|
ປັດຈຸບັນ ທ່ານເຈິ້ງຊວນແມ່ນຄົນຈີນພຽງຜູ່ດຽວທີ່ໄດ້ຮັບນາມມະຍົດເປັນຊ່າງເຮັດວີໂອລົງສາກົນຈາກສະມາຄົມເຮັດວີໂອລົງສາກົນ.ທ່ານໄດ້ສ້າງສຳນັກສາຂາວິຊາຈີນໃນການເຮັດວີໂອລົງໃນຊຸມປີ 80 ສະຕະ ວັດແລ້ວນີ້,ມາຮອດຊູ່ມື້ນີ້,ໄດ້ຮັບຜົນງານທີ່ບໍ່ທຳມະດາ.
ທ່ານເຈິ້ງຊວນເກີດຢູ່ຊຽງໄຮ້ເມື່ອປີ 1950 ,ເຕີບໃຫຍ່ຢູ່ໃນຄອບຄົວປັນ ຍາຊົນດັ້ງເດີມ.ພໍ່ແມ່ຂອງທ່ານແມ່ນວິສະວະກອນເຄມີສາດທີ່ມີຊື່ສຽງ,ພວກເພິ່ນມີຫນ້າທີ່ຮັບຜິດຊອບຕໍ່ສັງຄົມອັນແຮງກ້າ,ລິເລີ່ມສົ່ງເສີມການຮັບໃຊ້ສັງຄົມດ້ວຍຄວາມຮູ້,ນີ້ໄດ້ເກີດມີຜົນສະທ້ອນອັນເລິກເຊິ່ງຕໍ່ການເຕີບໂຕຂອງທ່ານເຈິ້ງຊວນ.
ທ່ານເຈິ້ງຊວນຮຽນສີວີໂອລົງຕັ້ງແຕ່ຍາມຍັງນ້ອຍ.ຊຸມປີ 70 ສະຕະວັດແລ້ວນີ້, ທ່ານໄດ້ກາຍເປັນຜູ່ສີວີໂອລົງໃນຄະນະສິນລະປະກຳເຂດສືໂຈວຂອງແຂວງອານຫຸ່ຍຈີນ.ທ່ານເຈິ້ງຊວນມີຄວາມສາມາດເຮັດເຄື່ອງຂອງເກັ່ງທີ່ສຸດ,ໃນເວລາຄະນະສິນລະປະກຳຂາດເຄື່ອງສະແດງຫຍັງ,ເພິ່ນກໍ່ຈະເຮັດດ້ວຍຕົນເອງ.ດົນຕາມດົນ, ທ່ານເຈິ້ງຊວນກໍ່ຕິດໃຈນຳການເຮັດວີໂອລົງ,ເມື່ອກັບມາຈາກການສະແດງເທື່ອໃດ,ເພິ່ນກໍ່ມັກຄຶດວ່າຈະເຮັດໃຫ້ທ່ອນໄມ້ທີ່ຫາໄດ້ນັ້ນກາຍເປັນວີໂອລົງແນວໃດ.ເມື່ອກ່າວເຖິງປະສົບການຮຽນເຮັດວີໂອລົງ,ທ່ານເຈິ້ງຊວນເວົ້າວ່າ:
ໃນດ້ານນີ້,ຂ້າພະເຈົ້າຮັບຮູ້ໄວຫລາຍ,ແລະສົນໃຈເປັນພິເສດ,ແຕ່ໃນວົງການເຮັດວີໂອລົງໃນຄາວນັ້ນ,ມີຄົນຫລິ້ນວີໂອລົງຫນ້ອຍທີ່ສຸດ,ສະນັ້ນ, ຂ້າພະເຈົ້າເຂົ້າສູ່ວົງການເຮັດວີໂອລົງໃນນາມເປັນຜູ່ຫລິ້ນວີໂອລົງ,ແມ່ນມີເງື່ອນໄຂພິເສດຫລາຍ,ບໍ່ດົນ,ຂ້າພະເຈົ້າກໍ່ໄດ້ກຳແຫນ້ນການພົວພັນລະຫວ່າງວີໂອລົງກັບສຽງ.
1 2 3 4
|
