|
ການແກ້ໄຂບັນຫາຊາຍແດນລະຫວ່າງຈີນກັບລາວ,ກໍເວົ້າໄດ້ວ່າແມ່ນເລື່ອງທີ່ເປັນໜ້າລະລຶກກວ່າໝູ່ໃນໄລຍະທ່ານຮວງກົວະໄຊເປັນເອກອັກຄະລັດຖະທູດຈີນປະຈຳລາວ,ທ່ານເວົ້າວ່າ,
"ກ່ຽວກັບບັນຫາຊາຍແດນຈີນລາວ,ແຕ່ເລີ່ມເຈລະຈາ,ຮອດຕົກລົງກັນ,ຂີດເສັ້ນຊາຍແດນແລະປັກຫຼັກໝາຍຊາຍແດນ,ໃຊ້ເວລາພຽງແຕ່3ປີເທົ່ານັ້ນກໍ່ເຮັດສຳເລັດທັງໝົດ,ໄວສົມຄວນ.ບໍ່ວ່າຢູ່ໃນໂລກ,ຫຼືວ່າທຽບກັບການແກ້ໄຂບັນຫາຊາຍແດນລະຫວ່າງຈີນກັບປະເທດອື່ນໆແລ້ວ ເວົ້າໄດ້ວ່າແມ່ນໄວຫຼາຍ.ພ້ອມທັງ,ດຳເນີນໄປຢ່າງສະດວກ,ເກືອນວ່າບໍ່ມີການຜິດຖຽງຫຍັງກັນ,ເຖິງຈະມີຄວາມເຫັນຂັດກັນເລັກໜ້ອຍ,ເມື່ອໄດ້ຫາລືກັນແລ້ວ,ກໍ່ແກ້ຕົກໂດຍໄວ.
ປີ1992,ຢູ່ຊາຍແດນຈີນລາວໄດ້ຈັດພິທີເປີດຜ້າປົກຫຼັກໝາຍຊາຍແດນຫຼັກທຳອິດຢ່າງຄຶກຄື້ນ,ຝ່າຍລາວມີຮອງລັດຖະມົນຕີກະຊວງການຕ່າງປະເທດ,ສ່ວນຝ່າຍຈີນກໍມີຮອງເຈົ້າແຂວງແຂວງຢຸນນານເຂົ້າຮ່ວມ,ຂ້າພະເຈົ້າກັບເອກອັກຄະລັດຖະທູດລາວປະຈຳຈີນໃນຄາວນັ້ນກໍ່ໄດ້ເຂົ້າຮ່ວມພິທີ.ໝົດທຸກຄົນດີໃຈຫຼາຍ,ຕຶ້ນເຕັ້ນຫຼາຍ,ເພື່ອນລາວເວົ້າວ່າ,ຈີນກັບລາວແກ້ໄຂບັນຫາຊາຍແດນໄດ້ຢ່າງສະດວກປານນີ້ແລະໄວປານນີ້,ຄວນເວົ້າວ່າແມ່ນແບບຢ່າງອັນດີງາມ."
ແມ່ນແທ້,ການແກ້ໄຂບັນຫາຊາຍແດນຈີນລາວໄດ້ສ້າງແບບຢ່າງແກ້ໄຂບັນຫາຊາຍແດນລະຫວ່າງຊາດດ້ວຍການເຈລະຈາກັນໂດຍສັນຕິ.ຫຼັກໝາຍຊາຍແດນທີ່ຕັ້ງຢູ່ຕາມຊາຍແດນຮ່ວມກັນທີ່ຍາວ500ກິໂລແມັດລະຫວ່າງຈີນກັບລາວນັ້ນ,ຄືກັນສາຍໂບສີທີ່ສອດຮ້ອຍມິດຕະພາບລະຫວ່າງປະຊາຊົນຈີນກັບປະຊາຊົນລາວ,ແລະກໍຄືກັບອະນຸສອນທີ່ເປັນສັກຂີພິຍານຢືນຢັນການພົວພັນອັນສັນຕິ,ລັນຖະວະໄມຕີແລະໜັກແໜ້ນທີ່ຊາວໂລກຍ້ອງຍໍສໍລະເສີນລະຫວ່າງສອງຊາດຈີນລາວ.
ທ່ານຈ້າວເຈຍຮວາ ທີ່ໄດ້ບຳນານແລ້ວ ແມ່ນເອກອັກຄະລັດຖະທູດຈີນປະຈຳລາວແຕ່ເດືອນພະຈິກປີ1995ຮອດເດືອນທັນວາປີ2000.ການດຳລົງຕຳແໜ່ງ5ປີຢູ່ລາວ,ເຮັດໃຫ້ທ່ານກາຍເປັນເອກອັກຄະລັດຖະທູດຈີນທີ່ປະຈຳຢູ່ລາວດົນກວ່າໝູ່ນັບມາຮອດດຽວນີ້.ທຳມະດາແລ້ວ,ອາຍຸຕຳແໜ່ງຂອງເອກອັກຄະລັດຖະທູດແມ່ນ2ປີຫຼື3ປີ,ເປັນຫຍັງທ່ານຈ້າວເຈ່ຍຮວາຈື່ງໄດ້ປະຈຳຢູ່ລາວຕັ້ງ5ປີ?ທ່ານບອກວ່າ:
"ເປັນຫຍັງ ຂ້າພະເຈົ້າຈື່ງບໍ່ໄດ້ກັບຄືນປະເທດຕາມກຳນົດ,ທີ່ຈິງ,ໃນຄາວນັ້ນ,ຫົວໃຈຂອງຂ້າພະເຈົ້າບໍ່ສະບາຍປານໃດແລ້ວ,ຂ້າພະເຈົ້າເຄີຍສະເໜີຕໍ່ກະຊວງວ່າ,ຂ້າພະເຈົ້າຕ້ອງກັບເມືອແລ້ວ.ແຕ່ຝ່າຍກະຊວງຕອບວ່າ,ຢ່າຝ້າວກັບເທື່ອ,ຂໍໃຫ້ທ່ານຖ້າຢູ່ລາວກ່ອນ,ຫຼັງຈາກທ່ານປະທານຈ່ຽງເຈີມິນຢ້ຽມຢາມລາວແລ້ວຈິ່ງກັບ.
