|
(ທ່ານຢວນຊີຄຸນ)
ທ່ານອາດຈະຍັງບໍ່ຮູ້ວ່າ, ໃນຕົວເມືອງທີ່ເຄີຍຈັດງານກິລາໂອລິມປິກທຸກຄັ້ງທີ່ຜ່ານມາ,ລ້ວນແຕ່ເຄີຍຈົ່ງມໍລະດົກໂອລິມປິກຮູບປະທຳທາງດ້ານປະຕິ ມາກຳທີວທັດໄວ້.ປັກກິ່ງໃນຖານເປັນຕົວເມືອງທີ່ຈະຈັດງານກິລາໂອ ລິມປິກປີ 2008, ກໍ່ໄດ້ທຳຄວາມພະຍາຍາມຢ່າງຫລວງຫລາຍໃນດ້ານນີ້,ໃນນັ້ນ ງານປະກວດແຜນການປະຕິມາກຳທີວທັດໂອລິມປິກປັກກິ່ງ ປີ 2008ກໍ່ພວມດຳເນີນຢ່າງສະດວກ.
ຈຸດພິເສດຂອງທ່ານສາສະດາຈານຢວນຊີຄຸນທີ່ຕ່າງກັບຈິດຕະກອນຈີນອື່ນໆນັ້ນແມ່ນ, ທ່ານໄດ້ຮັບນາມມະຍົດເປັນທູດດ້ານການແຕ້ມຮູບຄົນ.ໃນສິບກວ່າປີມານີ້, ທ່ານໄດ້ແຕ້ມຮູບໃຫ້ນັກການເມືອງສາກົນ 152 ທ່ານດແລະໄດ້ຮັບການຢືນຢັນຈາກພວກທ່ານ,ໃນນັ້ນ,ມີທ່ານອານນານ ເລຂາທິການໃຫຍ່ສະຫະປະຊາຊາດ,ທ່ານຊາມາລັນ ອະດີດປະທານຄະນະກຳມະການໂອລິມປິກສາກົນ ທ່ານມານເດລາ ອະດີດປະທານາທິບໍດີອາຟາຣີກາໃຕ້ ທ່ານເຢັນຊິນ ອະດີດປະທານາທິບໍດີຣັດເຊຍ ທ່ານມາຮາເທຍ ອະດີດນາຍົກລັດຖະມົນຕີມາເລເຊຍແລະທ່ານຄິດຊິງເກີ ອະດີດລັດຖະມົນຕີການຕ່າງປະເທດອາເມລິກາເປັນຕົ້ນ.ນອກນີ້, ທ່ານສາສະດາຈານຢວນຍັງໄດ້ຮັບເຊີນປັ້ນຮູບໃຫ້ບຸກຄົນປະຫວັດສາດທີ່ມີຊື່ສຽງໃນໂລກ 50 ກວ່າຄົນ,ຖືກເອີ້ນເປັນທູດແຕ້ມຮູບຄົນຈາກຮູບຫນ້າພຽງຮອດຮູບສາມມິຕິ.
ໃນເວລາໃຫ້ສຳພາດຕໍ່ນັກຂ່າວ,ທ່ານຢວນຊີຄຸນເວົ້າວ່າ, ເລີ່ມແຕ່ປີ 1991ເປັນຕົ້ນມາ, ທ່ານກໍ່ເລີ່ມແຕ້ມຮູບໃຫ້ນັກການເມືອງສາກົນແລະປັ້ນຮູບບຸກຄົນຜູ່ມີຊື່ສຽງໃນປະຫວັດສາດ, ທ່ານມີຄວາມກະຕືລືລົ້ນອັນເຕັມປ່ຽມໃນການປະດິດສ້າງສິນລະປະເຫລົ່ານີ້,ທ່ານຫວັງວ່າຜົນງານຂອງທ່ານບໍ່ພຽງແຕ່ຈະນຳເອົາຄວາມງາມໃຫ້ແກ່ຄົນທັງຫລາຍທໍ່ນັ້ນ,ຫາກຍັງຈະເຮັດໃຫ້ຄົນທັງຫລາຍເຂົ້າໃຈຄວາມຮູ້ເບື້ອງຫລັງວັດທະນະທຳຂອງຜົນງານເຫລົ່ານີ້. ທ່ານເວົ້າວ່າ:
ເປັນຫຍັງຂ້າພະເຈົ້າຈິ່ງຄິດແນວນີ້?ເພາະວ່າ, ເມື່ອຂ້າພະເຈົ້າຍ່າງເລາະຢູ່ໃນສວນອຸທິຍານຊາວຢາງ,ຂ້າພະເຈົ້າໄດ້ເຫັນຄູສອນອະນຸບານໄດ້ພາເດັກນ້ອຍມາເບິ່ງຮູບປັ້ນບຸກຄົນຜູ່ຍິ່ງໃຫຍ່ທີ່ຂ້າພະເຈົ້າວາງສະແດງຢູ່ນອກຫໍສິນລະປະກຳຈີ່ນຖາຍ,ແລະເລົ່າຄຸນງາມຄວາມດີຂອງບຸກຄົນຜູ່ຍິ່ງໃຫຍ່ເຫລົ່ານີ້ສູ່ເດັກນ້ອຍຟັງ,ເພື່ອໃຫ້ຄົນຮຸ່ນຫລັງພວກເຮົາຮູ້ຜົນງານຂອງ ບຸກຄົນຜູ່ຍິ່ງໃຫຍ່ເຫລົ່ານີ້, ນີ້ມີຜົນດີຫລາຍຕໍ່ຄວາມປອງດອງກັນ ຄວາມຮູ້ແລະກຳລັງແຮງຂອງບ້ານຫນ່ວຍໂລກຂອງພວກເຮົາໃນອະນາຄົດ.
1 2 3 4
|
