|
|
 |
| (GMT+08:00)
2006-05-17 14:52:48
|
 |
|
ທ່ານຢວນຊີຄຸນ ທູດປະຕິມາກຳໂອລິມປິກ
cri
Author: sayvanny
ທ່ານຢວນຊີຄຸນເກີດໃນຄອບຄົບສິນລະປິນໃນຊຸມປີ 40 ສະຕະວັດແລ້ວນີ້.ພໍ່ຂອງທ່ານຊື່ຢວນສຽວເຊີນ,ແມ່ນຈິດຕະກອນທີ່ມີຊື່ສຽງ.ໃນຄາວຍັງຫນຸ່ມ,ທ່ານຢວນຊີຄຸນເຄີຍເປັນຈິດຕະກອນຜູ່ຫນຶ່ງຢູ່ແຂວງຢຸນນານ ພາກຕາເວັນຕົກສຽງໃຕ້ຂອງຈີນ,ແຕ້ມຮູບຄົນທຸກມື້,ດົນຕາມດົນ,ເຮັດໃຫ້ທ່ານສາ ມາດກຳແຫນ້ນຈຸດພິດເສດຂອງຮ່າງກາຍຄົນ.ທ່ານເຫັນວ່າ, ເວລາຕອນນັ້ນມີປະໂຫຍດຫລາຍທີ່ສຸດຕໍ່ຊີວິດຂອງທ່ານ,ໃນຖານເປັນຈິດຕະກອນ, ບໍ່ພຽງແຕ່ຕ້ອງຮູ້ຝີມືແຕ້ມຮູບທໍ່ນັ້ນ,ຍັງຕ້ອງມີຄວາມຮູ້ຕ່າງໆ,ຍິ່ງຕ້ອງມີຄວາມສາມາດສັງເກດສັບພະສິ່ງຂອງຢ່າງສະຫມອງໃສ.
ຮູບແຕ້ມຂອງທ່ານສາສະດາຈານຢວນຊີຄຸນມີຂີດແຕ້ມງ່າຍດາຍ,ແຕ່ມີເນື້ອໃນອຸດົມສົມບູນ,ທ່ານໄດ້ເອົາລົດນິຍົມຂອງຮູບແຕ້ມຈີນເຊື່ອມໂຍງເຂົ້າໃນຮູບແຕ້ມຝ່າຍຕາເວັນຕົກ.ປີ 2000,ທ່ານໄດ້ຈັດງານວາງສະແດງຮູບແຕ້ມສ່ວນບຸກຄົນຢູ່ຕຶກສຳນັກງານໃຫຍ່ສະຫະປະຊາຊາດທີ່ນິວຢອກແລະຫໍພິພິດຕະພັນແບກແລງແຫ່ງເຢຍລະມັນຢ່າງສຳເລັດຜົນ,ໄດ້ພາໃຫ້ເກີດມີປະຕິ ກິລິຍາຢ່າງຮຸນແຮງ,ຮູບແຕ້ມສີນ້ຳມັນທີ່ມີສີສັນຊົນເຜົ່າອັນເຂັ້ມຂຸ້ນທີ່ທ່ານແຕ້ມນັ້ນໄດ້ຖືກບຸກຄົນວິຊາສະເພາະຂອງຝ່າຍຕາເວັນຕົກເອີ້ນເປັນຮູບແຕ້ມສີນ້ຳມັນຝ່າຍຕາເວັນອອກ.ທ່ານຢວນຊີຄຸນເຫັນວ່າ,ໃນຖານເປັນສິນລະປິນ,ບໍ່ຄວນເນັ້ນຫນັກແຕ່ຕົນເອງ,ແລະເຮັດໃຫ້ຕົນເອງພົ້ນເດັ່ນອອກທໍ່ນັ້ນ,ຫາກຍັງຄວນຮູ້ວ່າ,ຄວນເອົາສິນລະປະຂອງຕົນເອງມາຕອບແທນສັງຄົມ, ມີແຕ່ເຮັດແນວນີ້, ຈິ່ງມີຊ່ອງຫວ່າງປະດິດສ້າງໃຫມ່ທີ່ກວ້າງ ຂວາງກວ່າເກົ່າ.
1 2 3 4
|
|
|
