|
ງານສະແດງເປີດສາກບຸນວັດທະນະທຳຣັດເຊຍຢູ່ຈີນ
ຫໍພິພິຕະພັນວິຈິຕະກຳເຕຼເທຍໂຄຟສກາຢາແຫ່ງຊາດແມ່ນຫນຶ່ງໃນບັນ ດາສາງສິນລະປະກຳທີ່ສຳຄັນທີ່ສຸດຂອງຣັດເຊຍ,ມີຊື່ສຽງທໍ່ກັບຫໍພິພິຕະພັນລູເວຼີຂອງປາຣີແລະຫໍພິພິຕະພັນລອນດອນ.ເທື່ອນີ້ແມ່ນເທື່ອທຳອິດທີ່ຫໍພິ ພິຕະພັນດັ່ງ ກ່າວເອົາເຄື່ອງສິນລະປະກຳຍອດຢ້ຽມຫລາຍປານນີ້ມາວາງສະແດງຢູ່ຈີນ,ຮູບແຕ້ມຂອງບັນດາຝ່າຍວິຈິດຕະກຳຣັດເຊຍຕ່າງໆແລະຂອງອົງການຈັດຕັ້ງວິຈິດຕະກຳຣັດເຊຍຕ່າງໆ 110 ແຜ່ນໄດ້ສະແດງໃຫ້ຜູ່ຊົມທັງຫລາຍໄດ້ເຫັນວິວັດທະນາການຂອງວິຈິດຕະກຳທີ່ສະຫງ່າລາສີຂອງຣັດເຊຍໃນ 300 ປີແຕ່ສະຕະວັດທີ 18 ຫາຕົ້ນສະຕະວັດທີ 21.
ໃນຫລາຍມື້ມານີ້, ມີຜູ່ຊົມໄປຊົມງານວາງສະແດງເຄື່ອງຍອດຢ້ຽມທີ່ມີຫົວເລື່ອງວ່າ 300 ປີແຫ່ງສິນລະປະກຳຣັດເຊຍຢູ່ຫໍວິຈິດຕະກຳຈີນຢ່າງບໍ່ຂາດສາຍ,ຮູບແຕ້ມຂອງບັນດາຈິດຕະກອນລະດັບອາຈານທັງຫລາຍໄດ້ກະຕຸ້ນໃຈຜູ່ຊົມຫລວງຫລາຍຢ່າງເລິກເຊິ່ງ.
ໃນຫ້ອງວາງສະແດງ, ນາງຟູ້ອ້າຍຢຸນເວົ້າຕໍ່ນັກຂ່າວດ້ວຍຄວາມກະຕຸ້ນໃຈວ່າ:
ຮູບແຕ້ມສີນ້ຳມັນຂອງຣັດເຊຍມີຊື່ລືນາມສູງທີ່ສຸດໃນສາກົນ,ເມື່ອໄດ້ຊົມຮູບແຕ້ມເຫລົ່ານີ້ແລ້ວ, ຂ້າພະເຈົ້າຮູ້ສຶກຕື້ນຕັນໃຈຫລາຍ.ຂ້າພະເຈົ້າຮູ້ສຶກໂຊກດີຫລາຍທີ່ໄດ້ຊົນຮູບແຕ້ມລະດັບສູງຂອງຣັດເຊຍຜົນງານບາງຢ່າງແມ່ນຜົນງານຈິດຕະກອນລະດັບອາຈານທີ່ມີຊື່ສຽງໃນຫລາຍຮ້ອຍປີກ່ອນ. ຖ້າບໍ່ມີປີຣັດເຊຍ,ກໍ່ຍາກທີ່ຈະໄດ້ຊົມຮູບແຕ້ມເຫລົ່ານີ້.
1 2 3 4 5
|
