|
|
 |
| (GMT+08:00)
2004-09-20 15:05:23
|
 |
|
ສຳພາດທ່ານສົມສະຫວາດ.ເລັ່ງສະຫວັດ ຮອງນາຍົກລັດຖະມົນຕີ ສປປລາວກ່ຽວກັບສະພາບການກະກຽມກອງປະຊຸມສຸດຍອດອາຊຽນຄັ້ງທີ 10(ສຽງ)
cri
Author: sayvanny
ນັກຂ່າວ:ປະຈຸບັນ ລັດທິກໍ່ການຮ້າຍໄດ້ຂົ່ມຂູ່ຄວາປອດໄພຂອງບັນດາປະເທດໃນໂລກ,ທ່ານເຫັນວ່າບັນດາປະເທດອາຊີຄວນເພີ່ມທະວີການຮ່ວມມືລະຫວ່າງຫລາຍຝ່າຍໃນການໂຈມຕີລັດທິກໍ່ການຮ້າຍແນວໃດ?
ທ່ານສົມສະຫວາດ:ລັດທິກໍ່ການຮ້າຍນີ້ນັບຕັ້ງແຕ່ປີ 2001 ເປັນ ຕົ້ນ ມາເຫັນວ່ານັບມື້ນັບເພີ່ມທະວີຂຶ້ນ,ຂ້າພະເຈົ້າກໍ່ເຫັນວ່າໄດ້ມີການຮ່ວມມືກັນເພື່ອຕໍ່ຕ້ານກັບພວກລັດທິກໍ່ການຮ້າຍ,ມີທັງແບບສອງຝ່າຍແລະຫລາຍຝ່າຍ ຢູ່ແຕ່ລະພາກພື້ນກວມເຖິງທົ່ວໂລກ,ຫາກວ່າມາເຖິງປະຈຸບັນນີ້ ພວກນີ້ຍັງບໍ່ທັນຖືກຢຸດເຊົາ,ມັນຍັງນັບມື້ນັບເພີ່ມຂຶ້ນຊ້ຳ.ສອງມື້ມານີ້ ຂ້າພະເຈົ້າກໍ່ໄດ້ເຫັນພວກກໍ່ການຮ້າຍໄດ້ຈັດນັກຮຽນເດັກນ້ອຍຢູ່ລັດເຊຍ,ອັນນີ້ເປັນເຫດການທ່ີບໍ່ດີ,ລັດທິກໍ່ການຮ້າຍມີແຕ່ໄປນຳເອົາຄວາມເສຍຫາຍໃຫ້ແກ່ປະຊາຊາດມວນຊົນ, ພວກເຮົາກໍ່ກ່າວປະນາມຢ່າງຣຸນແຮງຕໍ່ເຫດການນີ້.ພວກເຮົາກໍ່ເຄີຍຖະແຫລງແລ້ວວ່າຈະໃຫ້ການຮ່ວມມືກັບທຸກປະເທດໃນໂລກໃນການຕໍ່ສູ້ຕ້ານລັດທິກໍ່ການຮ້າຍ.ແຕ່ວ່າຂ້າພະເຈົ້າຄິດວ່າ,ຈຳເປັນຈະຕ້ອງພ້ອມກັນເບິ່ງວ່າກົກຮາກຂອງລັດທິກໍ່ການຮ້າຍແມ່ນຫຍັງແທ້ໆ,ເຮົາຕ້ອງແກ້ໄຂຈາກກົກຮາກ,ແກ້ໄຂທາງຮູບການນັ້ນບາງທ່ີແມ່ນບໍ່ໄດ້.ອັນນີ້ກໍ່ແມ່ນຄວາມມຸງຫວັງຂອງບັນດາປະເທດທ່ີຢາກແກ້ໄຂບັນຫານີ້.
ແຕ່ວ່າການໂຈມຕີລັດທິກໍ່ການຮ້າຍນີ້,ເຮົາຢ່າສູ່ໄປແຊກແຊງກິດຈະການພາຍໃນຂອງຜູ່ອື່ນ,ຕ້ອງຄວນເຄົາລົບກົດຫມາຍສາກົນ,ບໍ່ແມ່ນອາໃສວ່າໄປຕ້ານລັດທິກໍ່ການຮ້າຍເປັນຂໍ້ອ້າງແລ້ວເຮັດເລື່ອງອື່ນອີກ,ນີ້ແມ່ນບໍ່ຖືກ.ສະນັ້ນ ລັດຖະບານລາວຈະຮ່ວມມືກັບປະເທດອາຊຽນກໍ່ຄືປະເທດຕ່າງໆໃນອາຊີແລະໃນໂລກນີ້ເພື່ອຮ່ວມກັນຕ້ານລັດທິກໍ່ການຮ້າຍ,ເພື່ອໃຫ້ໂລກຢູ່ໃນຄວາມສະຫງົບ,ຜູ່ໃນຄວາມເປັນມິດກັນ.
1 2 3 4
|
|
|
