|
|
 |
| (GMT+08:00)
2006-05-11 17:55:38
|
 |
|
ກຳແພງຍັກຈີນ
cri
Author: da
ນາງເຮເລນນາ ສາວຝຣັ່ງອາຍຸ 22 ປີ,ລາວມາທ່ອງທ່ຽວ"ກຳແພງຍັກຕອນປ່າຕາຫຼິງ"ຫຼາຍເທື່ອແລ້ວ.ນາງເວົ້າວ່າ,ນາງຈະບໍ່ລືມຄວາມຮູ້ສຶກຂອງຕົນໃນເວລາປີນຂຶ້ນກຳແພງຍັກເທື່ອທຳອິດ.ນາງເວົ້າວ່າ:
"ມື້ນັ້ນຈັ່ງແມ່ນເຮັດໃຫ້ເຮົາລືມຍາກແທ້,ກຳແພງຍັກໃນສາຍຕາເຮົາເຈືອລະເນືອກັນໄປທາງໄກຕາມສັນພູທີ່ສູງຊັນ,ຢູ່ສອງຢາກກຳແພງເຕັມໄປດ້ວຍຕົ້ນໄມ້ທີ່ຂຽວອຸ່ມທຸ່ມ,ຈັ່ງແມ່ນງາມແທ້ງາມວ່າງ.ສິ່ງທີ່ເຮັດໃຫ້ເຮົາກະຕຸ້ນໃຈທີ່ສຸດນັ້ນແມ່ນ,ພວກເຮົາປີນຂຶ້ນກຳແພງຍັກຕາມຂັ້ນໄດຫີນ,ເຖິງວ່າອອກເຫື່ອເທແຮງເມື່ອຍຫຼາຍ,ແຕ່ວ່າພວກເຮົາໄດ້ເຫັນທິວທັດທີ່ສວຍງາມສຸດຂະໜາດ."
 ຈາກ"ກຳແພງຍັກຕອນປ່າຕາຫຼິງ"ໄປທິດຕາເວັນອອກ,ກໍແມ່ນ"ກຳແພງຍັກຕອນມູ້ທຽນອີ້"ແລ້ວ.ແຫ່ງນີ້ ກຳແພງຍັກຖືກຮັກສາໄວ້ອ່າວຄົບຖ້ວນເຊັ່ນດຽວກັນ.ຢູ່ເທິງ"ກຳແພງຍັກຕອນມູ້ທຽນອີ້",ມີຫໍສາມຫຼັງຕິດກັນ,ນີ້ແມ່ນທິວທັດພຽງແຫ່ງດຽວໃນຕະຫຼອດກຳແພງຍັກ.ນອກນີ້, "ກຳແພງຍັກຕອນມູ້ທຽນອີ້"ຍັງມີຈຸດພິເສດອັນໜຶ່ງ,ນັ້ນກໍແມ່ນປ່າໄມ້ຢູ່ແຫ່ງນີ້ດົກໜາຫຼາຍ,ໂດຍສະເພາະໃນລະດູບານໃໝ່,ຈະໄດ້ເຫັນດອກໄມ້ນານາສີບານເຮືອງເຮື່ອ,ປະກອບເປັນພາບວິວທິວທັດທີ່ຈັບສາຍຕາຄົນທີ່ສຸດ.
ຈາກ"ກຳແພງຍັກຕອນມູ້ທຽນອີ້"ໄປທິດຕາເວັນອອກອີກ,ກໍໄດ້ໄປຮອດ"ກຳແພງຍັກຕອນສື່ມາໄທ".ຢູ່ແຫ່ງນີ້ມີຈຸດພິເສດອັນໜຶ່ງກໍແມ່ນພູສູງຜາຊັນເປັນພິເສດ,ຄືຈັ່ງວ່າກຳແພງຍັກແມ່ນກໍ່ສ້າງຂຶ້ນຢູ່ເທິງມີດເປັນດວງດວງ,ລະດັບສູງຊັນອັນຕະລາຍກວ່າຕອນອື່ນໆຂອງກຳແພງຍັກຕະຫຼອດສາຍ.
1 2 3 4
|
|
|
