|
|
 |
| (GMT+08:00)
2006-05-11 17:55:38
|
 |
|
ກຳແພງຍັກຈີນ
cri
Author: da
|
ປະຊາຊົນຈີນຖືກຳແພງຍັກເປັນສິ່ງເອກອ້າງທະນົງຕົວຂອງຊາດຕົນ,ກຳແພງຍັກແມ່ນໜຶ່ງໃນບັນດາກິດຈະການທີ່ຍິ່ງໃຫຍ່ກວ່າໝູ່ໃນປະຫວັດມະນຸດເຮົາ,ຕັ້ງເຈືອລະເນືອກັນຢູ່ບົນດິນແດນພາກເໜືອຂອງຈີນຢ່າງລະອິດລະອ້ຽວ.ກຳແພງຍັກແມ່ນມໍລະດົກວັດທະນະທຳໂລກທີ່ມີຄວາມໝາຍວັດທະນະທຳອັນອຸດົມສົມບູນ,ທັງແມ່ນພາບວິວທິວທັດທຳມະຊາດທີ່ມີເອກະລັກ.
 ກຳແພງຍັກເລີ່ມກໍ່ສ້າງໃນສະໄໝຍຸດທະຈັກຊຸ່ນຊິ່ວຂອງຈີນເມື່ອ 2000 ກວ່າປີກ່ອນ,ເປັນກິດຈະການປ້ອງກັນໃນສະໄໝບູຮານທີ່ໃຊ້ເວລາກໍ່ສ້າງຍາວນານກວ່າໝູ່ແລະມີຂະໜາດໃຫຍ່ກວ່າໝູ່ໃນໂລກ.ກ່ອນຄ.ສ.ປີ 221,ພາຍຫຼັງສິນສືຮວງເຕ້ໂຮມຈີນເຂົ້າເປັນເອກະພາບກັນແລ້ວ,ໄດ້ເຊື່ອມຕໍ່ກຳແພງຍັກຂອງບັນດາລັດ.ເມື່ອຮອດລາຊະວົງຮັ້ນຢູ່ລະຫວ່າງກ່ອນແລະຫຼັງຄິດຕະສັງກາດ,ກຳແພງຍັກໄດ້ຍາວເຖິງ 1 ໝື່ນກິໂລແມັດທີ່ບໍ່ເຄີຍມີມາກ່ອນ.ຍ້ອນໄດ້ຜ່ານເວລາດົນນານ,ກຳແພງຍັກທີ່ສ້າງຂຶ້ນຢູ່ລາຊະວົງຕ່າງໆໃນສະໄໝບູຮານສ່ວນຫຼາຍໄດ້ເພພັງແລ້ວ,ກຳແພງຍັກຕອນຂ້ອນຂ້າງຄົບຖ້ວນທີ່ຖືກຮັກສາໄວ້ໃນປະຈຸບັນ ແມ່ນກຳແພງຍັກທີ່ສ້າງຂຶ້ນໃນສະໄໝລາຊະວົງມິງຂອງຈີນເມື່ອ 700 ປີກ່ອນ.
ຄັນຊັ້ນ,ກິດຈະການກໍ່ສ້າງທີ່ຍິ່ງໃຫຍ່ນີ້,ແມ່ນໃຜເປັນຜູ້ກໍ່ສ້າງ?ທ່ານຕົງຢ້ຽວຫຸ່ຍ ເລຂາທິການໃຫຍ່ສະມາຄົມກຳແພງຍັກຈີນ ເຊິ່ງເປັນອົງການຄົ້ນຄວ້າແລະປົກປັກຮັກສາກຳແພງຍັກແນະນຳວ່າ:
"ຜູ້ກໍ່ສ້າງກຳແພງຍັກ ຕົ້ນຕໍມີສາມພາກສ່ວນ,ພາກທີໜຶ່ງແມ່ນທະຫານ,ເພາະວ່າ,ການສ້າງກຳແພງຍັກແມ່ນການກະທຳແຫ່ງຊາດ,ກອງ ທັບແມ່ນອົງປະກອບຕົ້ນຕໍຂອງຜູ້ກໍ່ສ້າງ;ພາກທີສອງແມ່ນຄົນງານທີ່ຖືກເກນມາ;ພາກທີສາມແມ່ນນັກໂທດທີ່ຖືກເນລະເທດໄປຢູ່ເຂດຊາຍແດນ."
1 2 3 4
|
|
|
