|
|
 |
| (GMT+08:00)
2006-06-08 10:25:26
|
 |
|
ເມືອງເກົ່າພິງຢາວມີເຮືອນພັກຫຼາຍ
cri
Author: da
ເຮືອນພັກ"ທ່ຽນຢວນຂຸຍ"
ເມື່ອເວົ້າເຖິງເຮືອນພັກຂອງເມືອງພິງຢາວ,ກໍຕ້ອງເວົ້າເຖິງເຮືອນພັກ"ທ່ຽນຢວນຂຸຍ"ກ່ອນ.ເຮືອນພັກນີ້ຫ່າງຈາກໃຈກາງເມືອງເກົ່າພຽງແຕ່ຫຼາຍຮ້ອຍແມັດທໍ່ນັ້ນ,ອາດເວົ້າໄດ້ວ່າ ມັນມີລັກສະນະຕົວແທນໃຫ້ແກ່ເຮືອນພັກຂອງເມືອງເກົ່າພິງຢາວ.ແຕ່ກ່ອນ ເຮືອນພັກ"ທ່ຽນຢວນຂຸຍ"ແມ່ນເຮືອນຂອງພໍ່ຄ້າ,ສ້າງເມື່ອ 200 ກວ່າປີກ່ອນ.ໃນຄາວນັ້ນ ພໍດີຢູ່ໃນໄລຍະເສດຖະກິດທ້ອງຖິ່ນຈະເລີນຮຸ່ງເຮືອງທີ່ສຸດ,ພໍ່ຄ້າຫຼາຍໆຄົນຢູ່ໃນເມືອງລ້ວນແຕ່ມີເຮືອນສ່ວນຕົວຄືແນວນີ້ໜຶ່ງຫຼືຫຼາຍແຫ່ງ.
 ເມື່ອຍ່າງເຂົ້າເຮືອນພັກ"ທ່ຽນຢວນຂຸຍ",ທ່ານຈະຮູ້ສຶກເຖິງບັນຍາກາດວັດທະນະທຳບູຮານອັນເຂັ້ມຂຸ້ນ.ດິນຈີ່ສີຂຽວທີ່ປູຢູ່ໃນເດີ່ນບ້ານ,ຢູ່ໃນເຮືອນໄດ້ປະກອບດ້ວຍໂຕະແລະເກົ້າອີ້ທີ່ທັງໃຫຍ່ທັງໜາ,ທັງໝົດເຫຼົ່ານີ້ລ້ວນແຕ່ມີເອກະລັກຍຸກສະໄໝອ້ອຍຕ້ອຍ.ຢູ່ໜ້າເຮືອນພັກໄດ້ແຂວນໂຄມໄຟແດງ,ຕິດດອກເຈ້ຍຕັດທີ່ສິລິມຸງຄຸນໃສ່ປ່ອງຢ້ຽມ,ເຕັມໄປດ້ວຍຄວາມມ່ວນຊື່ນຂອງຊີວິດພື້ນເມືອງຂອງແຂວງຊ່ານຊີ່; ປະຕູແລະຂອບປ່ອງຢ້ຽມລ້ວນແຕ່ໄດ້ຄວັດຮູບໃສ່ຢ່າງລະອຽດປານີດ,ງາມຫຼາຍ.ທ່ານວັງດາ ນັກທ່ອງທ່ຽວໄດ້ພັກຢູ່ເຮືອນພັກແຫ່ງນີ້ຫຼາຍມື້ແລ້ວ,ທ່ານເວົ້າວ່າ:
"ການປະດັບໃນຫ້ອງເຮັດໃຫ້ຄົນຮູ້ສຶກດີຫຼາຍ,ລ້ວນແຕ່ແມ່ນເຄື່ອງເຮືອນແບບລາຊະວົງມິງແລະລາຊະວົງຊິງທີ່ເຮັດດ້ວຍໄມ້ແດງ,ຢູ່ເທິງຝາໄດ້ແຂວນໜັງສືຂຽນງາມແລະຮູບແຕ້ມແບບຈີນ,ມີໂທລະພາບສີ ມີແອເຢັນ,ຫ້ອງນ້ຳກໍສະອາດທີ່ສຸດ.ສິ່ງທີ່ມ່ວນກວ່າໝູ່ນັ້ນແມ່ນ ຕຽງນອນໃນຫ້ອງລ້ວນແຕ່ແມ່ນເຮັດດ້ວຍດິນ,ສາມາດນອນ 5-6 ຄົນ,ມ່ວນຫຼາຍ."
1 2 3 4
|
|
|
