|
(ທ່ານຈູມີງ)
ປະຈຸບັນ ທ່ານຈູມິງ ນັກແກະສະຫລັກທີ່ມີຊື່ສຽງຂອງໄຕ້ຫວັນກຳລັງຈັດງານວາງສະແດງຮູບຄວັດທາຍຈີຂອງທ່ານຢູ່ຫໍວິຈິດຕະກຳຈີນທີ່ປັກກິ່ງ.ໃນວົງການຄວັດແກະສາກົນ, ທ່ານຈີມິງແມ່ນນັກແກະສະຫລັກຊາວຈີນຜູ່ຫນຶ່ງທີ່ດີເດັ່ນກວ່າຫມູ່ໃນສູ່ມື້ນີ້,ນີ້ແມ່ນທ່ານຈັດງານວາງສະແດງຢູ່ປັກກິ່ງເປັນຄັ້ງ ທຳອິດ. ງານວາງສະແດງໄດ້ພາໃຫ້ວົງການວິຈິດຕະກຳແລະຜູ່ຊົມຢູ່ແຜ່ນດິນໃຫຍ່ປະເທດຊາດສົນໃຈນຳທີ່ສຸດ,ນັກຂ່າວວິທະຍຸ CRI ພວກເຮົາໄດ້ສຳພາດທ່ານຈູມິງໂດຍຈຳເພາະ.
ເທື່ອນີ້,ທ່ານຈູມິງໄດ້ວາງສະແດງຜົນງານ 60 ກວ່າເຄື່ອງໃນຜົນງານລະບົບທາຍຈີ ເຊິ່ງເປັນຜົນງານທີ່ມີຊື່ສຽງກວ່າຫມູ່ຂອງທ່ານ.ໃນນັ້ນ, ລວມ ທັງຜົນງານໄມ້ຄວັດທາຍຈີທີ່ທ່ານຄວັດແກະໃນຊຸມປີ 70 ສະຕະວັດແລ້ວນີ້,ແລະຮູບຄວັດປະຕູໂຂງທາຍຈີທີ່ຄວັດດ້ວຍທອງສຳລິດໃນປີ 2000 ເຊິ່ງເປັນຜົນງານທີ່ໄດ້ຮັບຄວາມນິຍົມຢ່າງກວ້າງຂວາງ.
(ຜົນງານແກະສະຫລັກລະບົບທາຍຈີ)
ເຖິງວ່ານີ້ແມ່ນທ່ານຈູມິງຈັດງານວາງສະແດງຢູ່ແຜ່ນດິນໃຫຍ່ຈີນເປັນ ຄັ້ງທຳອິດກໍ່ຕາມ, ແຕ່ຊື່ຂອງທ່ານໄດ້ຖືກວົງການວິຈິດຕະກອນແຜ່ນດິນໃຫຍ່ປະເທດຊາດຄຸ້ນຫູມາແຕ່ດົນແລ້ວ.ທ່ານຟານດີອານ ຫົວຫນ້າຫໍວິຈິດຕະກຳຈີນເວົ້າວ່າ:
ທ່ານຈູມິງແມ່ນວິຈິດຕະກອນທີ່ໄດ້ປະກອບສ່ວນອັນພົ້ນເດັ່ນເຂົ້າໃນດ້ານສິນລະປະແກະສະຫລັກ ເຊິ່ງຜົນງານຂອງທ່ານມີຮູບຊົງຍຸກປະຈຸບັນທີ່ມີເອກະລັກທັງມີຄວາມຫມາຍວັດທະນະທຳຝ່າຍຕາເວັນອອກ.ຜົນງານໃນງານວາງສະແດງເທື່ອນີ້ແມ່ນຜົນງານລະບົບສຳຄັນທີ່ສຸດຂອງທ່ານຈູມິງ,ເພາະວ່າຜົນງານລະບົບທາຍຈີທັງເປັນຮູບປະທຳທັງເຕັມໄປດ້ວຍນາມມະທຳ,ເຂັ້ມຂຸ້ນໄປດ້ວຍສີສັນປະດິດສ້າງທີ່ມີເອກະລັກຂອງທ່ານຈູມິງທີ່ຄົນກັບທຳມະຊາດເປັນເອກະພາບກັນ.
1 2 3 4
|