ແຕ່ວັນທີ11ຫາວັນທີ13ພະຈິກປີ2000,ທ່ານປະທານຈ່ຽງເຈີມິນໄດ້ຢ້ຽມຢາມລາວ,ນີ້ແມ່ນປະມຸກລັດຈີນຢ້ຽມຢາມລາວທາງລັດຖະກິດຄັ້ງທຳອິດ.ແມ່ນເລື່ອງສຳຄັນຫຼາຍ,ໃນໄລຍະຢ້ຽມຢາມ,ສອງປະເທດຈີນລາວຕ່າງໄດ້ລາຍງານຂ່າວຢ່າງຫຼວງຫຼາຍ,ແລະມີເລື່ອງເດັ່ນໆຫຼາຍເລື່ອງ.ກ່ອນທ່ານປະທານຈ່ຽງເຈິມິນຈະອອກເດີນທາງກັບຄືນປະເທດ,ທ່ານເວົ້ານຳຂ້າພະເຈົ້າວ່າ,ທ່ານເພິ່ງພໍໃຈຫຼາຍນຳການຢ້ຽມຢາມເທື່ອນີ້,ການເຄື່ອນໄຫວຈັດໄດ້ດີທີ່ສຸດ,ເຖິງວ່າການຢ້ຽມຢາມມີແຕ່2ມື້ເທົ່ານັ້ນ,ແຕ່ທຸກຢ່າງໄດ້ຈັດວາງແລະດຳເນີນເປັນຢ່າງດີ.ໃນງານລ້ຽງ,ທ່ານປະທານຈ່ຽງເຈິມິນມ່ວນຫຼາຍທັງຮ້ອງເພງທັງຟ້ອນລຳ,ແມ່ນບໍ່ສູ້ເຫັນໃນເວລາເພິ່ນໄປຢາມຕ່າງປະເທດ.ທ່ານປະທານຄຳໄຕກໍເພິ່ງພໍໃຈຫຼາຍ,ກ່ອນຂ້າພະເຈົ້າຈະພົ້ນຕຳແໜ່ງກັບຄືນປະເທດ,ຂ້າພະເຈົ້າໄດ້ໄປຢາມທ່ານປະທານຄຳໄຕເພື່ອອຳລາໃນເວລາໂອ້ລົມກັນ,ເພິ່ນໄດ້ເວົ້າເຖິງເລື່ອງທ່ານປະທ່ານຈ່ຽງເຈິມິນຢ້ຽມຢາມໂດຍຕະຫຼອດ."
ທ່ານຈ່ຽງເຈີມິນ ປະທານປະເທດຈີນຢ້ຽມຢາມລາວທາງລັດຖະກິດໃນຄາວນັ້ນ ມີຄວາມໝາຍເປັນຫຼັກໝາຍທາງໃນປະຫວັດການພົວພົນສອງຝ່າຍຈີນລາວ.ໃນໄລຍະຢ້ຽມຢາມ,ສອງປະເທດໄດ້ປະກາດ"ຖະແຫຼງການຮ່ວມ"ກ່ຽວກັບການຮ່ວມມືສອງຝ່າຍ,ໄດ້ຕົກລົງຂະຫຍາຍການພົວພັນຮ່ວມມືຮອບດ້ານທີ່ໝັ້ນຄົງຍາວນານ,ມີໄມຕິຈິດຖານບ້ານໃກ້ເຮືອນຄຽງແລະໄວ້ເນື້ອເຊື່ອໃຈເຊິ່ງກັນແລະກັນ.
ການຢ້ຽມຢາມດ້ວຍຄວາມຈິງໃຈເທື່ອນັ້ນ,ໄດ້ສະແດງໃຫ້ເຫັນຜັງວາດອັນດີງາມຂອງການຮ່ວມມືລະຫວ່າງຈີນກັບລາວໃນອະນາຄົດ.ທ່ານລີວຢົງຊີ່ງ ເອັກອັກຄະລັດຖະທູດຈີນປະຈຳລາວໃນປັດຈຸບັນໄດ້ຕີລາຄາຕໍ່ການພົວພັນລະຫວ່າງຈີນກັບລາວໃນປັດຈຸບັນດັ່ງນີ້ວ່າ:
1 2 3 4
|
