|
ໃນ10ປີມານີ້,ມິດຕະພາບອັນເປັນມູນເຊື້ອແລະການພົວພັນຮ່ວມມືຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງສອງປະເທດໄດ້ຂະຫຍາຍຕົວຢ່າງແຂງແຮງ,ຄວາມໄວ້ເນື້ອເຊື່ອໃຈກັນທາງການເມືອງລະຫວ່າງສອງປະເທດກໍເລິກເຊິ່ງກວ່າເກົ່າ,ການແລກປ່ຽນແລະຮ່ວມມືລະຫວ່າງສອງຝ່າຍໃນຂົງເຂດການເມືອງ ເສດຖະກິດການຄ້າ ການທະຫານແລະວັດທະນະທຳການສຶກສາເປັນຕົ້ນໄດ້ເພີ່ມທະວີຂຶ້ນເລື່ອຍໆ,ຄວນເວົ້າວ່າ,ການພົວພັນລະຫວ່າງຈີນລາວໃນປະຈຸບັນ,ພວມຢູ່ໃນໄລຍະປະຫວັດສາດທີ່ດີກວ່າຍາມໃດໝົດ,ແລະກໍ່ແມ່ນໄລຍະທີ່ມີອະນາຄົດພັດທະນາດີທີ່ສຸດ.
ພາຍໃຕ້ທ້ອງຟ້າທີ່ມິດງຽບ,ປະຊາຊົນສອງປະເທດໄດ້ດຳລົງຊີວິດຢ່າງຜາສຸກ,ມີໄມຕີຈິດຕໍ່ກັນ,ຕ່າງຊ່ອຍເຫລືອກັນ,ເກາະແຂນກັນກ້າວໄປຫນ້າ.ຊາວຫນຸ່ມທີ່ຕາງຫນ້າໃຫ້ແກ່ອະ ນາຄົດຂອງປະເທດທັງສອງກໍ່ໄດ້ຂຽນຫນ້າໃຫມ່ແຫ່ງມິດຕະພາບລະຫວ່າງຈີນລາວດ້ວຍຄວາມກະຕືລືລົ້ນຂອງພວກເຂົາເຈົ້າ.ຕັ້ງແຕ່ປີ2002ເປັນຕົ້ນມາ,ໄດ້ມີຊາວໜຸ່ມຜູ່ອາສາສະ ໝັກຈີນ50ກວ່າຄົນໄປຮັບໃຊ້ຢູ່ຮາກຖານລາວໂດຍແບ່ງອອກເປັນ5ງວດ.ນາງຟ່າງໝິນແມ່ນນັກຂ່າວຫນັງສືພິມເຈຍຟ້າງຢື້ປ້າວຂອງນະຄອນຊຽງໄຮ້,ນາງຫນຸ່ມນ້ອຍໜ້າຕາ ສວຍງາມ ມີນິດໄສເບີກບານລະເຕັມໄປດ້ວຍຄວາມຫ້າວຫັນ.
ນາງຟ່າງໝິນແມ່ນໄປເຮັດວຽກອາສາສະຫມັກຢູ່ລາວໃນນາມເປັນສະມາຊິກກອງອາສາສະຫມັກຂອງຊາວຫນຸ່ມຈີນງວດທີສີ່ແຕ່ເດືອນພະຈິກປີ2004ຫາເດືອນພຶດສະພາປີ2005.ໃນເວລາສຳພາດ,ນາງຟ່າງໝິນບອກນັກຂ່າວວ່າ,ເຖິງວ່າກັບມາແຕ່ລາວໄດ້ປີຫນຶ່ງແລ້ວ,ແຕ່ຊີວິດຢູ່ລາວເປັນເວລາເຄິ່ງປີຍັງປະທັບໃນຄວາມຊົງຈຳຂອງນາງຢ່າງຈິງໃຈ,ເມື່ອຫວນຄຶດເທື່ອໃດກໍ່ເຮັດໃຫ້ນາງມີຄວາມຮູ້ສຶກອັນສັບສົນທີ່ສຸດ.ໃນເຄິ່ງປີນັ້ນ,ນາງໄດ້ສອນນັກ ຮຽນຫ້ອງຫນຶ່ງເປັນປະຈຳ,ໄດ້ມີຄວາມຮັກແພງຢ່າງເລິກເຊິ່ງກັບນັກຮຽນ20ກວ່າຄົນ.ຈົນຮອດດຽວນີ້ນາງຍັງໄດ້ຕິດຕໍ່ພົວພັນກັບນັກຮຽນຂອງນາງແລະຫມູ່ເພື່ອນທີ່ຮູ້ຈັກກັນຢູ່ລາວ, ບາງເທື່ອໂທລະສັບ,ບາງເທື່ອສົ່ງອີເມຣຖາມຂ່າວຄາວກັນ.ນາງເວົ້າວ່າ:"ຂ້ອຍຄິດຮອດຄິດເຖິງນັກຮຽນຂອງຂ້ອຍຫລາຍ,ຄືຢຸດ ສິງຄຳແລະອຸນາລິນ,ພວກນ້ອງຫນ້າຮັກຫລາຍ.ຂ້ອຍໄດ້ຮັບປາກວ່າ,ເມື່ອຂ້ອຍທ້ອນເງິນໄດ້ແລ້ວກໍ່ຈະໄປຢາມພວກເຂົາເຈົ້າຢູ່ລາວອີກ."
