|
ເຖິງວ່າໂລກນີ້ມີເຊື້ອຊາດຕ່າງກັນແລະພາສາຕ່າງກັນກໍ່ຕາມ, ແຕ່ວັດ ທະນະທຳພັດສາມາດກ່າຍຂົວສະພານ, ເຮັດໃຫ້ຄົນທີ່ຢູ່ເຂດແຄວ້ນຕ່າງກັນນັ້ນເຂົ້າໃຈເຊິ່ງກັນແລະກັນ,ແລະແລກປ່ຽນກັນ.ງານເອັກສ໊ໂປຂະແຫນງການວັດທະນະທຳສາກົນຈີນຄັ້ງທີສອງທີ່ຈັດຂຶ້ນຢູ່ເມືອງເສິນເຈິ້ງຂອງຈີນໃນສະເພາະຫນ້າໄດ້ສະແດງໃຫ້ເຫັນຊັບພະຍາກອນແລະຜະລິດຕະພັນວັດທະນະທຳຂອງຕົວເມືອງວັດທະນະທຳທີ່ມີຊື່ສຽງຫລາຍສິບເມືອງຂອງຈີນແລະຕ່າງປະເທດ.
(ຜູ່ເຖົ້າທີ່ກຳລັງຫລິ້ນມວຍໄທເກັກຕະກຸນເສີນ)
ລ້ອງແມ່ນ້ຳເຫລືອງແມ່ນແຫລ່ງກຳເນີດຂອງວັດທະນະທຳເກົ່າແກ່ ບູຮານຂອງຈີນ, ສິນລະປະເກົ່າແກ່ສ່ວນຫນຶ່ງຍັງຄົງເປັ່ງພະລັງຊີວິດຊີຢູ່ຄືເກົ່າ.ໃນຫໍວາງສະແດງທີຫນຶ່ງ, ຄູຝຶກ 20 ກວ່າຄົນທີ່ມາຈາກບ້ານເກີດມວຍໄທເກັກຂອງຈີນພວມສະແດງມວຍໄທເກັກຕະກຸນເສີນ,ພວກເຂົາເຈົ້າມາຈາກບ້ານເສີນເຈ່ຍໂກວ ເມືອງເວີນຊ້ຽນນະຄອນເຈ່ຍໂຈ້ແຂວງເຫີນານ,ແຫ່ງນີ້ແມ່ນບ່ອນກຳເນີດມວຍໄທເກັກຕະກຸນເສີນຂອງຈີນ.ມວຍໄທເກັກຕະກຸນ ເສີນແມ່ນສຳນັກຫນຶ່ງທີ່ເກົ່າແກ່ກວ່າຫມູ່ໃນຫ້າສຳນັກຂອງມວຍໄທເກັກຈີນ. ຕາມເວົ້າກັນວ່າ, ປັດຈຸບັນໃນໂລກມີ 150 ລ້ານຄົນພວມຝຶກມວຍໄທເກັກຂອງຈີນ.ຄູຝຶກເສີນກາງເວົ້າຕໍ່ນັກຂ່າວວ່າ:
ໃນເວລາຫລິ້ນມວຍໄທເກັກ,ຕົ້ນຕໍແມ່ນເດີນຕາມເສັ້ນມົນ.ຈຸດພິເສດຂອງມັນແມ່ນເອົາກັງຟູ ກຳລັງພາຍໃນແລະປັດຊະຍາຂອງຈີນປະສານສົມທົບກັນ.ປັດຈຸບັນ ການເຜີຍແຜ່ມວນໄທເກັກຕະກຸນເສີນຍັງບໍ່ດີຄືການເຜີຍແຜ່ມວຍໄທເກັກຕະກຸນຢາງ,ຍ້ອນວ່າມວຍໄທເກັກເສີນຊືແມ່ນແຫລ່ງກຳເນີດ ຂອງມວຍໄທເກັກທັງຫມົດ,ການສືບທອດໃນແຕ່ກ່ອນແມ່ນເຂັ້ມງວດຫລາຍ,ຕ້ອງແມ່ນພໍ່ສອນລູກ,ບໍ່ໃຫ້ສອນຜູ່ອື່ນ,ມີແຕ່ສອງສາມປີມໍ່ໆມານີ້ຈິ່ງສອນຜູ່ອື່ນ.
1 2 3 4
|
