|
ລາຍການພິເສດເພື່ອສະເຫຼີມສະຫຼອງຈີນລາວສ້າງສາຍສຳພັນການທູດຄົບ ຮອບ45ປີ
ທຸກໆປີ,ຕ້ອງມີມື້ໜຶ່ງ,ດອກໂບຕັນກັບດອກຈຳປາເບັ່ງບານພ້ອມກັນຢູ່ບົນດິນແດນທີ່ໄກກັນແສນໂຍດ;
ທຸກໆປີ,ຕ້ອງມີມື້ໜຶ່ງ,ແມ່ນ້ຳລ້ານຊ້າງແລະແມ່ນ້ຳຂອງມີກະແສຟອງຟົດຟຶ້ນມ່ວນຊື່ນ;
ທຸກໆປີ,ຕ້ອງມີມື້ໜຶ່ງ,ມີກະແສຄື້ນໂທລະເລກສອງສະບັບພາສາຕ່າງກັນ,ບິນຜ່ານພູ ຜາແມ່ນ້ຳ,ສົ່ງ
ຄວາມອວຍພອນແກ່ກັນເປັນສຽງດຽວກັນວ່າ:ຂໍອວຍພອນເຈົ້າ ອ້າຍນອງທີ່ມີສາຍພູແລະແມ່ນ້ຳເຊື່ອມຕໍ່ກັນ,ມິດຕະພາບລະຫວ່າງພວກເຮົາໄດ້ກ້າວເຂົ້າປີໃໝ່ອີກປີໜຶ່ງ.
ແມ່ນແລ້ວ,ນັ້ນກໍແມ່ນວັນທີ25ເມສາຂອງທຸກໆປີ.
ແຕ່ຈີນກັບລາວສ້າງສາຍສຳພັນການທູດຢ່າງເປັນທາງການໃນວັນທີ25ເມສາປີ1961ຈົນຮອດວັນທີ25ເມສາປີ2006ທີ່ຫາກໍຜ່ານໄປ,ສອງປະເທດຈີນລາວໄດ້ເກາະແຂນກັນກ້າວເດີນມາເປັນເວລາ45ປີແລ້ວ.45ປີມານີ້,ການພົວພັນໄມຕີຈິດລະຫວ່າງສອງປະເທດຈີນລາວໄດ້ຂຽນໜ້າໃໝ່ເລື່ອຍໆ,ອາດເວົ້າໄດ້ວ່າ,ເອກອັກຄະລັດຖະທູດຈີນຫຼາຍທ່ານທີ່ເຄີຍປະຈຳຢູ່ລາວກໍແມ່ນຜູ້ປະສົບເຫດການຄັ້ງປະຫວັດສາດເຫຼົ່ານີ້,ແລະທັງເປັນສັກຂີພິຍານຢັ້ງຢືນຜູ້ມີອິດທິພົນທີ່ສຸດຕໍ່ມິດຕະພາບຈີນລາວ.
ທ່ານເອກອັກຄະລັດຖະທູດຮວງກົວະໄຊປີນີ້ອາຍຸ70ກວ່າແລ້ວ,ທ່ານແມ່ນເອກອັກ ຄະລັດຖະທູດຈີນທີ່ກະຊວງການຕ່າງປະເທດຈີນແຕ່ງມາປະຈຳລາວແຕ່ເດືອນພຶດສະພາປີ1991ຫາເດືອນກຸມພາປີ1994.ໃນເວລາສາມປີທີ່ທ່ານດຳລົງຕຳແໜ່ງ,ການພົວພັນສອງປະເທດຈີນລາວເລີ່ມຂະຫຍາຍຕົວຢ່າງຮອບດ້ານ.ການຮ່ວມມືດ້ວຍໄມຕີຈິດໃນດ້ານຕ່າງໆ ເຊັ່ນການເມືອງ ເສດຖະກິດການຄ້າ ວັດທະນະທຳການສຶກສາ ສາທາ ລະນະສຸກແລະການທະຫານເປັນຕົ້ນລ້ວນແຕ່ໄດ້ມີການຄືບໜ້າຢ່າງບໍ່ຢຸດຢັ້ງ.ເນື່ອງຈາກຜູ້ນຳຂອງພັກ ລັດແລະກອງທັບສອງປະເທດໄປມາຢ້ຽມຢາມກັນເລື່ອຍໆໃນໄລຍະທ່ານຮວງກົວະໄຊດຳລົງຕຳແໜ່ງຢູ່ລາວ,ສະນັ້ນ,ທ່ານຈຶ່ງໄດ້ກາຍເປັນເອກອັກຄະລັດຖະທູດຜູ້ຂຸ້ນວຽກກວ່າໝູ່ໃນບັນດາທູດຈີນທຸກສະໄໝທີ່ປະຈຳຢູ່ລາວ.