້ວ,ຜູ່ໃດກໍ່ວ່າພໍໃຈຫລາຍວ່າສະຖານທ່ີປະຊຸມນີ້ເຫມາະສົມດີ,ອັນນີ້ແມ່ນດ້ານສິ່ງອຳນວຍສະດວກ,ພວກເຮົາກໍ່ໄດ້ກຽມແລ້ວ.
ບັດນີ້ເນື້ອໃນການເມືອງແລະເອກະສານຕ່າງໆຢູ່ໃນຂັ້ນກະກຽມ,ເຊັ່ນວ່າໂຄງການປະຕິບັດງານວຽງຈັນ ຫລື VAP ພວມຢູ່ໃນຂັ້ນໃກ້ຊິສຳເລັດແລ້ວ,ເຊິ່ງໂຄງການນີ້ຈະມີອາຍຸໃຊ້ການ 6 ປີເພື່ອປ່ຽນແທນແຜນປະຕິບັດງານຮາໂນຍທ່ີຈະສິ້ນສຸດລົງໃນປີນີ້.ນອກຈາກນັ້ນກໍ່ມີເອກະສານວ່າດ້ວຍປະຊາຄົມຄວາມຫມັ້ນຄົງຂອງອາຊຽນແລະເອກະສານວ່າດ້ວຍປະຊາຄົມດ້ານວັດທະນະທຳສັງຄົມອາຊຽນ,ເຊິ່ງປີກາຍນີ້ ກອງປະຊຸມສຸດຍອດຜູ່ນຳຢູ່ປາຣີອິນໂດເນເຊຍໄດ້ຕົກລົງວ່າ:ໃນຕໍ່ຫນ້ານີ້ ອາຊຽນຕ້ອງກ້າວໄປສູ່ການສ້າງປະຊາຄົມທີ່ປະກອບດ້ວຍສາມເສົາຄ້ຳຄື ເສົາຄ້ຳທາງດ້ານການເມືອງຄວາມຫມັ້ນຄົງ ເສົາຄ້ຳທາງດ້ານເສດຖະກິດແລະເສົາຄຳ້ທາງດ້ານວັດທະ ນະທຳສັງຄົມ,ກອງປະຊຸມສຸດຍອດປີນີ້ຈະຮັບເອົາສອງອັນ,ເພາະປີກາຍໄດ້ຮັບຮອງເອົາແລ້ວປະຊາຄົມດ້ານເສດຖະກິດ.
ນອກຈາກຂອງອາຊຽນເອງແລ້ວ, ພວກເຮົາກໍ່ພວມປຶກສາຫາລືກັບປະເທດຄູ່ຮ່ວມຂອງພວກເຮົາ ເຊັ່ນຈີນ ສ.ເກົາຫລີ ຍີ່ປຸ່ນ ອິນເດຍເປັນຕົ້ນ, ເພື່ອຈະມີເອກະສານທ່ີຈະໄດ້ລົງນາມໃນໂອກາດກອງປະຊຸມສຸດຍອດນັ້ນ,ຖືວ່າຢູ່ໃນຂັ້ນດຳເນີນການກະກຽມກັນ,ຄິດວ່າເທື່ອນີ້ກໍ່ຈະມີເອກະສານຫລາຍສະບັບມາຮັບຮອງຢູ່ໃນກອງປະຊຸມສຸດຍອດນັ້ນ.
1 2 3 4
|
|
|
