|
ນາງລູຢ້ຽນແມ່ນຄົນຝ່າຍຕາເວັນອອກພຽງຄົນດຽວໃນບັນດາກຳມະ ການປະກວດລາງວັນໂອສກາຂອງອາເມລິກາ.ນາງລູຢ້ຽນປີນີ້ອາຍຸ 79 ປີ,ແມ່ນດາລາຮູບເງົາເຊື້ອສາຍຈີນທີ່ມີຊື່ສຽງ,ສື່ມວນຊົນເຄີຍພັນລະນານາງເປັນນາງງາມຄືເກົ່າ.
ນາງລູຢ້ຽນເກີດຢູ່ປັກກິ່ງ, ປີ 1947, ນາງໄດ້ຍ້າຍໄປສູ່ໂຮໂນລູລູແຫ່ງອາເມລິກາ,ປີ 1956 ,ນາງໄດ້ເຂົ້າຮຽນຢູ່ພະແນກວິຊາການສະແດງຂອງສະຖາບັນລະຄອນທີ່ມີຊື່ສຽງແຫ່ງຫນຶ່ງຢູ່ລັດກາລີໂຟເນຍ.ໃນເວລາຮຽນຈົບ,ໄດ້ສະແດງລະຄອນເວົ້າເລື່ອງຮ້ານຊາເດືອນ 8 ຢ່າງສຳເລັດຜົນ,ພອນສະຫວັນຂອງນາງໃນການສະແດງໄດ້ຮັບຄວາມຢືນຢັນຢ່າງເຕັມສ່ວນ,ຈາກນັ້ນມາ, ນາງລູຢ້ຽນກໍ່ເລີ່ມເດີນຕາມເສັ້ນທາງສະແດງຮູບເງົາຢູ່ຮໍລີວຸດ.ນາງໄດ້ຮ່ວມມືກັບທ່ານແຟຼກ.ບໍເຈດສ໊ ຜູ່ກຳກັບການສະແດງທີ່ໄດ້ຮັບລາງວັນໂອສກາ ,ທ່ານມາລອນ. ບຼັນໂດ ນັກສະແດງຊາຍທີ່ໄດ້ຮັບລາງວັນໂອສກາແລະທ່ານອື່ນໆຢ່າງເປັນລຳດັບ,ຍ້ອນມີຝີມືການສະແດງອັນພົ້ນເດັ່ນ,ນາງໄດ້ກາຍເປັນນັກສະແດງເຊື້ອສາຍຈີນທີ່ມີຊື່ສຽງໃນຮໍລິວຸດ.
ໃນຍາມນາງລູຢ້ຽມຍັງຫນຸ່ມ,ຈີນຍັງບໍ່ທັນເປີດປະຕູສູ່ພາຍນອກເທື່ອ, ນາງມັກສຳນຶກຮູ້ເຖິງຄວາມແຕກຕ່າງກັນລະຫວ່າງວັດທະນະທຳສອງຊະນິດນີ້ຢູ່ເລື້ອຍໆ,ນາງຫວນຄືນຢ່າງມີຄວາມຮູ້ສຶກເລິກເຊິ່ງທີ່ສຸດວ່າ:
ຂ້າພະເຈົ້າຮູ້ສຶກວ່າໃນຍາມຍັງຫນຸ່ມ, ໂອກາດຖ່າຍຮູບເງົາບໍ່ຫລາຍປານໃດ, ເພາະວ່າຂ້າພະເຈົ້າຢູ່ອາເມລິກາ, ຮູບເງົາກ່ຽວກັບຊາວຈີນ,ບົດລະຄອນທີ່ໄດ້ຮັບໃນເມື່ອສີ່ຫ້າສິບປີກ່ອນນັ້ນ, ຊາວອາເມລິກາບໍ່ເຂົ້າໃຈຈີນ,ຍາມນັ້ນຈີນບໍ່ທັນໄຂປະຕູສູ່ພາຍນອກ,ຍິ່ງບໍ່ເຂົ້າໃຈວັດທະນະທຳຈີນ.
1 2 3 4
|
