(ຮູບປັ້ນທີ່ປັ້ນດ້ວຍທ່ານຢວນຊີຄຸນ)
ສວນອຸທິຍານຊາວຢາງທີ່ທ່ານຢວນຊີຄຸນກ່າວມາຂ້າງເທິງນີ້ແມ່ນສວນອຸທິຍານຂະຫນາດໃຫຍ່ທີ່ທັນສະໄຫມແລະໂຮມສູນສັບພະຄຸນວັດທະນະທຳແລະລື່ນເລີງ,ມັນຕັ້ງຢູ່ແຖບການຄ້າທີ່ຄຶກຄັກຢູ່ຊານເມືອງທິດຕາເວັນອອກຂອງນະຄອນປັກກິ່ງ.ຫໍສິນລະປະກຳຈີ່ນຖາຍທີ່ທ່ານທຸລະກິດນັ້ນກໍ່ຕັ້ງຢູ່ໃນສວນທີ່ມິດງຽບດັ່ງກ່າວນີ້, ຫໍສິນລະປະກຳນີ້ປະກອບດ້ວຍສິ່ງກໍ່ສ້າງທັນສະໄຫມແບບທາດປີລະມິດຫ້າຫລັງ.ຜົນງານຢ່າງຫລວງຫລາຍຂອງທ່ານຢວນ ຊີຄຸນກໍ່ວາງສະແດງຢູ່ໃນສວນອຸທິຍານນີ້, ໄດ້ສ້າງສີສັນວັດທະນະທຳໃນລະດັບໃດຫນຶ່ງໃຫ້ແກ່ສວນອຸທິຍານນີ້.
ຫໍສິນລະປະກຳຈີ່ນຖາຍສ້າງຕັ້ງຂຶ້ນເມື່ອປີ 1998,ແມ່ນຫໍພິພິຕະພັນເອກະຊົນທີ່ໃຫຍ່ກວ່າຫມູ່ຂອງຈີນ,ໄດ້ຈັດຕັ້ງການເຄື່ອນໄຫວວັດ ທະນະທຳສາກົນຮ້ອຍກວ່າເທື່ອ.ທ່ານຢວນເວົ້າວ່າ, ທ່ານສ້າງຫໍສິນລະປະກຳຈີ່ນຖາຍຢູ່ໃນສວນອຸທິຍານຊາວຢາງແມ່ນໄດ້ພິຈາລະນາມາແຕ່ດົນ.ທ່ານເຫັນວ່າ, ຢູ່ໃນຖະຫນົນທີ່ມີບັນຍາກາດການຄ້າອັນເຂັ້ມຂຸ້ນແນວນີ້,ໃນຖານເປັນສິນລະປິນຜູ່ຫນຶ່ງ,ທ່ານມີຫນ້າທີ່ຮັບຜິດຊອບປະກອບສ່ວນຂອງຕົນເຂົ້າໃນການກໍ່ສ້າງວັດທະນະທຳຢູ່ແຫ່ງນີ້.
1 2 3 4
|
