|
|
 |
| (GMT+08:00)
2006-04-13 22:23:29
|
 |
|
ໄປທ່ຽວຄູຫາຫຼົງເໝິນແລະຊົມເບິ່ງດອກໂບຕັນຢູ່ເມືອງໂລ້ຢາງ
cri
Author: da
|
ໂລ້ຢາງ ເມືອງເກົ່າແກ່ທີ່ຕັ້ງຢູ່ແຂວງເຫີນານ ພາກກາງຂອງຈີນ,ແມ່ນແຫຼ່ງກຳເນີດອາລະຍະທຳຈີນແຫ່ງໜຶ່ງ.ໃນລາຍການມື້ນີ້ ດາລາວັນຈະພາທ່ານໄປຊົມເບິ່ງຄູຫາຫຼົງເໝິນທີ່ມີປະຫວັດ 1500 ປີແລະດອກໂບຕັນທີ່ບານເຮືອງເຮື່ອ ເຊິ່ງເປັນທິວທັດທີ່ມີຊື່ສຽງທີ່ສຸດໃນເມືອງໂລ້ຢາງ.
\ຄູຫາຫຼົງເໝິນຕັ້ງຢູ່ເມືອງໂລ້ຢາງໄປທິດໃຕ້ 13 ກິໂລແມັດ,ຢູ່ແຫ່ງນີ້ ຢູ່ທິດຕາເວັນຕົກແລະທິດຕາເວັນອອກ ມີພູສອງໜ່ວຍຕັ້ງຊ້ອງໜ້າກັນ,ຢູ່ທາງກາງ ມີແມ່ນ້ຳອີ່ໄຫຼຜ່ານຄ່ອຍໆ ,ພູຂຽວ ນ້ຳໃສ,ປະກອບເປັນພາບວິວທິວທັດອັນສວຍງາມ.ຢູ່ຜາຫີນຍາວປະມານ 1 ກິໂລແມັດເທິງພູທິດຕາເວັນອອກແລະທິດຕາເວັນຕົກຫຼົງເໝິນ,ໄດ້ເຈາະຖ້ຳ 2300 ກວ່າບ່ອນ, ຊ່າງຫີນສະໄໝບູຮານຂອງຈີນໄດ້ຄວັດພະພຸດທະຮູບທີ່ສວຍງາມປານີດແສນກວ່າອົງຢູ່ໃນຖ້ຳເຫຼົ່ານີ້.ຜູ້ມາຊົມຄູຫາຫຼົງເໝິນລ້ວນແຕ່ຢາກຖາມວ່າ,ແມ່ນໃຜແລະຍ້ອນຫຍັງຈຶ່ງເຈາະຄູຫາແລະຄວັດຮູບຢູ່ແຫ່ງນີ້?
ແຕ່ກ່ອນ ຄືໃນຄ.ສ.ທ້າຍສະຕະວັດທີ 5 ,ເຈົ້າຊີວິດຂອງລາຊະວົງປາຍເວີ້ຍຂອງຈີນເຊື່ອຖືພຸດທະສາສະໜາ.ໃນຄາວນັ້ນມີຄຳເວົ້າແນວໜຶ່ງວ່າ,ຖ້າວ່າຜູ້ໃດຄວັດພະພຸດທະຮູບຫຼາຍເທົ່າໃດ,ຜູ້ນັ້ນຈະໄດ້ຄ່າຕອບແທນຈາກພະພຸດທະຮູບຫຼາຍເທົ່ານັ້ນ,ສະນັ້ນ ເຈົ້າຊີວິດລາຊະວົງປາຍເວີ້ຍຈຶ່ງຕົກລົງເຈາະຄູຫາແລະຄວັດພະພຸດທະຮູບຢ່າງຂະໜາດໃຫຍ່.ສ່ວນວ່າເປັນຫຍັງຈິ່ງເລືອກເອົາຫຼົງເໝິນ,ຕົ້ນຕໍແມ່ນຍ້ອນວ່າ ຫີນຜາຢູ່ແຖບນີ້ມີຄຸນນະພາບດີ,ຖືກລົມເສື່ອມກັດຍາກ,ເໝາະແກ່ການເຈາະຄູຫາ.
ເມື່ອໄດ້ສ້າງມາເປັນເວລາ 400 ກວ່າປີ ຄູຫາຫຼົງເໝິນຈຶ່ງມີຂະໜາດຄືໃນປະຈຸບັນນີ້,ໃນນັ້ນໄດ້ຜ່ານໄລຍະຈະເລີນສອງໄລຍະຄື:ລາຊະວົງປາຍເວີ້ຍແຕ່ຄ.ສ.ສະຕະວັດທີ 4 ຫາ 6 ແລະລາຊະວົງຖາງແຕ່ຄ.ສ.ສະຕະວັດທີ 7 ຫາ 10 .ໃນຖ້ຳທີ່ມີຢູ່ໃນປະຈຸບັນຂອງ ຄູຫາຫຼົງເໝິນ,ສອງລາຊະວົງນີ້ໄດ້ເຈາະຖ້ຳຫຼາຍກວ່າ 90% .
1 2 3 4
|
|
|
