|
|
 |
| (GMT+08:00)
2006-04-13 22:23:29
|
 |
|
ໄປທ່ຽວຄູຫາຫຼົງເໝິນແລະຊົມເບິ່ງດອກໂບຕັນຢູ່ເມືອງໂລ້ຢາງ
cri
Author: da
ຄັນຢາກເບິ່ງລັກສະນະຮູບຄວັດທີ່ຕ່າງກັນຂອງລາຊະວົງປາຍເວີ້ຍແລະລາຊະວົງຖາງ,ຕ້ອງເບິ່ງຢູ່ຖ້ຳປິ່ງຢາງກ່ອນ.ຖ້ຳປິ່ງຢາງລວມມີຖ້ຳໃຫຍ່ໜຶ່ງຖ້ຳແລະຖ້ຳນ້ອຍສອງຖ້ຳ,ເລີ່ມເຈາະໃນໄລຍະລາຊະວົງປາຍເວີ້ຍ,ແມ່ນຖ້ຳທີ່ໃຊ້ເວລາເຈາະດົນນານກວ່າໝູ່ໃນຄູຫາຫຼົງເໝິນ,ຄືໄດ້ໃຊ້ເວລາ 24 ປີ.ຍ້ອນສາຍເຫດເກີດລັດຖະທະຫານໃນລາຊະສຳນັກ,ໃນ 3 ຖ້ຳດັ່ງກ່າວມີຖ້ຳໜຶ່ງແມ່ນສ້າງສຳເລັດໃນລາຊະວົງປາຍເວີ້ຍ,ສ່ວນສອງຖ້ຳຢູ່ທິດໃຕ້ແລະທິດເໜືອແມ່ນສ້າງສຳເລັດຢູ່ລາຊະວົງຖາງ.ນາງຢາງທິງ ພະນັກງານຢູ່ຄູຫາຫຼົງເໝິນເວົ້າວ່າ,ຈາກ 3 ຖ້ຳຂອງຄູຫາປິ່ງຢາງຈະເຫັນລັກສະນະຮູບຄວັດທີ່ຕ່າງກັນຂອງສອງສະໄໝນີ້,ນາງເວົ້າວ່າ:
"ໃນຖ້ຳນີ້ ພະພຸດທະຮູບສຳຄັນແມ່ນພະພຸດທະເຈົ້າສາກະຍະມຸນີ,ພະພຸດທະເຈົ້າໜ້າຈ່ອຍ,ຄໍຍາວ,ພະວໍລະກາຍຍາວ,ສ່ອງແສງໃຫ້ເຫັນລັກສະນະຮູບຄວັດຂອງລາຊະວົງປາຍເວີ້ຍໃນຄາວນັ້ນ,ນັ້ນກໍຄືຖືຄວາມຈ່ອຍເປັນຄວາມສວຍງາມ.ສ່ວນຮູບຄວັດຢູ່ໃນຄູຫາສອງຂ້າງໃຕ້ແລະເໜືອ,ພັດໄດ້ປ່ຽນລັກສະນະຮູບຄວັດທີ່ຈ່ອຍສູງຂອງລາຊະວົງປາຍເວີ້ຍ,ມາເປັນລັກສະນະຮູບຊົງຕຸ້ຍງາມຂອງລາຊະວົງຖາງ."
ຫ່າງຈາກຄູຫາປິ່ງຢາງບໍ່ໄກ,ຍັງມີຄູຫາລາຊະວົງຖາງທີ່ມີຊື່ສຽງແຫ່ງໜຶ່ງ,ຊື່ວ່າ"ຖ້ຳວ້ານໂຟ"ແປວ່າ"ຖ້ຳພະໝື່ນອົງ",ຢູ່ເທິງຝາທິດໃຕ້ແລະທິດເໜືອໃນຄູຫາໄດ້ຄວັດພະພຸດທະຮູບອົງນ້ອຍ 1 ໝື່ນ 5 ພັນອົງ,ພະພຸດທະຮູບອົງນ້ອຍທີ່ສຸດສູງພຽງແຕ່ 4 ຊັງຕີແມັດທໍ່ນັ້ນ.ຕາມການບັນທຶກ,ຄູຫາວ້ານໂຟຍັງແມ່ນຄູຫາພຽງແຫ່ງດຽວໃນບັນດາຄູຫາຫຼົງເໝິນ ເຊິ່ງແມ່ນຜູ້ຍິງເປັນຜູ້ກຳກັບການຂຸດເຈາະ.
1 2 3 4
|
|
|
