|
ໃນເວລາຢູ່ຈີນ, ນາງລູຢ້ຽນເຄີຍຮຽນງິ້ວປັກກິ່ງນຳທ່ານໄມລານຟັງ ສິນລະປິນສະແດງງິ້ວປັກກິ່ງຜູ່ມີຊື່ສຽງຂອງຈີນ, ໄດ້ຮັບການຊີ້ນຳຢ່າງພຽນໃຈຈາກທ່ານອີເຈິ້ນໄຟ ອາຈານງີ້ວຄຸນຊີທີ່ມີຊື່ສຽງຂອງຈີນ,ນາງມີລະດັບຄວາມຮູ້ສູງໃນດ້ານການສະແດງງິ້ວປັກກິ່ງ,ເຄີຍສະແດງຢູ່ເທິງເວທີເລື້ອຍໆ.ເພື່ອແນະນຳງິ້ວປັກກິ່ງດັ້ງເດີມຂອງຈີນໃຫ້ອາເມລິກາ, ປີ 1980,ນາງລູຢ້ຽນໄດ້ພິມຈຳຫນ່າຍປະມວນງິ້ວປັກກິ່ງຢູ່ອາເມລິກາ, ໄດ້ແປງິ້ວປັກກິ່ງຂອງຈີນ 5 ເລື່ອງເປັນພາສາອັງກິດ, ເພື່ອພະຍາຍາມໃຫ້ຄວາມກະຈ່າງແຈ້ງຕໍ່ໂສມຫນ້າບຸກຄົນໃນງິ້ວຂອງຈີນທີ່ຖືກຝ່າຍຕາເວັນຕົກເຂົ້າໃຈຜິດ.ນາງໄດ້ປະດິດສ້າງໃຫມ່ຢ່າງກ້າຫານ, ຮ້ອງງິ້ວປັກກິ່ງດ້ວຍພາສາຈີນ,ແຕ່ສົນທະນາໃນງີ້ວດ້ວຍພາສາອັງກິດ,ທັງປະກອບດ້ວຍຄຳບັນລະຍາຍເປັນພາສາອັງກິດອີກ,ທັງຫມາຍເຫດການສະແດງຢູ່ເທິງເວທີແລະດົນຕີປະກອບ,ເຮັດໃຫ້ຊາວອາເມລິກາຊອກຮູ້ງິ້ວປັກກິ່ງແລະຊົມງິ້ວປັກກິ່ງຍິ່ງດີກວ່າເກົ່າ,ເຊິ່ງໄດ້ຮັບປະສິດທິຜົນເປັນຢ່າງດີ.
ເມື່ອຫລາຍປີກ່ອນ, ພາຍຫລັງນາງລູຢ້ຽນໄດ້ຮ້ອງງິ້ວປັກກິ່ງເປັນຊົ່ວໄລຍະຫນຶ່ງ,ນາງໄດ້ຖາມທ່ານໄມລານຟັງ ອາຈານຂອງນາງວ່າຕົນເອງຮ້ອງໄດ້ດີບໍ່?ທ່ານໄມລານຟັງເວົ້າວ່າ:"ຮ້ອງເປັນແລ້ວ, ແຕ່ບໍ່ທັນຍອດຢ້ຽມ." ຄຳເວົ້ານີ້ເກີດມີຜົນສະທ້ອນຕໍ່ນາງລູຢ້ຽນຫລາຍ,"ການສະແດງຕ້ອງສະແດງໃຫ້ຍອດຢ້ຽມ,"ນາງໄດ້ຈື່ຈຳໃນດວງໃຈໂດຍຕະຫລອດ.ນາງລູຢ້ຽນດຳລົງຊີວິດຢູ່ໃນບັນຍາກາດທີ່ວັດທະນະທຳຝ່າຍຕາເວັນຕົກແລະຝ່າຍຕາເວັນອອກສັບ ປົນກັນເປັນເວລາຍາວນານ,ແຕ່ນາງບໍ່ລືມຈັກເທື່ອວ່າຕົນເອງແມ່ນຄົນຈີນ, ຮີດຄອງປະເພນີ ວັດທະນະທຳແລະກຽດສັກສີຂອງຈີນກໍ່ຕິດຕາມນາງຄືເງົາຕາມຕົວ.
1 2 3 4
|