ທ່ານບອກນັກຂ່າວວ່າ:"ໃນຄາວນັ້ນ,ສະຖານທູດຂອງບັນດາປະເທດທີ່ປະຈຳຢູ່ລາວໃຜກໍເວົ້າວ່າ,ຫຼາຍປີມານີ້ທູດຈີນຈັ່ງແມ່ນວຽກຫຼາຍນໍ.ເພາະວ່າ,ໃນເວລາບໍ່ຮອດ3ປິທີ່ຂ້າພະເຈົ້າດຳລົງຕຳແໜ່ງ,ທ່ານໄກສອນ ພົມວິຫານ ປະທານພັກປະຊາຊົນປະຕິວັດລາວແລະທ່ານຄຳໄຕ ສີພັນດອນ ທີ່ເປັນນາຍົກລັດຖະມົນຕີໃນຄາວນັ້ນຕ່າງໄດ້ຢ້ຽມຢາມຈີນສອງເທື່ອ,ໄດ້ເຈລະຈາກັບຜູ້ນຳຂອງຈີນຢ່າງມີໄມຕີຈິດທີ່ສຸດ.ຜູ້ຮັບຜິດຊອບພາກສ່ວນຕ່າງໆຂອງພັກ ລັດແລະກອງທັບລາວທີ່ນຳພາຄະນະຜູ້ແທນໄປຢ້ຽມຢາມຈີນນັ້ນກໍແຮ່ງຫຼາຍ. ຜູ້ນຳຈີນກໍມາຢ້ຽມຢາມລາວເລື່ອຍໆ,ຜູ້ນຳສູນກາງຫຼາຍທ່ານໃນຄາວນັ້ນ ຄື ທ່ານໂຈ່ວເຈ່ຍ ຮວາແລະທ່ານຊຽນຊີເຊິ່ນ ຮອງນາຍົກລັດຖະມົນຕີ ທ່ານຊືຮ້າວທຽນ ຮອງນາຍົກລັດຖະມົນຕີທັງເປັນລັດຖະມົນຕີກະ ຊວງປ້ອງກັນປະເທດ ທ່ານເຢ້ສວນພີງ ຮອງປະທານສະພາປຶກສາການເມືອງ,ພ້ອມດ້ວຍກຳມະການກົມການເມືອງຫຼາຍທ່ານ ຄື ທ່ານຕີ່ງກ່ວນເກິ່ງແລະທ່ານຫຼີເຖຍອີ້ງເປັນຕົ້ນ ກໍຕ່າງໄດ້ມາຢ້ຽມຢາມລາວໃນໄລຍະທີ່ຂ້າພະເຈົ້າເປັນທູດ ປະຈຳຢູ່ລາວ.ນອກຈາກຕ້ອນຮັບຜູ້ນຳຈີນມາຢ້ຽມຢາມລາວແລ້ວ,ໃນເວລາທີ່ຜູ້ນຳສຳຄັນຂອງຝ່າຍລາວໄປຢ້ຽມຢາມຈີນ,ຂ້າພະເຈົ້າກໍຕ້ອງກັບຄືນປະເທດໄປເຂົ້າຮ່ວມວຽກງານຕ້ອນຮັບພວກເພິ່ນຄືກັນ.ສະນັ້ນ,ໃນເວລາຂ້າພະເຈົ້າເຮັດວຽກຢູ່ລາວ3ປີ,ໄດ້ກັບຄືນປະເທດຊາດຫຼາຍເທື່ອ.ໃນຄາວນັ້ນ,ມີໄລຍະໜຶ່ງມີຍົນບິນຈາກວຽງຈັນຫາປັກກິ່ງໂດຍກົງ,ແມ່ນຍົນຂອງບໍລິສັດການບິນນານຟ່າງ.ພາຍຫຼັງມາ,ຈົນພະນັກງານໃນໜ່ວຍການບິນເທິງຍົນຈື່ຂ້າພະເຈົ້າ,ຄັນຂຶ້ນຍົນເທື່ອໃດ,ພວກເຂົາເຈົ້າກໍຖາມຂ້າພະເຈົ້າວ່າ,ທ່ານທູດກັບຄືນ ປະເທດອີກຫວະ?ຂ້າພະເຈົ້າຕອບວ່າ,ແມ່ນແລ້ວ,ເພາະມີໜ້າທີ່,ມີວຽກ,ນີ້ໄດ້ສະແດງໃຫ້ເຫັນວ່າ,ການພົວພັນລະຫວ່າງສອງປະເທດດີຫຼາຍ."
1 2 3 4
|
