|
(ຫມໍ້ສີ່ຂາຊືມູວູ້)
ເຄື່ອງຈຳລອງຫມໍ້ສີ່ຂາຊືມູວູ້ ເຊິ່ງເປັນສິ່ງປະເສີດທີ່ມີຊື່ສຽງຂອງຈີນທີ່ວາງສະແດງຢູ່ໃນຫໍນັ້ນໄດ້ເຮັດໃຫ້ຜູ່ຊົມຈຳນວນຫລວງຫລາຍສົນໃຈນຳ.ຫມໍ້ສີ່ຂາຊືມູວູ້ຖືກຂຸດພົບຢູ່ບ້ານອູກວນເມືອງອານຢາງແຂວງເຫີນານຂອງຈີນໃນວັນທີ 19 ມີນາຄ.ສ.ປີ 1939, ແຖບນີ້ແມ່ນແຖບໃຈກາງຂອງວັດທະນະທຳອິນຊາງກ່ອນຄ.ສ.ປະມານສັດຕະວັດທີ 16. ຫນັງສືຄວັດໃສ່ ອອງເຕົ່າທີ່ມີຊື່ສຽງກໍ່ກຳເນີດຢູ່ບ່ອນນີ້.ປັດຈຸບັນ, ຊາກອີນຊີພວມຮ້ອງຂໍເປັນມໍລະດົກວັດທະນະທຳໂລກ.
ຫມໍ້ສີ່ຂາມີຄວາມຫມາຍພິເສດໃນປະຫວັດສາດຈີນ.ໃນຍຸກອາລະຍະທຳທອງສຳລິດ, ມັນແມ່ນເຄື່ອງໃຊ້ທາງພິທີການຕ່າງໆທີ່ສຳຄັນຂອງລັດ.ຫມໍ້ສີ່ຂາຊືມູວູ້ສູງ 1,33 ແມັດ,ແມ່ນຫມໍ້ສາມຂາໃຫຍ່ກວ່າຫມູ່ທີ່ ປະກົດເຫັນຢູ່ຈີນນັບມາຮອດປັດຈຸບັນ,ມັນໄດ້ສະແດງໃຫ້ເຫັນເຕັກນິກຫລໍ່ຫລອມອັນຍອດຢ້ຽມຂອງຈີນໃນຍາມນັ້ນ.ພ້ອມກັນນັ້ນ, ມັນກໍ່ມີນິທານທີ່ບໍ່ທຳມະດາ,ຄືໃນເວລາປະກົດເຫັນຫມໍ້ສາມຂາຊືມູວູ້ໃນປີ 1939, ພໍດີຈີນຖືກຍີ່ປຸ່ນ ຮຸກຮານ,ທ່ານອູໄຜເວີນ ຜູ່ຂຸດພົບແລະຜູ່ປ້ອງກັນຫມໍ້ສີ່ຂາດັ່ງກ່າວປີນີ້ອາ ຍຸ 84 ແລ້ວ.ທ່ານອູຊູອານ ຫລານຊາຍຂອງທ່ານວູໄຜເວີນບອກນັກຂ່າວວ່າ:
ວັນທີ 19 ມີນາປີ 1939,ຫມໍ້ສາມຂາດັ່ງກ່າວແມ່ນຖືກພົບເຫັນຢູ່ສຸສານບັນພະບູລຸດຂອງຄອບຄົວຂ້າພະເຈົ້າໃນເວລາສ້າງສຸສານ,ເມື່ອພົບເຫັນແລ້ວ,ເພື່ອບໍ່ໃຫ້ຊາວຍີ່ປຸ່ນປຸ້ນເອົາໄປ,ເລີຍວາງຢູ່ເຮືອນເບື້ອງຕາເວັນອອກຂອງເຮືອນຕະກຸນອູ,ເມື່ອຊາວຍີ່ປຸ່ນຮູ້ແລ້ວກໍ່ໄປກວດຄົ້ນສາມເທື່ອຢູ່ເຮືອນຕະກຸນອູ,ແຕ່ປູ່ແລະອ້າຍນ້ອງຂອງປູ່ໄດ້ຍ້າຍເອົາໄປຝັງໄວ້ສາມເທື່ອລຽນຕິດ,ໃນທີ່ສຸດໄດ້ຝັງຢູ່ເຮືອນເບື້ອງຕາເວັນອອກຂອງເຮືອນຕະກຸນອູເປັນເວລາ 8 ປີ.
ໃນເວລາຫໍພິພິດຕະພັນປະຫວັດສາດຈີນສ້າງຕັ້ງຂຶ້ນເມື່ອປີ 1959, ຫມໍ້ສີ່ຂາຊືມູວູ້ກໍ່ຖືກວາງໄວ້ຢູ່ແຫ່ງນີ້ໃນຖານເປັນວັດຖຸບູຮານລະດັບຊາດ.
1 2 3 4
|
