|
|
 |
| (GMT+08:00)
2006-05-11 17:55:38
|
 |
|
ກຳແພງຍັກຈີນ
cri
Author: da
 ນອກຈາກນີ້ແລ້ວ,ກຳແພງຍັກຕອນທີ່ມີຊື່ສຽງຢູ່ເຂດປັກກິ່ງຍັງມີຫຼາຍແຫ່ງ,ເຊັ່ນ"ກຳແພງຍັກຕອນຈູ່ຢົ່ງກວ່ນ"ທີ່ກໍ່ສ້າງຢູ່ລະຫວ່າງພູສອງໜ່ວຍ,"ກຳແພງຍັກຕອນຮວງຮ່ວາເສີງ"ເບື້ອງໜຶ່ງມີແມ່ນ້ຳບຶງໜອງທີ່ງາມປານສາວນ້ອຍ,ພວກມັນຕ່າງມີຈຸດພິເສດຂອງຕົນ,ເປັນໜ້າທ່ຽວຊົມແທ້ໆ.
ທ່ານຜູ້ຟັງທີ່ໂຄລົບ,ກຳແພງຍັກບໍ່ພຽງແຕ່ແມ່ນສິ່ງກໍ່ສ້າງທີ່ຍິ່ງໃຫຍ່ທໍ່ນັ້ນ,ຫາກຍັງແມ່ນສັກຂີພິຍານຂອງປະຫວັດສັງຄົມຈີນໃນ 2000 ກວ່າປີມານີ້.ບາງຄົນເວົ້າວ່າ,ກຳແພງຍັກແມ່ນສັນຫຼັງຂອງປະຊາຊາດຈີນ,ເວົ້າສຳລັບປະຊາຊົນຈີນແລ້ວ,ກຳແພງຍັກເປັນຕົວແທນໃຫ້ແກ່ນ້ຳໃຈຊາດຂອງປະຊາຊາດຈີນ.ທ່ານໄລ້ປາວເຈ່ຍ ແຂກທ່ອງທ່ຽວທີ່ມາຈາກໄຕ້ຫວັນເວົ້າວ່າ,ທ່ານທ່ຽວກຳແພງຍັກເທື່ອໃດ,ກໍມີຄວາມເອກອ້າງທະນົງໃຈໃນຖານເປັນຄົນຈີນ.ທ່ານເວົ້າວ່າ:
"ກຳແພງຍັກເປັນຕົວແທນໃຫ້ແກ່ນ້ຳໃຈຊົນຊາດ,ທັງເປັນຕົວແທນໃຫ້ແກ່ສະຕິປັນຍາຂອງຄົນຈີນ.ທ່ານຈະໄດ້ເຫັນສິ່ງກໍ່ສ້າງສະໄໝບູຮານ ທັງຖືກຮັກສາໄວ້ຢູ່ເທິງໂລກຢ່າງສະຫງ່າຜ່າເຜີຍ,ທ່ານບໍ່ມີຄວາມເອກອ້າງທະນົງໃຈຊີໄດ້ຫວ໋າ?"
ທ່ານຜູ້ຟັງທີ່ໂຄລົບ,ສຸພາສິດຈີນເວົ້າວ່າ:"ບໍ່ປີນຂຶ້ນກຳແພງຍັກ ຈະບໍ່ເປັນຄົນເກັ່ງ".ກຳແພງຍັກທີ່ຍາວຢຽດແສນໄກບໍ່ພຽງແຕ່ແມ່ນອະນຸສາວະລີທີ່ຍິ່ງໃຫຍ່ຂອງອະລະຍະທຳແກ່ເກົ່າຂອງຈີນທໍ່ນັ້ນ,ຫາກຍັງແມ່ນມໍລະດົກວັດທະນະທຳໂລກທີ່ປະເສີດລ້ຳຄ່າອີກດ້ວຍ.ຖ້າທ່ານມີໂອກາດ,ຕ້ອງມາທ່ຽວກຳແພງຍັກ,ປີນຂຶ້ນກຳແພງຍັກຊົມເບິ່ງພູຜາແມ່ນ້ຳຂອງຈີນທີ່ສວຍງາມ.
1 2 3 4
|
|
|