ໃນໄລຍະຢູ່ລາວ,ນາງຟາງມີນໄດ້ຖ່າຍຮູບຢ່າງຫລວງຫລາຍໃນນາມເປັນນັກຂ່າວ,ແລະໄດ້ຂຽນຂ່າວ ຂຽນບົດພິມລົງຫນັງສືພິມຊາວໜຸ່ມ ຫນັງສືພິມເຈຍຟ້າງຢື້ປ້າວຂອງຊຽງໄຮ້ແລະວາລະສານຜູ່ທ່ອງທ່ຽວ,ເມື່ອກ່າວເຖິງເລື່ອງເຫຼົ່ານີ້,ນາງບອກວ່າ:"ດຽວນີ້,ເມື່ອເປີດເບິ່ງການບັນທຶກເຫລົ່ານີ້ເທື່ອໃດ,ຂ້ອຍກໍ່ຄຶດຮອດພວກເພິ່ນທີ່ສຸດ.ເຄິ່ງປີຢູ່ລາວລືມຍາກຫຼາຍ,ຖ້າຄາວນັ້ນຂ້ອຍບໍ່ໄດ້ສະໝັກໄປລາວ,ຂ້ອຍຄິດວ່າມັນຈະເປັນເລື່ອງທີ່ຂ້ອຍກິນແໜງສຸດຊົ່ວ.
ແມ່ນແທ້,ຖ້າບໍ່ໄດ້ໄປລາວ,ນາງຟາງມີນກໍ່ຈະພາດຄວາມສຸກໃນຊີວິດຂອງນາງ.ນາງບອກນັກຂ່າວວ່າ:"ປີນີ້ແມ່ນປີຫນຶ່ງທີ່ສຳຄັນທີ່ສຸດໃນຊີວິດຂອງຂ້ອຍ,ເພາະວ່າ,ອາທິດນີ້ຂ້ອຍຫາກໍ່ໄປຈົດທະ ບຽນສົມລົດ.ສາມີຂອງຂ້ອຍກໍ່ມີສາຍແນນກັບລາວທີ່ສຸດ.ຂ້ອຍໄດ້ຮູ້ຈັກກັບເພິ່ນ,ເມື່ອເດືອນສິງຫາປີ2004,ໃນເວລານັ້ນ,ຂ້ອຍໄປສະຫມັກເຂົ້າຮ່ວມກອງອາສາສະໝັກໄປລາວງວດທີສີ່,ເພິ່ນແມ່ນຫົວຫນ້າກອງໂຄສະນາຂອງຄະນະຊາວຫນຸ່ມກອມມູນິດນະຄອນຊຽງໄຮ້,ແມ່ນຜູ່ຮັບຜິດຊອບໂຄງການຮັບສະໝັກເທື່ອນັ້ນ.ໃນເວລານັ້ນ,ພວກເຮົາໄດ້ຮູ້ຈັກກັນ.ພາຍຫຼັງມາ,ໃນໄລຍະຂ້າພະເຈົ້າຢູ່ລາວ,ພວກເຮົາໄດ້ໂທລະສັບຕິດຕໍ່ກັນເລື່ອຍໆ,ດົນແລ້ວກໍ່ຄ່ອຍໆມີຄວາມຮັກແພງກັນ.ອາດເວົ້າໄດ້ວ່າ,ຖ້າບໍ່ແມ່ນຂ້ອຍອາສາສະໝັກໄປລາວ,ຂ້ອຍກໍ່ບໍ່ຮ່ອນຈະຮູ້ຈັກກັບສາມີຂ້ອຍ.ດຽວນີ້ຂ້ອຍຮູ້ສຶກມີຄວາມສຸກຫາອັນປຽບບໍ່ໄດ້,ຈົນເພີນຈິດເພີນໃຈທີ່ສຸດ.
ໃນວັນອັນມີຄວາມໝາຍນີ້,ພວກເຮົາຈົ່ງມາຜູກແຂນສູ່ຫຂວັນໃຫ້ຜົວແກ້ວເມຍແຫວນຄູ່ນີ້,ອວຍພອນໃຫ້ພວກເຂົາເຈົ້າຈົ່ງມີຄວາມສຸກ,ເໝືອນກັບອວຍພອນໃຫ້ປະຊາຊົນສອງຊາດຈີນລາວທີ່ຕ່າງອີງອາໃສກັນຢ່າງຜາສຸກຈົນເທົ່າໃດໆ;ໃນມື້ສັນວັນດີນີ້,ພວກເຮົາຈົ່ງຍົກຈອກອວຍພອນໃຫ້ຊາວໜຸ່ມຄູ່ນີ້ຈົ່ງຮັກກັນຊົ່ວກາລະນານ,ເໝືອນກັບມິດຕະພາບຈີນລາວຈົ່ງໝັ້ນຄົງຂະໜົງແກ່ນຊົ່ວຟ້າດິນສະຫຼາຍ.
1 2 3 4
|
