|
ສຳພາດທ່ານສົມສະຫວາດ.ເລັ່ງສະຫວັດ ຮອງນາຍົກລັດຖະມົນຕີ ສປປລາວກ່ຽວກັບສະພາບການກະກຽມກອງປະຊຸມສຸດຍອດອາຊຽນຄັ້ງທີ 10(ສຽງ)
cri
Author: sayvanny
ນັກຂ່າວ:ທ່ານເຫັນວ່າກອງປະຊຸມເທື່ອນີ້ຈະມີບົດບາດແລະຄວາມຫມາຍຫຍັງຕໍ່ປະເທດລາວເພີ່ມທະວີການຮ່ວມມືແລະການແລກປ່ຽນກັບປະເທດອ້ອມຂ້າງ?
ທ່ານສົມສະຫວາດ:ເຈົ້າ, ກອງປະຊຸມສຸດຍອດຄັ້ງທີ 10 ນີ້ມີຄວາມສຳຄັນຫລາຍ,ບໍ່ສະເພາະແຕ່ຕໍ່ປະເທດລາວເຮົາດອກ.ເພາະວ່າມັນເປັນກອງປະຊຸມທ່ີຈະຊຸກຍູ້ຂະບວນການແຫ່ງການເຊື່ອມໂຍມເຂົ້າກັນ.ແລະຢູ່ໃນ VAP ກໍ່ຈະໄດ້ເວົ້າຫລາຍເຖິງການຊ່ອຍຊຸກຍູ້ກ່ານຮ່ວມມືແລະຊ່ອຍເຫລືອກັນຢູ່ມະຫາຄອບຄົວອາຊຽນ,ເພື່ອເຮັດໃຫ້ລະດັບຄວາມແຕກໂຕນກັນລະຫວ່າງສະມາຊິກອາຊຽນເກົ່າກັບສະມາຊິກອາຊຽນໃຫມ່ຄ່ອຍໆຫຍັບເຂົ້າກັນ.ນີ້ໄດ້ເວົ້າກັນຫລາຍ,ຄິດວ່າມັນຈະເປັນຜົນປະໂຫຍດບໍ່ແມ່ນໃຫ້ແຕ່ລາວດອກ,ທັງສອງເບື້ອງ,ທັງເບື້ອງສະມາຊິກເກົ່າແລະສະມາຊິກໃຫມ່ກໍ່ໄດ້ຮັບຜົນດີຫລາຍ.ແນ່ນອນວ່າເມື່ອມີກອງປະຊຸມ,ມັນກໍ່ມີແຂກຄົນມາຫລາຍ, ອັນນີ້ກໍ່ຈະປະກອບສ່ວນຊຸກຍູ້ວຽກງານການທ່ອງທ່ຽວ ວຽກງານການຜະລິດຫັດຖະກຳແລະການຢູ່ການກິນທຸກຢ່າງ,ອັນດີທ່ີສຸດຈະຊ່ອຍເຫລືອໃຫ້ເຈົ້າຫນ້າທ່ີຫລືນັກທຸລະກິດ ນັກບໍລິການຂອງລາວປັບຕົວເຂົ້າກັບສະພາບການໃຫມ່,ເພື່ອຈະຮອງຮັບນະໂຍບາຍເປີດກວ້າງການພົວພັນກັບຕ່າງປະເທດຕື່ມອີກ.ແຂກຄົນມາຫລາຍ, ຕົນເອງກໍ່ຕ້ອງໄດ້ຮຽນຫລາຍ,ລະດັບກໍ່ຈະຂຶ້ນ,ອັນນີ້ກໍ່ເປັນຜົນດີ.
1 2 3 4
|
|
