|
|
 |
| (GMT+08:00)
2006-04-13 22:23:29
|
 |
|
ໄປທ່ຽວຄູຫາຫຼົງເໝິນແລະຊົມເບິ່ງດອກໂບຕັນຢູ່ເມືອງໂລ້ຢາງ
cri
Author: da
ຈາກຄູຫາວ້ານໂຟໄປທິດໃຕ້,ກໍໄປຮອດວັດເຟີ້ງຊ່ຽນທີ່ມີຊື່ສຽງທີ່ສຸດໃນຄູຫາຫຼົງເໝິນ.ວັດເຟີ້ງຊ່ຽນໃຫຍ່ຫຼາຍ,ພະພຸດທະຮູບອົງທີ່ມີຊື່ສຽງທີ່ສຸດໃນນັ້ນສູງ 17 ແມັດ,ຄວັດຢ່າງປານີດແລະມີຊີວິດຊີວາທີ່ສຸດ,ຖືກເອີ້ນເປັນພະພຸດທະຮູບທີ່ສວຍງາມທີ່ສຸດໃນປະຫວັດຄູຫາຫຼົງເໝິນຂອງຈີນ,ແລະຖືກຄົນຝ່າຍຕາເວັນຕົກເອີ້ນເປັນ" ໂມນາ ລີຊາຂອງຝ່າຍຕາເວັນອອກ".ນາງຢາງທິງເວົ້າວ່າ,ບ່ອນທີ່ຄວັດແກະໄດ້ງາມກວ່າໝູ່ຂອງທົ່ວພະພັກຂອງພະພຸດທະຮູບອົງນີ ກໍແມ່ນພະເນດທີ່ມີຮອຍຍີ້ມ.ນາງເວົ້າວ່າ:
"ການຄວັດແກະພະເນດ ແມ່ນໃຊ້ວິທີຄວັດແບບໃຫ້ລຸບເຂົ້າໃນ,ໃນພະເນດໄດ້ຝັງກະເບື້ອງເຄືອບສີດຳ,ເບິ່ງແລ້ວ ຮຸ່ງແຈ້ງທີ່ສຸດ.ໃນເວລາຢືນຢູ່ນີ້ເງີຍໜ້າເບິ່ງພະພຸດທະຮູບ,ກໍຈະພົບກັບແສງພະເນດຂອງພະພຸດທະຮູບ,ແລ້ວເກີດມີການແລກປ່ຽນກັນລະຫວ່າງຄົນກັບພະພຸດທະເຈົ້າ,ນີ້ກໍແມ່ນສິລະປະຄວັດແກະພະພຸດທະຮູບທີ່ມີລະດັບສູງສຸດ,ໝາຍຄວາມວ່າ ພະພຸດທະອົງເອົາໃຈໃສ່ຄົນທັງຫຼາຍໃນເມືອງຄົນຊົ່ວນິລັນດອນ."
ບາງຄົນເວົ້າວ່າ,ຢູ່ຄູຫາຫຼົງເໝິນ,ຖ້າວ່າເບິ່ງພະພຸດທະຮູບພຽງແຕ່ສອງວິນາທີຕໍ່ອົງ,ຢາກເບິ່ງໃຫ້ໝົດກໍຕ້ອງໃຊ້ເວລາສາມເວັນສາມຄືນຈຶ່ງຈະຄົບໄດ້.ປີ 2000,ໃນຖານເປັນຫໍພິພິທະພັນສິລະປະຫີນຄວັດຂະໜາດໃຫຍ່,ຄູຫາຫຼົງເໝິນໄດ້ຖືກຈັດເຂົ້າໃນ"ສາລະບານມໍລະດົກວັດທະນະທຳໂລກ".ທ່ານມາຊື້ສາງ ສາດສະດາຈານຝ່າຍບູຮານນະຄະດີຂອງມະຫາວິທະຍາໄລປັກກິ່ງເຫັນວ່າ,ຄຸນຄ່າຂອງຄູຫາຫຼົງເໝິນບໍ່ພຽງແຕ່ຢູ່ນຳບ່ອນວ່າ ມັນໄດ້ສ່ອງແສງໃຫ້ເຫັນສິລະປະປະຕິມາກຳທີ່ມີຂະໜາດໃຫຍ່ກວ່າໝູ່ແລະດີເລີດກວ່າໝູ່ຢູ່ຈີນທໍ່ນັ້ນ,ຫາກຍັງຢູ່ນຳບ່ອນວ່າ ມັນໄດ້ຮັກສາອາລະຍະທຳແຕ່ຄ.ສ.ສະຕະວັດທີ 5 ຫາ 10 ທີ່ໄດ້ຫັບຫາຍໄປແລ້ວນັ້ນອີກ.ທ່ານເວົ້າວ່າ:
"ຢູ່ໃນຄູຫາຫຼົງເໝິນ ຍັງຮັກສາວັດຖຸໄວ້ໃນຫຼາຍດ້ານ,ເຊັ່ນ:ເນື້ອໃນທາງສາສະໜາ,ປະຫວັດສາດ ເສດຖະກິດ ສິລະປະແລະວັດທະນະທຳລ້ວນແຕ່ສ່ອງແສງໃຫ້ເຫັນໃນຄູຫາຫຼົງເໝິນ.ຄວນເວົ້າວ່າ,ການຖືກຈັດເຂົ້າໃນສາລະບານມໍລະດົກວັດທະນະທຳໂລກ ກໍເປັນການຢືນຢັນຕໍ່ຄຸນຄ່າຂອງຄູຫາຫຼົງເໝິນ."
1 2 3 4
|
|
|
