|
ວັນທີ 21 ມີນາ, ປະມຸກລັດຈີນລັດເຊຍໄດ້ພ້ອມກັນເຂົ້າຮ່ວມພິທີເປີດປີຣັດເຊຍຢູ່ຈີນ. ໃນໄລຍະປີຣັດເຊຍ, ຈີນຈະຈັດການເຄື່ອນໄຫວແລກປ່ຽນແລະການໄປມາຫາສູ່ກັນລະຫວ່າງຈີນຣັດເຊຍດ້ວຍຫລາຍຮູບຫລາຍແບບ.ໃນຖານເປັນການເຄື່ອນໄຫວສຳຄັນຂອງປີຣັດເຊຍ, ບຸນວັດທະນະທຳຣັດເຊຍຈະສະແດງໃຫ້ມວນຊົນຈີນໄດ້ເຫັນພື້ນຖານວັດທະນະທຳອັນເລິກເຊິ່ງແລະພະລັງຊີວິດຍຸກປະຈຸບັນອັນຟົດຟື້ນຂອງຣັດເຊຍ.
ທີ່ທ່ານພວມຟັງຢູ່ນີ້ແມ່ນດົນຕີທີ່ມີຫົວເລື່ອງວ່າຍາມບຸນ ທີ່ແຕ່ງໂດຍທ່ານໂຊສຕາໂກວິດ ນັກແຕ່ງນົດດົນຕີຣັດເຊຍ, ເສບໂດຍວົງດົນຕີຊິມໂຟນີຂອງໂຮງລະຄອນແບບຢ່າງແຫ່ງຊາດຣັດເຊຍທີ່ມີຊື່ສຽງ.ຕອນຄ່ຳວັນທີ 22 ມີນາ, ຄຽງຄູ່ກັບບຸນວັດທະນະທຳຣັດເຊຍເປີດສາກ,ໂຮງລະຄອນແບບຢ່າງແຫ່ງຊາດຣັດເຊຍໄດ້ສະແດງລາຍການໂລດໂຜນຍອດຢ້ຽມໃຫ້ຜູ່ຊົມປັກກິ່ງຫລາຍພັນຄົນໄດ້ຊົມຢູ່ຫໍສະພາປະຊາຊົນແຫ່ງຊາດຈີນທີ່ປັກກິ່ງ.
ໂຮງລະຄອນແບບຢ່າງແຫ່ງຊາດຣັດເຊຍມີປະຫວັດມາ 230 ປີແລ້ວ,ແມ່ນຄະນະສະແດງຊັ້ນນຳທີ່ມີສີສັນຣັດເຊຍກວ່າຫມູ່.ເທື່ອນີ້, ພວກເຂົາເຈົ້າໄດ້ແຕ່ງຄະນະຜູ່ແທນຂະຫນາດໃຫຍ່ທີ່ປະກອບດ້ວຍ 280 ຄົນເຊິ່ງລວມທັງວົງເສບດົນຕີຊິມໂຟນີ ຄະນະລະຄອນຮ້ອງ ຄະນະຟ້ອນບາເລແລະຄະນະຮ້ອງຮວມຫມູ່ມາຈີນ,ນີ້ໄດ້ເຮັດໃຫ້ບັນດາແຟນສິນລະປະຂອງປັກກິ່ງເຕັມໄປດ້ວຍຄວາມຄ່ອງຄອຍ.
1 2 3 4 5
|
