|
ປີ 1973 ທ່ານລີຊວງຈ່ຽງຖືກຍ້າຍໃຫ້ໄປເຮັດວຽກຢູ່ປັກກິ່ງ.ພາຍຫລັງມາຮອດປັກກິ່ງແລ້ວ, ທ່ານລີຊວງຈ່ຽງໄດ້ເຂົ້າສູ່ໄລຍະຮຸ່ງເຮືອງໃນການປະ ດິດສ້າງດ້ານສິນລະປະກຳຂອງຕົນ,ທ່ານໄດ້ອັດແຜ່ນສຽງຢ່າງຫລວງຫລາຍ, ລີລາຂັບຮ້ອງທີ່ມີເອກກະລັກພິເສດຂອງທ່ານໄດ້ເຫີ່ກັນໃນູທົ່ວປະເທດຈີນໃນຄາວນັ້ນ. ຈຳນວນຈຳຫນ່າຍຂອງເພງດາວແດງເຍືອງແສງສົ່ງທາງຂ້ອຍໄປສູ້ລົບໄດ້ບັນລຸເຖິງ 3 ລ້ານແຜ່ນ, ໄດ້ສ້າງສະຖິຕິສູງສຸດຂອງຈີນໃນການຈຳ ຫນ່າຍແຜ່ນສຽງໃນຊຸມປີ 70-80 ສະຕະວັດແລ້ວນີ້.ເພງລາກ່ອນແມ່ນ ເພງອາຫາເພື່ອນຮ່ວມສູ້ລົບແລະເພງຕ່າງໆທີ່ຂັບຮ້ອງໂດຍທ່ານໄດ້ຮັບຄວາມນິຍົມຊົມຊອບຈາກຜູ່ຟັງທັງຫລາຍ, ກາຍເປັນເພງຍຸກສະໄຫມທີ່ເປັນສັນຍະ ລັກ. ທ່ານຖືກມວນຊົນເອິ້ນເປັນລາຊາເພງ.ປີ 1994,ທ່ານລີຊວງຈ່ຽງທີ່ຢູ່ໃນຍອດສູງແຫ່ງພາລະກິດຮອງເພງໄດ້ເລີ່ມມີບາດລ້ຽວອີກເທື່ອຫນຶ່ງໃນຊີວິດສິນລະປະກຳ.ທ່ານໄດ້ຍ້າຍຈາກບົນເທິງເວທີສະແດງໄປສູ່ຫລັງສາກ,ຮັບຕຳແຫນ່ງເປັນຫົວຫນ້າພະແນກດົນຕີຂອງສະຖາບັນສິນລະປະກຳກອງທັບປົດປ່ອຍ,ທຸ່ມເຫື່ອເທແຮງເຂົ້າໃນການບຳລຸງສ້າງຜູ່ມີຄວາມຮູ້ຄວາມສາມາດດ້ານສິນລະປະກຳຂອງກອງທັບ.ຕໍ່ເລື່ອງນີ້, ທ່ານລີຊວງຈ່ຽງເວົ້າວ່າ:
ປີ 1994 ຂ້າພະເຈົ້າໄດ້ຍ້າຍຈາກຄະນະລະຄອນຮ້ອງຂອງກົມໃຫຍ່ ການເມືອງກອງທັບປົດປ່ອຍປະຊາຊົນຈີນໄປເຮັດວຽກຢູ່ສະຖາບັນສິນລະປະກຳກອງທັບປົດປ່ອຍປະຊາຊົນຈີນ,ເປັນຫົວຫນ້າພະແນກດົນຕີ.ການມາເຮັດວຽກຢູ່ສະຖາບັນສິນລະປະກຳກອງທັບປັດປ່ອຍນີ້ກໍ່ມີພາລະກຳໃຫມ່ລາຍຫນຶ່ງ, ນັ້ນກໍ່ແມ່ນບຳລຸງສ້າງນັກສຶກສາຫລາຍກວ່າເກົ່າດ້ວຍບົດ ຮຽນທີ່ຂ້າພະເຈົ້າໄດ້ສະສົມມາຫລາຍປີ, ໃຫ້ນັກຮ້ອງຫນຸ່ມແລະສິນລະປິນ ຫນຸ່ມຂອງກອງທັບພວກເຮົາປະສົບຄວາມລະອິດລະອ້ຽວໃຫ້ຫນ້ອຍລົງ.
ພາຍຫລັງທ່ານລີຊວງຈ່ຽງດຳລົງຕຳແຫນ່ງດັ່ງກ່າວແລ້ວ, ໄດ້ສ້າງເວທີດົນຕີດາວແດງຂຶ້ນ, ຜ່ານຈາກການເຄື່ອນໄຫວຕ່າງໆຄື ຈັດຄອນເສີດແລະຈັດການສິດສອນແບບເປີດເຜີຍເປັນຕົ້ນ,ໄດ້ອຳນວຍໂອກາດເຮັດຕົວຈິງດ້ານສິນລະປະກຳຫລາຍກວ່າເກົ່າໃຫ້ນັກສຶກສາ,ເຮັດໃຫ້ລະດັບຮ້ອງເພງຂອງພວກເຂົາເຈົ້າສູງຂຶ້ນຢ່າງຫລວງຫລາຍ.ລູກສິດຂອງທ່ານໄດ້ຮັບລາງ ວັນໃນການແຂ່ງຂັນດົນຕີປະເພດຕ່າງໆຂອງພາຍໃນປະເທດແລະຕ່າງປະເທດຫລາຍເທື່ອ,ຫມາກຜົນຄົ້ນຄວ້າການສິດສອນຂອງທ່ານກໍ່ໄດ້ຮັບລາງວັນທີຫນຶ່ງລະດັບຊາດຫລາຍເທື່ອ.ຊູ່ມື້ນີ້ ທ່ານລີຊວງຈ່ຽງທີ່ມີອາຍຸ 67 ປີໄດ້ມີລູກສິດຢ່າງຫລວງຫລາຍ.
1 2 3 4
|
