|
(ທ່ານຢວນຊີຄຸນ)
ເພື່ອເຮັດໃຫ້ອຸດົມການຕະຫລອດຊີວິດຂອງຕົນປະກົດຜົນເປັນຈິງ, ທ່ານຢວນຊີຄຸນໄດ້ເຂົ້າຮ່ວມວຽກງານກະກຽມຈັດງານກິລາໂອລິມປິກປັກກິ່ງປີ 2008 ດ້ວຍຄວາມຫ້າວຫັນທີ່ສຸດຂອງສິນລະປິນ,ທ່ານໄດ້ລິເລີ່ມຈັດງານປະກວດແຜນການປະຕິມາກຳທີວທັດໂອລິມປິກປີ 2008 ແລະເປັນຫົວຫນ້າຄະນະກຳມະການງານປະກວດດັ່ງກ່າວ.ທ່ານເຫັນວ່າ, ກິລາໄດ້ກາຍເປັນການເຄື່ອນໄຫວລາຍຫນຶ່ງທີ່ສະແດງໃຫ້ເຫັນຄວາມຈິງແລະຄວາມງາມທີ່ໂດຍກົງກວ່າຫມູ່ແລະທ່ຽງທຳກວ່າຫມູ່,ສິ່ງທີ່ເຮັດໃຫ້ພາລະກິດລາຍນີ້ສືບຕໍ່ໄປນັ້ນກໍ່ແມ່ນຈິດໃຈໂອລິມປິກທີ່ວ່າກິລາບວກກັບວັດທະນະທຳ,ສ່ວນສິ່ງທີ່ທ່ານພວມເຮັດໃນປັດຈຸບັນນີ້ກໍ່ແມ່ນເສີມສ້າງຈິດໃຈໂອລິມປິກດ້ວຍປະຕິມາກຳ.ທ່ານເວົ້າວ່າ:
ງານກິລາໂອລິມປິກປີ 2008 ບໍ່ພຽງແຕ່ແມ່ນຂອງປັກກິ່ງເທົ່ານັ້ນ,ຫາກ ຍັງແມ່ນຂອງມວນຊົນທົ່ວປະເທດຈີນ,ແລະກໍ່ແມ່ນຂອງທົ່ວໂລກອີກດ້ວຍ. ຜ່ານການຈັດງານປະກວດດັ່ງກ່າວເຮັດໃຫ້ມວນຊົນຢູ່ເຂດພາກຕາເວັນຕົກໂດຍສະເພາະແມ່ນຢູ່ຊົນນະບົດອັນໄພສານຂອງປະເທດພວກເຮົາຈະໄດ້ສະເຫວີຍຄວາມມ່ວນຊື່ນຈາກງານໂອລິມປິກ,ເຮັດໃຫ້ໂອລິມປິກຍິ່ງເຜີຍແຜ່ໃຫ້ທົ່ວເຖິງກວ່າເກົ່າ,ແລະລົງເລິກໃຈຄົນກວ່າເກົ່າ,ຜ່ານຈາກການໃຫ້ມວນຊົນພ້ອມກັນເຂົ້າຮ່ວມ, ຮຽກຮ້ອງຄົນທັງຫລາຍດ້ວຍຈິດໃຈວັດທະນະທຳຂອງໂອລິມປິກ, ເຮັດໃຫ້ສັງຄົມຖືກຕ້ອງປອງດອງແລະປອດໃສກວ່າເກົ່າ.
ທ່ານຢວນເວົ້າວ່າ,ງານປະກວດແຜນການປະຕິມາກຳໂອລິມປິກປີ 2008 ເລີ່ມຕົ້ນແຕ່ເດືອນສິງຫາປີ 2005, ລວມໄດ້ຮັບຜົນງານ 2400 ກວ່າເຄື່ອງ,ຜົນງານເຫລົ່ານີ້ແມ່ນປະຕິມາກອນ 1000 ກວ່າຄົນໃນ 84 ປະເທດແລະເຂດແຄວ້ນຂອງຫ້າທະວີບເປັນຜູ່ເຮັດ.ຜົນງານສ່ວນຫລາຍໄດ້ສະແດງໃຫ້ເຫັນເຖີງຈິດໃຈແລະແນວຄິດໂອລິມປິກຢ່າງຮອບດ້ານ, ມີເນື້ອໃນອຸດົມ ສົມບູນ, ທັງມີລີລາຫລາຍຮູບຫລາຍແບບ,ລະດັບສັງລວມຂ້ອນຂ້າງສູງ. ຜົນງານ 300 ກວ່າເຄື່ອງທີ່ໄດ້ຜ່ານການປະກວດນັ້ນໄດ້ຕາງຫນ້າລະດັບລ້ຳ ຫນ້າແລະສະພາບປະຈຸບັນຂອງປະຕິມາກຳຂອງໂລກໃນຂັ້ນພື້ນຖານ.
ທ່ານສາສະດາຈານຢວນຊີຄຸນເວົ້າວ່າ, ການເຄື່ອນໄຫວເທື່ອນີ້ໄດ້ເປັນອຸທາຫອນສອນໃຈແກ່ທ່ານຫລາຍສົມຄວນ,ເຊິ່ງກໍ່ຄືສິນລະປິນຜູ່ໃດຜູ່ຫນຶ່ງສາມາດເຮັດເລື່ອງທີ່ກວ້າງຂວາງກວ່າເກົ່ານອກຈາກສິນລະປະກຳ,ໂດຍສະເພາະແມ່ນຄວນເຂົ້າຮ່ວມການເຄື່ອນໄຫວວັດທະນະທຳແລະພາລະກິດສາ ທາລະນະປະໂຫຍດທີ່ມີຄວາມຫມາຍຍິ່ງເລິກເຊິ່ງດ້ວຍກຳລັງວັງຊາຫລາຍ ກວ່າເກົ່າ.
1 2 3 4
|
