|
|
 |
| (GMT+08:00)
2006-05-11 17:55:38
|
 |
|
ກຳແພງຍັກຈີນ
cri
Author: da
 ກິດຈະການຕົ້ນຕໍຂອງກຳແພງຍັກແມ່ນກໍ່ສ້າງຕາມພູມສັນຖານ,ສ່ວນຫຼາຍແມ່ນສ້າງຢູ່ພູສູງຜາຊັນຫຼືທົ່ງພຽງທີ່ອັນຕະລາຍກັນດານ,ຈັ່ງຊີ້ຈຶ່ງມີ ບົດບາດປ້ອງກັນຂ້ອນຂ້າງດີ.ຢູ່ເທິງກຳແພງຍັກ,ທັງໄດ້ສ້າງປ້ອມສັງເກດແລະປະພາຄານຫຼວງຫຼາຍ.ນາຍແລະພົນທະຫານທີ່ເຝົ້າຮັກສາຢູ່ເທິງກຳແພງຍັກ,ອາໄສກຳແພງທີ່ສູງໃຫຍ່ໝັ້ນແກ່ນ,ຕີໂຕ້ສັດຕູທີ່ມາລ່ວງລ້ຳ;ຕາບໃດມີສັດຕູຫຼວງຫຼາຍເຂົ້າຮຸກຮານແລ້ວ,ທະຫານຢູ່ເທິງກຳແພງຍັກກໍຈະຈູດໄຟສັນຍານ,ແຈ້ງຂ່າວໃຫ້ຊາບກັນ,ຮ້ອງຂໍກອງທະຫານມາຊ່ອຍໜູນ.ຕັ້ງແຕ່ກຳແພງຍັກກໍ່ສ້າງຂຶ້ນເປັນຕົ້ນມາ,ບັ້ນລົບນ້ອຍໃຫຍ່ທີ່ສູ້ກັນເອົາເປັນເອົາຕາຍກໍໄດ້ເກີດຂຶ້ນຢູ່ໃຕ້ຕີນກຳແພງຢ່າງບໍ່ຢຸດຢັ້ງ.
ປະຈຸບັນ,ກຳແພງຍັກບໍ່ມີບົດບາດທີ່ເປັນສິ່ງກໍ່ສ້າງທາງການທະຫານແລ້ວ,ຫາກເປັນສະຖານີບູຮານທີ່ມີຊື່ສຽງ.ຄວາມສະຫງ່າຜ່າເຜີຍແລະຄວາມສູງຊັນກັນດານຂອງກຳແພງຍັກ,ໄດ້ດຶງດູດແຂກທ່ອງທ່ຽວຂອງຈີນແລະຕ່າງປະເທດນັບເປັນລ້ານເປັນໂກດມາທ່ຽວຊົມຄູ່ປີ.
ໃນບັນດາພາບວິວທິວທັດຂອງກຳແພງຍັກ,ຕອນຢູ່ປັກກິ່ງແມ່ນສະຫງ່າງາມທີ່ສຸດແລະໝັ້ນແກ່ນທີ່ສຸດ.ເພາະວ່າ ກຳແພງຍັກຕອນນີ້ມີໜ້າທີ່ສຳຄັນທີ່ສຸດທີ່ປົກປັກຮັກສາລາຊະທານີແລະສຸສານເຈົ້າຊີວິດ.ດຽວນີ້,ກຳແພງຍັກຕອນປາຕາຫຼິງ ຕອນມູ້ທຽນອີ້ແລະຕອນສື່ມາໄທທີ່ຢູ່ຊານເມືອງປັກກິ່ງ,ໄດ້ກາຍເປັນບ່ອນທ່ອງທ່ຽວກຳແພງຍັກທີ່ມີຊື່ລືນາມກວ່າໝູ່ແລ້ວ.
 ກຳແພງຍັກຕອນຢູ່ເຂດປັກກິ່ງ,ມີຊື່ສຽງທີ່ສຸດແມ່ນ"ກຳແພງຍັກຕອນປ່າຕາຫຼິງ"ທີ່ຢູ່ພາກເໜືອຂອງນະຄອນຫຼວງປັກກິ່ງ.ຢູ່ຕອນນີ້ ກຳແພງຍັກໝັ້ນແກ່ນທີ່ສຸດ,ທັງຖືກຮັກສາໄວ້ດີກວ່າໝູ່,ເປັນບ່ອນເໝາະປີນຂຶ້ນກຳແພງຍັກ."ກຳແພງຍັກຕອນປ່າຕາຫຼິງ"ສ້າງຕາມສັນພູ,ບາງບ່ອນສູງບາງບ່ອນຕ່ຳ,ສ່ວນຫຼາຍແມ່ນກໍ່ສ້າງດ້ວຍຫີນກ້ອນໃຫຍ່,ສະເລ່ຍແລ້ວ ກຳແພງສູງ ປະມານ 8 ແມັດ.ຢູ່ເທິງກຳແພງ 200 ແມັດໃດກໍມີປ້ອງສັງເກດແຫ່ງໜຶ່ງ.
1 2 3 4
|
|
|
