|
ທ່ານເຈິ້ງຊວນບໍ່ພຽງແຕ່ມົວເມົານຳສິນລະປະເຮັດວີໂອລົງທໍ່ນັ້ນ,ທ່ານຍັງຫວັງຢາກອົບຮົມຜູ່ມີຄວາມສາມາດໃນການເຮັດວີໂອລົງຮຸ່ນໃຫມ່ໃຫ້ຈີນ.ສະນັ້ນ, ວຽກທຳອິດທີ່ທ່ານເຈິ້ງຊວນເຮັດພາຍຫລັງກັບຄືນປະເທດແລ້ວກໍ່ແມ່ນສ້າງສູນຄົ້ນຄວ້າເຮັດວີໂອລົງຂອງສະຖາບັນດົນຕີສູນກາງຄືນໃຫມ່.ປີ 1989 , ທ່ານເຈິ້ງຊວນໄດ້ຮັບນັກສຶກສາທີ່ຮຽນວິຊາເຮັດວີໂອລົງງວດທຳອິດ,ແລະນຳໃຊ້ທິດສະດີແລະຝີມືການເຮັດວີໂອລົງທີ່ກ້າວຫນ້າທີ່ຕົນໄດ້ຮຽນຢູ່ອີຕາລີເຂົ້າໃນການສິດສອນວິທີເຮັດວີໂອລົງຂອງຈີນ.ລະດັບຂອງຄົນເຫລົ່ານີ້ສູງຂຶ້ນກໍ່ໄດ້ຮັບຫມາກຜົນທີ່ຫນ້າຊົມຊື່ນໃນທີ່ສຸດ,ປີ 2003,ໃນການແຂ່ງຂັນເຮັດວີໂອລົງສາກົນທີ່ຈັດຂຶ້ນຢູ່ອີຕາລີ,ໃນຜູ່ ໄດ້ລາງວັນ 20 ຄົນກໍ່ມີ 7 ຄົນແມ່ນລູກສິດຂອງທ່ານເຈິ້ງຊວນ.
ເມື່ອກັບຄືນປະເທດຈີນແລ້ວ, ທ່ານເຈິ້ງຊວນຍັງໄດ້ຕັ້ງເປົ້າຫມາຍໃຫມ່ໃຫ້ຕົນເອງຄື:ເຮັດໃຫ້ວີໂອລົງທີ່ເຮັດດ້ວຍໄມ້ຈີນນັ້ນໄດ້ຮັບການຮັບຮອງຈາກສາກົນ.ສະນັ້ນ, ທ່ານໄດ້ນຳໃຊ້ຜົນງານທີ່ທ່ານໄດ້ຮັບໃນຂົງເຂດຄົ້ນ ຄວ້າວິທະຍາສາດເຕັກນິກເຂົ້າໃນການປະດິດສ້າງ,ໃນນັ້ນລວມທັງການນຳໃຊ້ເຕັກນິກຊຳລະໄມ້ແປຮູບ ຊຳລະບໍ່ໃຫ້ໄມ້ເກົ່າແລະສີນ້ຳມັນເປັນຕົ້ນ.ເພື່ອຊອກຮູ້ສະພາບການເຕີບໃຫຍ່ແລະສະພາບແວດລ້ອມເຕີບໃຫຍ່ຂອງໄມ້, ທ່ານເຈິ້ງຊວນໄດ້ໄປພູຊິງອານລິງໃຫຍ່ແລະນ້ອຍ,ພູຊາງປາຍແລະພູລຽງຊານໃຫຍ່ແລະນ້ອຍຢູ່ແຄມແມ່ນ້ຳຈີ່ນຊາ.ທ່ານຍັງໄດ້ໄປເກັບກຳເອກະສານມືຫນຶ່ງຢູ່ເຂດພູດອຍທີ່ຫ່າງໄກສອກຫລີກຢູ່ແຂວງກຸ້ຍໂຈວ ແຂວງຢຸນນານແລະແຂວງເຊຊວນຂອງຈີນ.ທ່ານເຈິ້ງຊວນດຸຫມັ່ນຫລາຍ.ທ່ານເວົ້າວ່າ:
ຖ້າຂ້າພະເຈົ້າສາມາດເຮັດວີໂອລົງທີ່ດີອອກມາ,ທີ່ຈິງແລ້ວກໍ່ແມ່ນຍ້ອນຂ້າພະເຈົ້າໄດ້ພະຍາຍາມຫລາຍກວ່າຫມູ່.ການເຮັດວີໂອລົງແມ່ນວິຊາທີ່ເອົາວິທະຍາສາດກັບສິນລະປະກຳປະສົມປະສານກັນ, ທັງຕ້ອງມີຄວາມຮູ້ດ້ານວິ ທະຍາສາດຢ່າງຫລວງຫລາຍ, ຕ້ອງມີຄວາມຮູ໊ດ້ານການວິເຄາະແລະຄວາມຮູ້ສຶກທາງດ້ານສິນລະປະກຳອີກດ້ວຍ.
1 2 3 4
|
