|
ວັນທີ 13 ເມສາແມ່ນບຸນສັງຂານຕາມຈຸນລະສັກກະຫລາດ,ແລະກໍ່ແມ່ນມື້ທຳອິດຂອງບຸນຫົດນ້ຳ ບຸນປະເພນີຂອງເຜົ່າລື້ຈີນ.ເມືອງຊຽງຮຸ່ງ ເທດສະບານກິ່ງແຂວງສິບສອງພັ່ນນາແຂວງຢຸນນານຈີນແມ່ນສະຖານແຫ່ງຫນຶ່ງທີ່ຈັດງານທ່ອງທ່ຽວວັດທະນະທຳສາກົນຄຸນມິງຈີນ,ການເຄື່ອນໄຫວຕ່າງໆສະຫລອງບຸນຫົດນ້ຳລຈະຈັດຂຶ້ນຢູ່ແຫ່ງນີ້.
ຕອນເຊົ້າວັນທີ 13 ເມສາ, ຢູ່ຕາມຫາດຊາຍສີຄຳແຄມແມ່ນ້ຳລ້ານຊ້າງກໍ່ເຕັມໄປແຕ່ສຽງຟົດນັ່ນຂອງຫມູ່ຄົນທີ່ຄັບຄາຫນາແຫນ້ນ.ຜູ່ທ່ອງທ່ຽວທີ່ມາຈາກແຫ່ງຕ່າງໆພາກັນຫລັ່ງໄຫລໄປຫາແຄມນ້ຳ,ເພື່ອຫາບ່ອນທີ່ເຫັນຄັກ,ເພື່ອຊົມການເຄື່ອນໄຫວສະຫລອງຕ່າງໆຂອງພິທີໄຂງານ. ຢູ່ຫາດຊາຍສີຄຳທີ່ບໍ່ໃຫຍ່ປານໃດ,ໄດ້ປຸກຜາມນ້ອຍໆໃຫຍ່ໆຂຶ້ນຫລາຍມື້ແລ້ວຕິດຕໍ່ກັນເປັນແຖວ,ບາງແຫ່ງຂາຍຊິ້ນປີ້ງ,ບາງແຫ່ງຂາຍເຄື່ອງດື່ມເຢັນ,ໃນຂະນະທີ່ທ່ານຮູ້ສຶກເຖິງຄວາມມ່ວນຊື່ນຟັດຟື້ນໃນຍາມບຸນນັ້ນ, ຍັງໃຫ້ທ່ານໄດ້ຊິມລົດອາ ຫານເຜົ່າລື້. ຂົວສາຍກາບຈ່ອງທີ່ສູງສະຫງ່າຢູ່ທາງຂ້າງ, ມີລົດລາແລະຄົນສັນຈອນໄປມາຢ່າງລຸດໆລ້າຍ.
ຕອນທ່ຽງ, ຄຽງຄູ່ກັບສຽງບັ້ໄຟດັງຂຶ້ນ,ງານສະຫລອງບຸນຫົດນ້ຳໄດ້ເລີ່ມຕົ້ນເປັນທາງການ, ທົ່ວກິ່ງແຂວງສິບສອງພັ່ນນາໄດ້ກາຍເປັນມະຫາສະຫມຸດແຫ່ງຄວາມມ່ວນຊື່ນ.
ການຊ່ວງເຮືອຕາມປະເພນີໄດ້ເລີ່ມຕົ້ນແລ້ວ, ຄົນທັງຫລາຍໂຫ້ກັນໄປເບິງຢູ່ແຄມນ້ຳ,ພໍ່ແມ່ປະຊາຊົນຂອງຄະນະສີພາຍແຕ່ລະຄະນະກໍ່ຢືນຢູ່ເວທີດື່ມເຫລົ້າທີ່ສ້າງຂຶ້ນຊົ່ວຄາວ,ເຊຍໃຫ້ກຳລັງໃຈແກ່ຄະນະຂອງຕົນເອງ.
1 2 3 4 5
|
